2 SAMUELA 14:14 - Jinghpaw Common Language Bible 2009

¹⁴ Anhte yawng si na sha rai nga saga ai; anhte gaw ga ntsa e hkaw gamang mat nna mahkawng la n lu ai hka hte she bung mat nga saga ai. Karai Kasang gaw si mat sai wa hpe bai n jahkrung ya wu ti mung, nang hkawhkam wa gaw kaga mung de hprawng mat wa ai masha langai mi hpe sha gaw yawm dik tam la nna bai woi la lu na ndai.

Jinghpaw Hanson Version Bible

¹⁴ Anhte chyawm gaw si chyalu ni rai nga ga ai; ga e ru kau sai hpe, bai n shagawt la lu ai ntsin hte bung mat saga ai: Karai Kasang chyawm gaw matai n dawp ai sha, shi kaw na hprawng mat ai wa, bai nhtang wa na hku, a maw nga ai.

2 SAMUELA 14:14 ပူးပေါင်းရင်းမြစ်များ

2 SAMUELA 11:25

Dawi gaw dai kasa wa hpe, “Yoab hpe n-gun shakang nhtawm myit gawng n run na lam shi hpe tsun u; majan e kadai si na hpe kadai mung n lu tsun nga ai. Mare dai hpe tsam mari di gasat anin nna dai hpe madu la na lam shi hpe tsun u,” ngu nna tsun wu ai.

2 SAMUELA 14:15

Nye a madu hkawhkam wa e, ya nang kaw sa nna tsun dan ra ai lam mung, amyu masha ni ngai hpe jahkrit shama ai a majaw rai nga ai. Dai rai nna ngai hpyi ai lam hpe nang galaw ya na rai nga a dawng ngu myit mada let, nang hpe tsun we ai zawn ngai myit la nga nngai.

1 HKAWHKAM 11:39

Shawlumon galaw hkrup ai yubak mara ni a majaw Dawi a amyu matu ni hpe ari jaw na we ai, rai ti mung tut nawng ari jaw na n rai,’” ngu nna tsun wu ai.

YOBA 14:14

Masha gaw si wa yang, shi bai hkrung wa lu a ni? Rai ti mung, ru yak tsin-yam tsindam hkrum ai ndai aten htum mat ai aten du hkra ala nga let grau mai kaja ai aten ladaw ni hpe la nga na nngai.

YOBA 30:23

Nang gaw ngai hpe masha shagu a hpang jahtum na lam san da ya ai shara de mung, nye a si hkrung si htan lam de woi sa wa nga ndai hpe mung ngai chye nga nngai.

YOBA 34:15

hkrung mahkrung shagu gaw si mat wa nna, ga nhpu de nhtang mat wa na mara ai.

YOBA 34:19

Shi gaw masha shagu hpe hpan da nga ai majaw, mung up du ni hpang maga n lawm, matsan mayan masha ni hta sut su ai ni a myi man tau ya ai n rai.

SHAKAWN KUNGDAWN 22:14

Ga ntsa e, hka hpe ru kau ai zawn, nye a n-gun hkoi mat sali ai. Nye a nra hkrihkraw ni mahkra kashai mat sai, nye a myit masin mung shabyawng da ai gitbaw zawn rai nga li ai.

SHAKAWN KUNGDAWN 22:15

Nye a yuhkraw gaw ga nhpu zawn hkraw mat nna; nye a shinglet nye a gumra hta kap mat nga ai. Nang gaw ngai hpe ga nhpu hta si na matu tawn kau da nit dai.

SHAKAWN KUNGDAWN 58:7

Shanhte gaw hkyet mat wa ai hka zawn hkoi mat wa mu ga; lam ntsa e tu ai tsing ni hpe zawn shanhte kabye anut kau ai hkrum nga mu ga.

SHAKAWN KUNGDAWN 77:8

Shi anhte hpe n tsaw ra sana nu ai kun? Shi a ga sadi mung hten mat sana nu ai kun?

SHAKAWN KUNGDAWN 79:3

Shanhte gaw na a amyu masha ni a asai hpe hka zawn, jahkaw ma ai; Yerusalem mare hku lwi hkrat wa ai hka ni zawn, sai hka lwi nga nhtawm, si ai masha ni makoi mayang na masha langai mi mung n nga sai.

SHAKAWN KUNGDAWN 90:10

Anhte yawng lu ai asak gaw sanit shi ning rai nga ga ai. anhte n-gun ja ga ai rai yang chyawm gaw matsat shi ning du nga ga ai; ti mung, dai asak hkrung ai laman hte hta, ru tsang ai hte yawn hkyen ai hpe sha hkam sha nga ga ai, hkring mi rai jang asak mung lai mat wa nna anhte mung hkoi mat nga ga ai.

