2 SAMUELA 14:4 - Jinghpaw Common Language Bible 2009

⁴ Dai numsha mung hkawhkam wa kaw shang nna ga de dingnyawm dagup let hkungga jaw nna, “Nye a hkawhkam wa e, ngai hpe karum la e law!,” ngu nna tsun wu ai.

Jinghpaw Hanson Version Bible

⁴ Dai numsha mung hkawhkam wa man de shang nna, ga e dingnyawm dagup let, “Hkawhkam wa e, Hkye la rit law,” ngu nna shi hpe nawku wu ai.

2 SAMUELA 14:4 ပူးပေါင်းရင်းမြစ်များ

2 SAMUELA 1:2

Hpang shani e, shabrang langai mi gaw Shawlu a dap kaw na du wa nhtawm shi a bu hpun palawng ni gang je kau let shi a baw ntsa e ga nhpu hte bun nna yawn hkyen ai lam madun dan nga wu ai. Shaloi Dawi hpang de shi sa nna ga de dingnyawm dagup let hkungga jaw wu ai.

2 SAMUELA 14:22

Yoab gaw ga de gum dagup nhtawm Dawi a man e hkungga jaw let, “Nye a madu hkawhkam wa e, Karai Kasang nang hpe shaman ya nga u ga law! Nye a hpyi lajin ai lam hpe jaw ya nit dai majaw nang ngai hpe ra sharawng nga ndai gaw, ya ngai chye ni ai,” ngu nna tsun wu ai.

2 SAMUELA 14:5

Shi gaw dai numsha hpe, “Nang hpa ra n ta?,” ngu nna san wu ai. Dai numsha mung, “Madu e, ngai gaw matsan mayan re ai gaida jan langai mi rai nga nngai. Nye a madu wa mung si mat sai.

2 SAMUELA 18:28

Ahimaza gaw hkawhkam wa hpe jahtau tsun let shakram la nhtawm shi a man e ga de gum dagup nhtawm, “Madu hkawhkam hpe gumlau ai ni hpe na a lata hta ap ya nna awng padang jaw ya sai dai Madu na a Karai Kasang gaw a nga u ga law!,” ngu nna tsun wu ai.

1 SAMUELA 20:41

Dai ma pru mat wa ai hpang, Dawi gaw nlung sumpum a shingdu kaw nna rawt pru wa nhtawm ga de hput di di let masum lang gum dagup wu ai. Shi hte Yonahtan mahtang shan shada da pup let hkrap nga ma ai; Dawi mahtang Yonahtan hta grau nna yawn nga ai.

1 SAMUELA 25:23

Abigala gaw Dawi hpe mu ai shaloi, lawze kaw na tin tin yu nhtawm Dawi a lagaw nhpang e dingnyawm dagup ai hte