2 SAMUELA 14:18 - Jinghpaw Common Language Bible 2009

¹⁸ Hkawhkam wa gaw, “Ngai nang hpe ga san langai mi naw san yu de ga, dai teng man ai lam mahkra ngai hpe tsun dan lu na rai ndai,” ngu nna htan wu ai. Numsha mung, “Madu hkawhkam wa e, san mayu ai lam hpa mung ngai hpe san e,” ngu nna htan wu ai.

Jinghpaw Hanson Version Bible

¹⁸ Shaloi hkawhkam wa gaw htan nna, “Rai taw, ngai san ai lam hpe hkum ip shadang et,” ngu wu ai. Dai numsha mung, “Nye madu hkawhkam wa e, san rit,” ngu wu ai.

2 SAMUELA 14:18 ပူးပေါင်းရင်းမြစ်များ

2 SAMUELA 14:17

Madu e, hkawhkam wa gaw Karai Kasang a lamu kasa hte bung nna kaja ai hte n kaja ai hpe chye ginhka lu ai majaw na a ga sadi gaw ngai hpe myit lum shangun na rai nga ai hpe ngai myit dum lu nga nngai. Dai Madu na a Karai Kasang gaw nang hte rau anga nga u ga law!,” ngu nna tsun wu ai.

2 SAMUELA 14:19

Dawi gaw dai numsha hpe, “Ndai amu Yoab mahtang nang hpe galaw shangun ai n rai ni?,” ngu nna san dat wu ai. Dai numsha mung, “Nye a madu hkawhkam wa e, chyoi pra nga ai hte maren, ndai lam yawng hpe nga dagam nngai; nang san ai ga san hpe koi yen nna htai na lam hpa mi n nga nga ai. Dai gaw na a du Yoab mahtang ngai hpe kaning rai galaw na, kaning rai tsun na lam ngai hpe hkang dat ai hte maren kaja wa rai nga ai.

YEREMIA 38:14

Aten langai mi hta, Hkawhkam Zedekia gaw Nawku Htingnu de sa ai masum ngu na chyinghka de ngai hpe woi mat wa nhtawm, “Ngai nang hpe ga san langai san yu na nngai, ngai hpe teng man ai lam yawng tsun dan na matu nang hpe ra nga nngai,” ngu nna tsun wu ai.

YEREMIA 38:25

Nang hte ngai shaga hkat ai lam du salang ni na ai rai yang, shanhte gaw nang kaw sa nna an tsun shaga ai ga ni hpe san na mara ai. Nang shanhte hpe an tsun shaga ai ga mahkra tsun dan ai rai yang, nang hpe n sat kau na matu shanhte ga sadi jaw na mara ai.