2 SAMUELA 13:28 - Jinghpaw Common Language Bible 2009

²⁸ shi a shangun ma ni hpe ning ngu matsun da wu ai: “Amnon grai nang nga ai aten, ngai yu nna hkang dat ai hte rau shi hpe sat kau na rai myit dai; dai amu galaw na hkum hkrit nga myit, ngai nan mung lit la na we ai. Nden shaja mu! Hkum kanung nga masa!.”

Jinghpaw Hanson Version Bible

²⁸ Absalom chyawm gaw shi a ali ama ni hpe, “Amnon tsabyi lu nna, myit pyaw nga yang, hkyen nga mu: ‘Amnon hpe sat kau manu,’ ngu nna ngai tsun jang, shi hpe sat kau mu; hkum hkrit myit; ngai nanhte hpe hkang masade ai, n rai ni? nden shaja nna dakan mu,” ngu nna hkang da ngut nu ai.

2 SAMUELA 13:28 ပူးပေါင်းရင်းမြစ်များ

NINGPAWT NINGHPANG 9:21

Sabyi ntsin nkau mi hpe shi lu ngut ai hpang, shi nang nga ai rai nna hpun nba ni hpe raw kau nhtawm shi a sum hta shakrin taw nga ai.

2 SAMUELA 11:13

Dawi gaw shi hpe shana shat jaw shanang na matu saw shaga dat wu ai. Rai ti mung dai shana e Uria nta de n wa ai sha, hkawhkam hkaw na sin langa ni a gawk hta nba hpun let yup nga wu ai.

2 SAMUELA 11:15

Dawi gaw, “Gasat gala lam grau nna laja htum ai ai shara ngu na shawng lam de Uria hpe tawn da u; shing rai sat kau ai hkrum mat hkra shawng de shanang sa shangun nhtawm hpyen masha ni hpe chyawm gaw hpang de htingnut mat wa shangun u,” ngu nna ka dat wu ai.

2 SAMUELA 12:10

Ya chyawm gaw nang gaw nye a ga hpe n madat ai hte Uria a madu jan hpe la kau ya nit dai majaw, ban shagu na na a amyu matu nkau mi gaw kashun kashe du daw sai hkaw ai amu hte si mat na mara ai.

2 SAMUELA 13:27

Rai ti mung Absalom mahtang hpang jahtum Dawi e Amnon hte kaga shi a shadang sha ni Absalom hte rau sa wa shangun lu ai aten du hkra atik anang tsun nga wu ai. Absalom gaw hkawhkam wa a matu mu mai ai lusha poi shachyip lajang da nna,

2 SAMUELA 14:6

Madu e, ngai shadang sha lahkawng lu nngai; lani mi na aten hta shan hpe je la na masha kadai n nga ai pa hkan e ga law ningdang hkat nna gasat hkat ma ai; shaloi langai wa mi gaw kaga langai wa hpe sat kau wu ai.

1 HKAWHKAM 20:16

Shaloi gasat gala ai gaw shani chyingtung aten e hpang wa sai; Benhadad hte shi a jinghku hpyen hpung sumshi lahkawng hte gaw shanhte a sum ni hta chyaru naw nang jawng nga ma ai.

ESHTA 1:10

Hkawhkam wa a lusha poi galaw ai sanit ya shani hta, hkawhkam wa sabyi lu nhtawm kabu gara myit pyaw nga ai rai nna shi a shangun ma ni rai nga ai Mehuman, Bizhta, Harabona, Bighta, Abaghta, Zehtara hte Hkarahka ngu ai unuk marai sanit hte hpe shaga jashawn la wu ai.

SHAKAWN KUNGDAWN 104:15

shi hkum nan myit ngwi myit pyaw na matu sabyi ntsin hpe mung; kabu sumsai lu na matu, tsanlun sau hpe mung, n-gun hpring wa na matu, shadung muk hpe mung, shi galaw shapraw nga ai.

PRU MAT 1:18

Dai rai nna hkawhkam wa gaw dai shangai karum ai yan hpe shaga la nna, “Nan hpa rai dai zawn galaw myit ta? Hpa majaw lasha ni hpe jahkrung da nga myit ni?,” ngu nna shan hpe san wu ai.

HPAJI NINGLI 10:19

Lusha poi galaw ai gaw nang hpe kabu gara shangun nga ai; sabyi ntsin gaw nang hpe myit pyaw shangun nga ai; rai ti mung gumhpraw n lu yang dai hta na langai ngai hpe nang galaw lu ai n rai.

