2 SAMUELA 14:27 - Jinghpaw Common Language Bible 2009

²⁷ Absalom gaw shadang sha masum hte Tama mying ai grai tsawm htap ai shayi sha langai lu nga ai.

Jinghpaw Hanson Version Bible

²⁷ Absalom mung shadang sha masum hte, Tama mying ai shayi sha langai mi lu ai: num kasha dai mung myi man tsawm lu ai.

2 SAMUELA 14:27 ပူးပေါင်းရင်းမြစ်များ

2 SAMUELA 11:2

Lani mi na shana de maga chyahkring mi myet nga nna yup la ai hpang, Dawi rawt wa nhtawm shi a hkawhkam hkaw numgaw de sa wa wu ai. Dai yang e shi kayin hkawm wu yang, yu u, numsha langai mi shi a nta e hka shin nga ai hpe mu dat wu ai. Dai numsha chyawm gaw ahpraw asam mung grai tsawm nga ai.

2 SAMUELA 13:1

Dawi a kasha Absalom hta Tama mying ai ahpraw asam tsawm nna num garai n wa ai kajan langai nga nga ai; kaga Dawi a kasha ni hta na Amnon mahtang shi hpe yu tsaw ra da wu ai.

2 SAMUELA 18:18

Absalom chyawm gaw shi a prat tup hta shi a mying matut hkrung nga na matu shi hta shadang sha n lu nga sai majaw, Hkawhkam Kadit shara e shi hkum nan a matu masat dingsat shadaw langai hpe gaw da wu ai. Dai rai nna dai hpe shi nan mying shamying da wu ai majaw, dai ni du hkra dai gaw Absalom a masat dingsat ngu nna gumhkawng nga ai.

ESAIA 14:22

Chyahtum Chyalai N-gun rawng ai dai Madu gaw, “Ngai gaw Babelon hpe gasat nna dai mung hpe jahten sharun kau na we ai. Ngai gaw arai hpa hpe mung, kashu kasha ni hpe mung, asak hkrung nga ai masha langai mi hpe mung tawn da na nngai n rai. Dai Madu Ngai nan tsun ni ai.

YEREMIA 22:30

“Ndai masha gaw shi a kashu kasha shamat kau na matu mung, galoi mung n awng dang ai masha tai na matu mung, ndai masha wa gaw dingnye hkrum nga ai. Shi hta Dawi a hkaw tingnyang matut na Yuda mung hpe up hkang na aru arat ni htum mat na mara ai. Dai Madu ngai nan tsun ni ai.”