2 SAMUELA 14:22 - Jinghpaw Common Language Bible 2009

²² Yoab gaw ga de gum dagup nhtawm Dawi a man e hkungga jaw let, “Nye a madu hkawhkam wa e, Karai Kasang nang hpe shaman ya nga u ga law! Nye a hpyi lajin ai lam hpe jaw ya nit dai majaw nang ngai hpe ra sharawng nga ndai gaw, ya ngai chye ni ai,” ngu nna tsun wu ai.

Jinghpaw Hanson Version Bible

²² Dai rai nna Yoab gaw ga e dingnyawm dagup let hkawhkam wa hpe shakawn wu ai gaw, “Nye a madu hkawhkam wa e, nang na a mayam a hpyi ai lam hte maren galaw ya ndai majaw, ngai na a man e myi man pa ai gaw, dai ni ngai chye se ai,” ngu wu ai.

2 SAMUELA 14:22 ပူးပေါင်းရင်းမြစ်များ

NINGPAWT NINGHPANG 47:7

Dai hpang Yosep gaw shi a kawa Yaku hpe woi la nna hkawhkam wa hpang de woi shawn da wu ai. Yaku mung hkawhkam wa hpe shaman ya wu ai;

NINGPAWT NINGHPANG 6:8

Rai ti mung dai Madu chyawm gaw Noa hpe awng sharawng nga wu ai.

2 SAMUELA 14:21

Dai hpang hkawhkam wa gaw Yoab hpe, “Nang ra ai hku galaw na matu ngai daw dan da se ai. Dai shabrang wa Absalom hpe sa shaga la nna ndai de woi wa mi,” ngu nna tsun wu ai.

2 SAMUELA 14:23

Dai hpang shi gaw Geshura de sa nna Absalom hpe Yerusalem mare de bai woi wa wu ai.

2 SAMUELA 14:4

Dai numsha mung hkawhkam wa kaw shang nna ga de dingnyawm dagup let hkungga jaw nna, “Nye a hkawhkam wa e, ngai hpe karum la e law!,” ngu nna tsun wu ai.

2 SAMUELA 19:39

Dai hpang Dawi hte shi a masha ni yawng Yawdan hka rap mat wa ma ai. Shi gaw Barazilai hpe pup nhtawm shaman da ya wu ai; shing rai Barazilai mung nta de wa mat wa wu ai.

NEHEMIA 11:2

Amyu masha ni gaw madu myit hku Yerusalem hta nga ai ni kadai hpe mung shakawn ma ai.

YOBA 29:11

Ngai hpe mu nna nye a lam na ai ni kadai mung ngai hta byin ai lam hpe mai kaja ai amu re nga nna tsun shajang ma ai.

YOBA 31:20

nye a sagu hpung na lu la ai sagu mun hte da ai hpun palawng shi hpe jaw nngai. Shaloi shi a myit masin mahkra hte shi ngai hpe shakawn wu ai.

GA SHAGAWP 31:28

Shi a kasha ni shi hpe shareng hkungga jaw nna, shi a madu wa mung shi hpe shakawn nga ai.

RUHTA 2:2

Lani mi na nhtoi hta, Ruhta gaw Naomi hpe, “Mam dan ai ni ngam da ai nlim hkan gut la na matu ngai yi de sa n-ga. Ngai hpe ahkang jaw na masha sa mu tam na kam nngai,” ngu nna tsun wu ai. Naomi gaw, “Ngai nam e, sa magang su,” ngu nna htan wu ai.

1 SAMUELA 20:3

Rai ti mung, Dawi mahtang, “Nang ngai hpe kade wa tsaw ra nga ndai gaw na nwa atsawm sha chye nga ai rai nna, nang hpe lai hkra n machyi shangun mayu ai majaw, shi kaning rai maw mawn na lam nang hpe n chye shangun mayu ai hku, shi daw dan da nga ai. Ngai gaw si hkrung si htan a lata kaw na lawt na lahkam mi dang sha rai nga sali ai ngu nna ahkrung nga ai dai Madu hta nang hpe dagam nngai,” ngu nna htan wu ai.