2 SAMUELA 13:37 - Jinghpaw Common Language Bible 2009

^37-38 Absalom mahtang hprawng mat wa nhtawm Geshura Hkawhkam Amihu a kasha Talamai hpang de sa nna dai yang e masum ning sa nga nga wu ai. Dawi chyawm gaw shi a kasha Amnon a majaw na na sharung shayawt nga ai,

Jinghpaw Hanson Version Bible

³⁷ Absalom chyawm gaw hprawng nna Geshura hkawhkam Amihura kasha Talmai hpang de sa wa ai. Dawi mung kasha a majaw shani shagu yawn nga ai.

2 SAMUELA 13:37 ပူးပေါင်းရင်းမြစ်များ

2 SAMUELA 13:34

Dai aten hta Absalom chyawm gaw hprawng mat wa nu ai. Shaloi jang Horonaim kaw na kawng lam hku masha wunawng wuwa mi yu hkrat wa nga ma ai hpe sin langa hpyenla wa mu dat wu ai. Shi gaw hkawhkam wa hpang de wa nhtawm shi mu ai lam tang madun nga ai.

2 SAMUELA 13:36

Shing ngu shi tsun dan ngut ai shaloi jang, Dawi a shadang sha ni shang wa nna jahtau hkrap hpang wa ma ai. Dawi hte shi a du salang ni mung ahkup ahka nga mat hkra hkrap nga ma ai.

2 SAMUELA 14:13

Numsha gaw shi hpe, “Dai rai yang, Karai Kasang a amyu masha ni hpe hpa majaw dai zawn shut ai amu hpe nang galaw shut kau n ta? Kaga mung de hprawng mat wa ai na a kasha hpe nhtang wa na ahkang nang n jaw nga ndai; nang tsun nit dai hte maren nang nan daw dan kau nit dai.

2 SAMUELA 14:23

Dai hpang shi gaw Geshura de sa nna Absalom hpe Yerusalem mare de bai woi wa wu ai.

2 SAMUELA 14:32

Absalom chyawm gaw, “Ngai nang hpe shaga shangun dat yang, nang n sa ndai majaw ya mung hkawhkam wa kaw shang lu na matu ngai nang hpe ra nga nngai rai nna nang kaw nna shi hpe ning ngu san ya rit: “Ngai gaw Geshura mare kaw na ndai shara de hpa majaw wa nngai kun? Dai mare e sha nga nga na gaw nye a matu grau mai kaja nga ai,’” ngu nna htan wu ai. Absalom gaw matut nna, “Hkawhkam wa hpe mu lu n-ga, nye a matu ngai nang hpe lajang shangun mayu nngai; ngai hta mara kap nga ai rai yang mung, shi ngai hpe sat kau sanu ga,” ngu nna tsun wu ai.

2 SAMUELA 15:8

Suri mung Geshura mare e ngai naw nga ai shaloi, Yerusalem mare de ngai hpe bai woi wa ai rai yang, Hebron mare e ngai nang hpe nawku na nngai ngu nna dai Madu hpe ngai ga sadi jaw da nngai law,” ngu nna tsun wu ai.

2 SAMUELA 3:3

Hkarmela mare na Nabala a gaida jan kanu Abigala a kasha Hkilab, Geshura Hkawhkam Talamai a shayi sha kanu Mahka a kasha Absalom;