HPAJI NINGLI 9:7

Sa wa magang su, kabu gara ai hte na a lusha sha u; na a sabyi ntsin lu nna kabu pyaw nga u. Dai gaw Karai Kasang ra ai lam rai nga ai.

Daniela 5:30

Babelon Hkawhkam Belshaza chyawm gaw dai shana jang sat kau ai hkrum nna,

NAHUM 1:10

Tsa chyaru nang ai ni gaw gindun hkri ai ju hpun hte yihku jahkraw hpe zawn nat kau hkrum na mara ai!

LUKA 21:34

“Nanhte gaw, lu lai, sha lai, chyaru nang ai, dinghta asak hkrung lam a matu myit ru myit tsang ai lam ni hte nanhte hpe n ka-up dang kau u ga, sadi hte nga nga mu. Dai n rai yang, dai tara dawdan ai nhtoi gaw mahkam htim ai zawn nanhte a ntsa e akajawng sha dan pru na ra ai.

KASA 5:29

Petru hte kaga kasa ni gaw, “Anhte gaw masha a ga madat na hta Karai Kasang a ga hpe mahtang madat lu na ga ai.

YAWSHU 1:9

Ngai nang hpe hkang da sade ai hte maren, myit jahkut daw dan nna kam hpa nga na hpe adum nga u! Hkum hkrit et; myit hkum daw hkum hten et. Dai Madu na a Karai Kasang ngai gaw nang hkawm sa ai shara shagu hta nang hte rau rai nga nngai,” ngu nna tsun wu ai.

TARA AGYI 19:22

Shanhte gaw apyaw sha nga nga ma yang, dai mare na n hkru n hkra ngang gayut ai masha nkau mi gaw dai hpe sa wang nhtawm nta chyinghka ni hpe sa adup hpang ma ai. Shanhte gaw dai dingla wa hpe, “Nang hte rau nta de shang wa sai masha wa hpe shapraw ya mi! Anhte shi hte nga sha mayu ga ai!,” ngu nna tsun ma ai.

TARA AGYI 19:6

Dai rai nna dai masha lahkawng yan gaw dung let rau lu rau sha rai ma ai. Shaloi dai numsha a kawa mahtang Lewi wa hpe, “Chyeju hte dai na lana mi sha gaw grai pyaw ai hte naw nga la u,” ngu nna tsun wu ai.

TARA AGYI 19:9

Dai wa gaw shi a lashi num hte shangun ma ni hte mung lang mi bai sa wa na nga rawt pru ma yang, kawa gaw, “Yu mu, jan pyi du wa sai; dai na naw hkring yang mai na myit dai. Ya kade n na yang, nsin sin na sai, ndai yang e nga nna aten kaja hpe hkam la mu. Hpawt de mahtang hkawm sa na matu jau jau rawt nna nta ga de wa masit,” ngu nna tsun wu ai.

RUHTA 3:7

Bua gaw lusha sha ngut ai hpang, myit pyaw ai hte nga nga wu ai. Shi gaw muk-yaw mam sumpum de sa wa nhtawm sa yup nga ai. Ruhta mung atsin sha sit sa wa nhtawm nba ka-aw nna shi a lagaw nhpang e shang kaleng taw nga ai.

1 SAMUELA 18:22

Shi gaw shi a du salang ni hpe Dawi hpe ning ngu kahte tsun na matu hkang da wu ai: “Hkawhkam wa nang hpe ra sharawng nga ai hte shi a du salang ni yawng mung shi hpe yu ra nga ma ai; nang shi a shayi sha hpe hkungran la na gaw, ya nan na a matu mai kaja ai aten rai nga lit dai.

1 SAMUELA 28:10

Dai hpang Shawlu gaw chyoi pra ai ga shaka hpe dagam shaka let, dai numsha hpe, “Dai lam a majaw nang hta ari n hkrum sha u ga, ahkrung nga ai dai Madu hta ngai ga sadi tawn da nngai,” ngu nna tsun wu ai.

1 SAMUELA 28:13

Hkawhkam wa gaw dai numsha hpe, “Hkum hkrit et! Nang hpa mu n ta?,” ngu nna san wu ai. Shaloi dai numsha gaw, “Ginding aga kaw nna wenyi langai rawt lung wa ai hpe ngai mu nngai,” ngu nna htan wu ai.