2 SAMUELA 13:31 - Jinghpaw Common Language Bible 2009

³¹ Hkawhkam wa tsap let, yawn hkyen ai hte shi a hpun palawng ni hpe gang je kau nhtawm ga ntsa e galeng taw nga ai. Shi hte rau nga nga ai shangun ma ni mung shanhte a hpun palawng ni hpe gang je kau ma ai.

Jinghpaw Hanson Version Bible

³¹ Dai majaw hkawhkam wa rawt nna, palawng gang je kau nhtawm ga e kaleng taw nga ai; shi a ali ama ni nlang hte mung, tinang a palawng gang je nna makau e tsap nga ma ai.

2 SAMUELA 13:31 ပူးပေါင်းရင်းမြစ်များ

NINGPAWT NINGHPANG 37:29

Rubin dai hka htung de bai wa yu wu yang, dai shara hta Yosep n nga sai hpe mu wu ai; shi gaw yawn hkyen ai hte shi a palawng ni hpe gang je kau wu ai.

NINGPAWT NINGHPANG 37:34

Yaku gaw yawn hkyen ai hte shi a hpun palawng ni hpe gang je kau nhtawm lachyit nba lawai da wu ai. Shi gaw shing rai hkrum hkra sai kasha a matu nhtoi na na wa sharung shayawt nga wu ai.

2 SAMUELA 1:11

Dawi gaw yawn hkyen ai hte shi a palawng ni hpe gang je kau nga ai rai nna shi a masha ni yawng mung dai hte maren galaw ma ai.

2 SAMUELA 12:16

Dawi chyawm gaw dai ma kaja wa na matu Karai Kasang kaw akyu hpyi nga ai. Lusha lama ma sha na matu mung shi ningdang kau nhtawm shana shagu shi a gawk kata de shang wa nna dun ntsa e galeng let shana hpe shalai kau kau di wu ai.

2 SAMUELA 13:30

Shanhte nlang nta wa lam e naw rai nga ma yang, “Absalom gaw na a shadang sha ni yawng hpe sat sharu kau nu ai-shanhte hta na langai mi hpe mung n ngam da masai da!,” ngu nna Dawi hpe sa tsun dan ma ai.

2 SAMUELA 3:31

Dawi gaw Yoab hte shi a masha ni hpe shanhte a bu hpun palawng ni gang je kau nhtawm lachyit nba lawai let Abna a matu sharung shayawt na lam hkang dat wu ai. Dai moi mang makoi mayang ai shaloi, Hkawhkam Dawi mung shi hkum nan moi mang shingdu kaw nna hkan sa nang wu ai.

YOBA 1:20

Dai hpang Yoba gaw rawt tsap nna shi a hpun palawng ni hpe yawn hkyen ai hte gang je kau wu ai. Shi a baw shangun kau let ga de myi man yawng nhtawm gum dagup nga ai.

YAWSHU 7:6

Yawshu hte Israela ningbaw ni gaw lahpawt dum ai myit hte yawn hkyen let shanhte a hpun palawng ni hpe gang je kau nhtawm dai Madu a Ga Shaka Sumpu man e galeng nga nna, shanhte a baw hta nhpu hte bun nhtawm shana de du hkra yawn hkyen ai kumla madun nga ma ai.