2 SAMUELA 14:2 - Jinghpaw Common Language Bible 2009

² Tekoa mare hta nga ai dai myit let ai numsha langai mi hpe shaga shangun dat wu ai. Numsha dai du jang, Yoab gaw shi hpe, “Na a kara n masit ai sha, ayawn hpun palawng bu hpun nhtawm sharung shayawt masu u. Shing rai aten na na sharung shayawt hkrum ai numsha langai zawn galaw u.

Jinghpaw Hanson Version Bible

² Shaloi Yoab gaw Tekoa mare na zai rawng ai numsha langai mi shaga la nna, “Ya, nang gaw, namman hkum chya et; si ai wa a majaw na na wa sharung shayawt nga ai num zawn tai masu let ayawn hpun palawng bu hpun nna,

2 SAMUELA 14:2 ပူးပေါင်းရင်းမြစ်များ

NINGPAWT NINGHPANG 38:19

Dai hpang Htama mung nta de wa nhtawm shi a man magap hpe la kau nna gaida bu hpun palawng bai hpun da wu ai.

2 SAMUELA 11:26

Batsheba gaw shi a madu wa sat kau hkrum sai lam hpe na jang, shi madu wa a majaw sharung shayawt nga wu ai.

2 SAMUELA 12:20

Dawi gaw dun kaw nna rawt nhtawm hka shin ai hte shi a kara masit kau nhtawm bu hpun palawng galai kau wu ai. Dai hpang dai Madu a nta hta nawku na nga, shi sa mat wa wu ai. Shi gaw shi a hkawhkam htingnu de bai nhtang wa yang, lusha hpyi wu ai rai nna shanhte daw jau ya ai hte rau shi sha nga ai.

2 SAMUELA 20:16

Dai mare kata e nga ai hpaji rawng ai numsha langai mi gaw mare bunghku kaw nna pru wa nhtawm, “Madat mu! Yoab hpe nang de sa wa na lam tsun dan ya mi: Ngai shi hte ga shaga mayu nngai,” ngu nna jahtau tsun wu ai.

1 HKAWHKAM 14:2

Yeroboam gaw shi a madu jan hpe, “Kadai mung nang hpe n chye yu matsing hkra, na hkum hpe makoi magap di nna, ngai hpe Israela hkawhkam tai wa na re nga nna tsun ai myihtoi Ahiya shanu nga ai Shilo mare de sa wa su.

1 HKAWHKAM 14:5

Yeroboam a madu jan mahtang machyi nga ai shi kasha a lam hte seng nna sa san na nga, dai Madu shi hpe tsun dan wu ai. Dai Madu gaw Ahiya kaning ngu hkap tsun na lam tsun dan wu ai. Ya Yeroboam a madu jan du jang kaga masha langai mi zawn nga masu dan wu ai.

2 HKAWHKAM LABAU 11:6

Betlehem, Etam, Tekoa,

2 HKAWHKAM LABAU 20:20

Hpang jahpawt manap jau jau aten e, amyu masha ni dai Tekoa mare makau na nam mali de pru sa mat wa ma ai. Shanhte shamu hpang wa ma yang Yehoshahpat gaw ning ngu nna shanhte hpe tsun matsun wu ai: “Yuda mung hte Yerusalem mare na amyu masha ni e, dai Madu nanhte a Karai Kasang hpe kam hpa nga mu; shaloi nanhte ngang grin wa lu na marin dai. Nanhte hpe tsun ai myihtoi ni a ga hpe kam mu, shaloi nanhte awng dang na marin dai.”

NEHEMIA 3:27

Tekoa masha ni gaw dai hte yep re ai shara hta galaw ma ai, lahkawng ngu na shara gaw Nawku Htingnu sin ai langchyi kaba hte tawtap hta kra nga ai shara kaw nna, Ohpela mare makau na bunghku du hkra rai nga ai.

NEHEMIA 3:5

Tekoa mare masha ni gaw dai hte yep re ai daw galaw ma ai, rai ti mung mare a woi awn masha ni mahtang shanhte hpe woi hpareng ai ni masat ya ai lata amu hpe n galaw ma ai.

SHAKAWN KUNGDAWN 104:15

shi hkum nan myit ngwi myit pyaw na matu sabyi ntsin hpe mung; kabu sumsai lu na matu, tsanlun sau hpe mung, n-gun hpring wa na matu, shadung muk hpe mung, shi galaw shapraw nga ai.

HPAJI NINGLI 9:8

Tut nawng kabu gara ai hte kabu pyaw nga u.

YEREMIA 6:1

Benyamin amyu masha ni e, Shim lum lam a matu kagat mu! Yerusalem kaw na lawt hkra hprawng mu! Tekoa mare hta pahtau dum mu, Bet Hahkerem e kumla madun ai wan madun ai shara galaw mu. Tsin-yam tsindam hte jahten shabyak ai gaw dingdung maga de nna du sa wa hkyen nga ai.

AMO LAIKA (AMOS) 1:1

Ndai gaw Yuda mungdan a Hkawhkam Uzia hte Israela Hkawhkam Yosha a kasha Yeroboam a lakhtak e, nnang nawn garai n nawn ai lahkawng ning a shawng e, Tekoa mare na sagu rem wa Amo hpe Israela hte seng nna Karai Kasang kaw na lu la ai mungga ni rai nga ai.

MAHTE 6:17

Nang mahtang lusha gam n-yang gaw, na a myi man myit kau nna, na a kara sau chya nna masit kau u.

RUHTA 3:3

Dai rai nna, nang hka shin, manam pyaw ai sau ni chya ai hte kaja reng ai bu hpun palawng ni hte sumli da u. Dai hpang shi mam kabye nga ai chyarang de sa wa su; rai ti mung, shi lu ngut, sha ngut ai aten du hkra nang dai shara hta du nga ai lam shi hpe hkum chye shangun et.