2 SAMUELA 14:12 - Jinghpaw Common Language Bible 2009

¹² Dai numsha gaw, “Nye a madu hkawhkam wa e, chyeju hte lam langai sha gaw ngai hpe naw tsun shangun e law,” ngu nna tsun wu ai. Dai re ai majaw shi gaw, “Mai sa, tsun u,” ngu nna htan wu ai.

Jinghpaw Hanson Version Bible

¹² Bai dai numsha gaw, “Na mayam jan, nye madu hkawhkam wa hpe ga langai mi naw tsun shangun e,” ngu nna hpyi wu yang, Hkawhkam wa mung, “Tsun u,” ngu wu ai.

2 SAMUELA 14:12 ပူးပေါင်းရင်းမြစ်များ

NINGPAWT NINGHPANG 18:27

Abraham gaw, Madu e, ndai zawn matut nna wam tsun ai nye a ga hpe mara dat ya e law. Ngai gaw shinggyim masha sha rai nna hpa tsun na ahkaw ahkang pyi n lu ai wa rai nga nngai.

NINGPAWT NINGHPANG 18:32

Abraham mung, “Madu e chyeju hte masin hkum pawt et, ndai lang mi sha gaw ngai naw tsun we ga. Marai shi hpe mu ai rai yang, kaning di na wu ni?,” ngu nna tsun wu ai. Shi chyawm gaw, “Dai yang e marai shi nga ai rai yang, dai mare hpe ngai jahten kau na we ai n rai,” ngu nna tsun wu ai.

NINGPAWT NINGHPANG 44:18

Yuda chyawm gaw Yosep hpang de sit lung wa nna, “Madu e, chyeju hte nang hte n dut n dang ga shaga lu na ahkang jaw e law; ngai hpe mung masin hkum pawt et; nang gaw hkawhkam wa zawn rai nga ndai.

2 SAMUELA 14:11

Dai numsha gaw, “Nye a Madu hkawhkam e, si mat sai nye a kasha a matu matai htang ya na lit nga ai nye a amyu jinghku ni mahtang gaw naw ngam nga ai nye a kasha hpe sat kau nna grau kaba ai ru hka amu n shut kau mu ga, dai Madu na a Karai Kasang kaw chyeju hte hpyi nem ya e law,” ngu nna tsun wu ai. Dawi mung, “Na a shadang sha hta lamyin chyang mi pyi machyi hkra lu na n rai nga ai gaw ahkrung nga ai dai Madu hta ngai ga sadi tawn da nngai,” ngu nna tsun htang wu ai.

2 SAMUELA 14:13

Numsha gaw shi hpe, “Dai rai yang, Karai Kasang a amyu masha ni hpe hpa majaw dai zawn shut ai amu hpe nang galaw shut kau n ta? Kaga mung de hprawng mat wa ai na a kasha hpe nhtang wa na ahkang nang n jaw nga ndai; nang tsun nit dai hte maren nang nan daw dan kau nit dai.

2 SAMUELA 20:17

Yoab sa wa wu yang dai numsha gaw, “Nang Yoab rai nga n ni?,” ngu nna hkap san wu ai. Shaloi shi gaw, “Rai nga nngai,” ngu nna htan wu ai. Bai numsha gaw, “Madu e, ngai tsun ai ga na la ya e,” ngu nna tsun wu ai. Shi mung, “Ngai madat ya na nngai,” ngu nna htan wu ai.

1 HKAWHKAM 2:14

dai hpang shi gaw, “Nang hpe san mayu ai lam lama mi lu nngai,” ngu nna tsun jat wu ai. Shaloi Batsheba gaw, “Hpa wa rai ta?,” ngu nna bai san wu ai.

YEREMIA 12:1

“Madu e, ngai nang hte amu dangrang hkat yang; nang ding hpring nga ndai hpe nang sakse madun nga ndai. Timung, ngai gaw nang hpe teng man rap ra ai tara hte seng nna san na nngai. N hkru ai masha ni gaw hpa majaw grai ngamu ngamai nga ma ta? Myit magaw ai masha ni hpa majaw awng dang nga ma ta?

KASA 26:1

Hkawhkam Agripa gaw Pawlu hpe, “Na lam nang nan tsun shaga na ahkang lu ndai,” ngu wu ai. Dai rai nna Pawlu lata ladawn let shi hta mara n nga ai lam lawu na hte maren makawp maga tsun wu ai gaw:

1 SAMUELA 25:24

shi hpe, “Madu e, chyeju hte ngai tsun ai ga madat ya e! Mara shagun hkam na ni ai.