SHAKAWN KUNGDAWN 90:3

Nang gaw shinggyim masha ni hpe ga nhpu de bai shabai kau nna; shanhte hpe mi na shara de nhtang wa masu, nga nna nang tsun nga ndai.

PRU MAT 21:13

Rai ti mung, dai wa hpe sat na matu dingsa n di ai sha byin wa ai rai yang, shi hprawng lawt lu na shim ai shara langai shi a matu ngai san da ya na we ai.

HPAJI NINGLI 9:5

Rai sa, hkrung nga ai ni gaw shanhte si na hpe chye nga ma ai, rai ti mung si mat sai ni chyawm gaw hpa n chye ma ai. Shanhte gaw hpa shabrai mung n hkam la lu ma ai; shanhte gaw tsep kawp malap kau ai hkrum na ma ai.

SHARUNG SHAYAWT 3:31

Dai Madu gaw matsan dum ai wa rai nga nna, anhte hpe htani htana kau da na ra ai n rai.

EZEKELA 18:23

Dai Tsaw Htum ai Madu gaw, “N hkru ai wa si wa yang, ngai yu kabu na zawn nang myit nawn nga n ni?,” ngu nna san wu ai. Shi gaw, “Dai hku n rai law, shi myit malai wa nna hkrung nga na hpe ngai grau nna mu mayu nga nngai.

JAW JAU 26:40

“Rai ti mung, nanhte a amyu matu ni gaw shanhte a yubak hte shanhte a kaji kawa ni a yubak mara ngu ai ngai hpe ninghkap ai hte gumlang ai,

BU HKAWM 35:15

Dai mare ni gaw Israela amyu masha ni a matu mung, chyahkring chyahkra gan sa manam ai maigan masha ni hte tut nawng a nga nga ai ni a matu shingbyi shara tai na rai nga ai. Kadai rai ti mung marai langai ngai hpe ndum shami sat kau ai wa gaw dai mare langai ngai hta hprawng shingbyi lu na rai wu ai.

BU HKAWM 35:25

Dai shawa hpung mung masha sat amu shut hpyit ai wa hpe sat kau hkrum sai hpu nau wa a lata kaw nna hkye mawai shaw la nhtawm shi hprawng lawt yu sai mare na shingbyi shara de bai nhtang wa shangun na rai ma ai. Shing rai dai yang e shi gaw Hkinjawng Kaba wa si ai shani du hkra nga lu na rai wu ai.

BU HKAWM 35:28

Masha sat amu shut hpyit ai wa gaw Hkinjawng Kaba wa si mat ai aten du hkra dai mare na shingbyi shara hta naw nga nga na rai wu ai; rai ti mung shi si mat ai hpang chyawm gaw shi a dum nta de nhtang wa lu na rai wu ai.

MAHTE 22:16

Dai hpang shanhte a sape ni nkau mi hte Herod a hpung kaw na masha nkau mi hpe Yesu hpang de shangun dat mu ai. Shanhte gaw, “Sara e, nang gaw teng man ai lam hpe sha tsun nga ndai hpe anhte chye ga ai. Nang gaw masha a myi man n tau ai sha, masha a matu Karai Kasang a myit ra ai lam hpe teng man ai hku sharin shaga ndai.

KASA 10:34

Shaloi Petru ga tsun hpang nna, “Karai Kasang gaw, masha myi man n tau nga ai gaw ya ngai kaja wa chye se ai.

ROMA 2:11

Hpa majaw nga yang, Karai Kasang gaw masha shagu hpe myi man n lata ai maren sha, jeyang daw dan nga ai.

TARA JAHPRANG 10:17

Dai Madu nanhte a Karai Kasang gaw Karai ni yawng hta daru magam n-gun tsaw htum ai wa rai nga ai. Shi gaw galu kaba nna chyalai n-gun hte hpring nga ai majaw hkrit kang mai nga ai. Shi gaw masha a myi man hpe tau ai n rai, mayun kumhpa hkap la ai n rai.

HEBRE 9:27

Shinggyim masha shagu gaw kalang mi sha si ra na rai nna, dai hpang Karai Kasang a daw dan ai hkrum na ra ai.

1 PETRU 1:17

Dai hta kaga masha yawng hte hpe myi man n lata ai sha langai hte langai tinang galaw ai hte maren tara jeyang chye ai Karai Kasang kaw nanhte akyu hpyi myit yang, shi hpe, “Wa e,” ngu nna hpyi myit dai, Dai rai nna ndai mungkan hta nanhte asak hkrung nga ai laman hta shi hpe hkrit hkungga nga mu.