2 SAMUELA 14:3 - Jinghpaw Common Language Bible 2009

³ Dai hpang hkawhkam wa hpang de shang nhtawm ngai nang hpe kaning ngu tsun na lam tsun dan sai hte maren, shi hpe tsun na rai ndai,” ngu nna tsun dan wu ai.

Jinghpaw Hanson Version Bible

³ hkawhkam wa man de shang nhtawm ning ngu tsun u,” ngu nna dai numsha n-gup hta ga bang wu ai.

2 SAMUELA 14:3 ပူးပေါင်းရင်းမြစ်များ

2 SAMUELA 14:19

Dawi gaw dai numsha hpe, “Ndai amu Yoab mahtang nang hpe galaw shangun ai n rai ni?,” ngu nna san dat wu ai. Dai numsha mung, “Nye a madu hkawhkam wa e, chyoi pra nga ai hte maren, ndai lam yawng hpe nga dagam nngai; nang san ai ga san hpe koi yen nna htai na lam hpa mi n nga nga ai. Dai gaw na a du Yoab mahtang ngai hpe kaning rai galaw na, kaning rai tsun na lam ngai hpe hkang dat ai hte maren kaja wa rai nga ai.

2 SAMUELA 14:4

Dai numsha mung hkawhkam wa kaw shang nna ga de dingnyawm dagup let hkungga jaw nna, “Nye a hkawhkam wa e, ngai hpe karum la e law!,” ngu nna tsun wu ai.

EZRA 8:17

Ngai gaw shanhte hpe Hkashihpia mare e nga ai rau nga hpung a ningbaw Ido hte shi a manaw manang ni, Nawku Htingnu amu galaw masha ni hpang de shangun dat nhtawm Nawku Htingnu hta Karai Kasang hpe daw jau na amyu masha ni shangun dat ya na lam shana dat nngai.

PRU MAT 4:15

Nang gaw shi hte rau ga shaga lu na rai nna, kaning ngu tsun na ga shi hpe tsun dan u. Ngai gaw nan lahkawng tsun shaga na ga hpe karum ya na nngai; ngai gaw nan hpa galaw na lam hpe mung tsun dan na made ai.

ESAIA 51:16

Ngai gaw sumsing lamu ni hpe hpyan da ai hte ginding aga a npawt nhpang ni hpe jahkrat tawn nngai. Ngai gaw Yerusalem hpe, ‘Nang gaw nye a amyu masha rai nga ndai! Ngai gaw nang hpe nye a sharin shaga ga jaw ni ai, ngai gaw nang hpe nye a lata hte makawp maga nngai,’” ngu nna tsun wu ai.

ESAIA 59:21

Ngai gaw nanhte hte ga shaka tawn da na nngai: dai gaw nanhte a matu htani htana rai nga na nye a daru magam n-gun hte nye a sharin achyin ai ga ni ngai nanhte hpe jaw ni ai, ya aten kaw nna, nanhte gaw nye a ga madat mara ra na rai myit dai, nanhte a kashu kasha ni hte nanhte a aru arat ni hpe prat mi hte prat mi nye a ga madat mara na matu sharin ya nga mu.”

YEREMIA 1:9

Dai hpang dai Madu gaw lata ladawn let nye a nten hpe ahtawk nna ngai hpe, “Madat u, ngai nang hpe jaw ya nga ai mungga hpe nang tsun lu na rai ndai.

BU HKAWM 23:5

Dai Madu mung Balam hpe kaning ngu tsun na lam tsun matsun nhtawm, dai ga Balak hpe bai wa hti dan na matu shi hpe bai nhtang wa shangun dat wu ai.

TARA JAHPRANG 18:18

Nang zawn re ai myihtoi langai, shanhte hpang de shangun dat ya na we ai; shi kaning ngu tsun na ga, shi hpe ngai tsun dan na we ai. Shing rai shi gaw ngai hkang da mada lam magup amyu masha ni hpe tsun dan na rai wu ai.