2 SAMUELA 14:24 - Jinghpaw Common Language Bible 2009

²⁴ Hkawhkam wa chyawm gaw kaning hku rai tim, Absalom gaw hkawhkam wang e n nga lu na lam hkang da wu ai. Hkawhkam wa gaw, “Ngai shi hpe n mu mayu nngai,” ngu nna tsun wu ai. Dai re ai majaw Absalom mung shi a nta hta sha nga nga ai hte hkawhkam wa a man de n pru hkawm wu ai.

Jinghpaw Hanson Version Bible

²⁴ Hkawhkam wa chyawm gaw, “shi a nta de wa nga u ga, nye a man e hkum dawng pru shangun rit,” ngu wu ai. Shing rai Absalom gaw shi a nta de nga nga nna, hkawhkam wa a myi man n mu lu wu ai.

2 SAMUELA 14:24 ပူးပေါင်းရင်းမြစ်များ

NINGPAWT NINGHPANG 43:3

Yuda mahtang shi hpe, “Anhte a kanau wa hpe anhte hte rau n woi sa ai rai yang, shi a man de anhte shang lu na ga ai n rai, nga nna dai wa anhte hpe ja ja sadi jaw dat mi ai.

2 SAMUELA 13:20

Shi a kahpu Absalom gaw Tama hpe mu ai shaloi shi gaw, “Amnon nang hpe roi kau sani? Ngai jan e, chyeju hte dai lam a majaw nau wa myit hkum ru hkum kahtet nga et; shi gaw na a nhpu rai nga ai majaw dai lam kadai hpe mung hkum tsun dan et,” ngu nna tsun wu ai. Tama mung myit yawn ai hte shi chyu sha garen gari rai, Absalom a nta e nga nga wu ai.

2 SAMUELA 14:28

Absalom chyawm gaw hkawhkam wa hpe n mu lu ai sha lahkawng ning tup Yerusalem mare e nga nga wu ai.

2 SAMUELA 3:13

Dawi gaw, “Kaja nga ai! Rai ti mung masa lam langai hta lakap nna ngai nang hte myit hkrum lam galaw da na nngai: nang ngai hpe sa hkrum ai shaloi Shawlu a shayi sha Mihkala hpe ngai hpang de woi sa wa lu na rai ndai,” ngu nna htan wu ai.

PRU MAT 10:28

Shi gaw Mawshe hpe, “Nye a man kaw na pru mat wa u! Na a myi man ngai hpe galoi mung bai hkum mu shangun et, nye a myi man bai mu ai shani gaw, nang si na rai ndai!,” ngu nna tsun wu ai.

SHINGRAN 22:4

Shanhte gaw, shi myi man hpe ayu mada nga lu na mara ai rai nna, shanhte a lahtan ni hta shi a mying nsang ka kap da na ra ai.