2 SAMUELA 13:34 - Jinghpaw Common Language Bible 2009

³⁴ Dai aten hta Absalom chyawm gaw hprawng mat wa nu ai. Shaloi jang Horonaim kaw na kawng lam hku masha wunawng wuwa mi yu hkrat wa nga ma ai hpe sin langa hpyenla wa mu dat wu ai. Shi gaw hkawhkam wa hpang de wa nhtawm shi mu ai lam tang madun nga ai.

Jinghpaw Hanson Version Bible

³⁴ Absalom chyawm gaw hprawng mat wa ai. Ya dai sin langa shabrang wa mada dat yu yang, yu u, shi a shingdu maga na kawng lam e, masha law law wa ai, mu wu ai.

2 SAMUELA 13:34 ပူးပေါင်းရင်းမြစ်များ

2 SAMUELA 13:35

Ya Yonadab gaw Dawi hpe, “Shanhte rai na ma ai ngu nna ngai tsun ni ai hte maren, na a shadang sha ni yan wa mara ai law,” ngu nna tsun dan wu ai.

2 SAMUELA 18:24

Dawi chyawm gaw mare chyinghka lam a kata maga hte shinggan maga na lapran shara hta dung nga wu ai. Sin langa wa mung mare bunghku ntsa na tsaw htum ai shara de lung wa nhtawm chyinghka lam ntsa na numgaw e tsap nga ai; shi gaw tsan tsan de praw rai mada dat yu wu yang, masha langai mi chyu sha kagat wa nga ai hpe mu wu ai.

GA SHAGAWP 28:17

Masha sat mara lu ai wa gaw shi a nsung hku hpe lawan lu ai daram lawan nna htu nga ai; shi hpe hkum jahkring nga et;

AMO LAIKA (AMOS) 5:19

Dai shani gaw hkanghkyi langai kaw na hprawng wa ai wa hte tsap hte hkrum ai wa zawn tai na ra ai! Shing n rai nta de wa nna shakum hta lata mara da nga yang, lapu e achye hkrum ai wa zawn tai na ra ai!