2 SAMUELA 14:26 - Jinghpaw Common Language Bible 2009

²⁶ Shi a kara grai htat nga ai rai nna dai hpe laning mi hta kalang rep kau wu ai; shi a kara njaw nau wa galu nna li nga ai shaloi shen yu yang hkawhkam hkaw e lang ai joi jang hte maren pawng manga daram li nga ai.

Jinghpaw Hanson Version Bible

²⁶ Shi a njaw li ai majaw shaning shagu kara daw kau nna, shaning shagu na kara gaw, hkawhkam shen ai shekela hku rai yang, shekela ni tsa dang li lu ai.

2 SAMUELA 14:26 ပူးပေါင်းရင်းမြစ်များ

NINGPAWT NINGHPANG 23:16

Abraham mung myit hkrum ai hte na lawm ai masha ni a man e Ehpron tsun hpaw sai manu hpe hpaga ni jai lang ai gumhpraw mali tsa, shi hpe shen ya wu ai.

2 SAMUELA 18:9

Absalom mung Dawi a masha ni hte akajawng sha hkrum kadup wu ai. Absalom gaw lawze jawn wu ai rai nna wamyi hpun kaba npu hku lai sa mat wa yang, shi a baw hpun lakung lakying ni hta wa dau mat wu ai. Shaloi lawze gaw gat gumtawng mat wa ai rai nna Absalom mung lapran hpatwat e noi goi wat nga ai.

ESAIA 3:24

Manam pyaw ai baw lang na malai, shanhte gaw ahpu ahkying nga manam na ra ai, tsawm ai shingkyit ni a malai, shanhte gaw ahtat awat re ai sumri ni kyit ra na mara ai; tsawm htap ai kara a malai, shanhte gaw abaw shakrin kau hkrum na mara ai; kaja ai bu hpun palawng ni a malai, shanhte gaw tsupni ni hpun ra na mara ai; shanhte a tsawm htap ai gaw kaya kahpa tai mat na mara ai!

EZEKELA 44:20

“Hkinjawng ni gaw kara shangun na mung, galu shangun na mung n mai nga ai. Dai kara ni hpe htap htuk ai hku mai daw nga ai.

JAW JAU 19:36

Teng man ai joi jang, teng man ai joi si hte teng man ai dang ni lang mu. Ngai gaw Egutu mung kaw na nanhte hpe woi shapraw wa ai dai Madu nanhte a Karai Kasang rai nga nngai.

1 KORINHTU 11:14

Lasha gaw kara galu madat yang, shi a matu arawng hpoi lam rai nga ai gaw, shingra maka e nan nanhte hpe madun dan nga ai n rai ni?