2 SAMUELA 13:23 - Jinghpaw Common Language Bible 2009

²³ Ya lahkawng ning lai jang, Absalom gaw Ehprim mare makau na Bala Hazora shara e shi a sagu mun ni hpe rep nga ai rai nna dai shara de hkawhkam wa a shadang sha ni yawng sa na matu saw shaga dat wu ai.

Jinghpaw Hanson Version Bible

²³ Dai hpang ni ning lai jang, Absalom gaw Ehprim mare makau na Balahazora shara e, sagu mun rep ga saw nna, hkawhkam a kasha ni nlang hpe mung shaga wu ai.

2 SAMUELA 13:23 ပူးပေါင်းရင်းမြစ်များ

NINGPAWT NINGHPANG 31:19

Ya Laban gaw sagu mun rep na nga, hkawm mat wa ai laman e, Rahkela gaw nta na gumgun gumhpai hpara sumla ni hpe lagu mat wa ya wu ai.

2 SAMUELA 13:24

Shi gaw Hkawhkam Dawi kaw shang nhtawm, “Madu hkawhkam e, nye a sagu mun ni hpe ngai rep nga nngai. Dai rai nna nang hte na a du salang ni dai poi hta sa shang lawm lu na myit dai kun?,” ngu nna tsun wu ai.

1 HKAWHKAM 1:19

Shi gaw usu, sagu hte dumsu kasha law law hte shagu hkungga nawng ya nhtawm dai poi de na a shadang sha ni, hkinjawng Abiahta hte na a hpyen luksuk hpe up hkang ai Yoab ni hpe shaga timung, na a kasha Shawlumon hpe chyawm gaw n shaga wu ai.

1 HKAWHKAM 1:25

Shi gaw dai ni jang yu sa nna usu, sagu hte dumsu kasha law law hte shagu hkungga nawng ya nhtawm na a shadang sha ni yawng hpe mung, na a hpyen luksuk hpe up hkang ai Yoab hpe mung, hkinjawng Abiahta hpe mung saw shaga la nna ya e pyi shanhte hte rau shi lu sha nhtawm, “Hkawhkam Adoniya asak galu u ga law!,’ ngu nna jahtau garu nga masai.

1 HKAWHKAM 1:9

Lani mi na aten hta, Adoniya gaw sagu, usu ni hte hpum sau ai dumsu kasha ni hpe Enrogela hka hpawk makau na Lapu Lungrawk hta shagu hkungga sat nawng ya wu ai. Shi gaw ndai sat nawng ai lusha poi de sa na matu, hkawhkam Dawi a shadang sha ni hte Yuda mung na du sa wa ai hkawhkam Dawi a du salang ni hpe saw shaga da wu ai;

2 HKAWHKAM 3:4

Moba Hkawhkam Mesha gaw sagu rem ai wa rai nna Israela hkawhkam wa hpe shaning shagu shagrau hkungga ai kumhpa ngu na sagu kasha 100,000 hte sagu 100,000 kaw na sagu mun ni hpe jaw jaw di wu ai.

2 HKAWHKAM LABAU 26:10

Shi gaw bum ga hkan e ngang ai langchyi ni hpe gap da nhtawm, sinna maga de na bum lagaw ni hte pa layang hkan e nga ai yam nga hpung law law nga ai majaw hka lawng law law hpe mung galaw da wu ai. Shi gaw sun hkauna galaw sha ai amu hpe yu sharawng wu ai majaw bum ga hkan e sabyi sun galaw na matu mung, namhpun rawng ai ga hta hkauna galaw na matu mung amyu masha ni hpe n-gun jaw shadut wu ai.

NEHEMIA 11:33

Hazora, Rama, Gitim,

1 SAMUELA 25:2

Hkaleb a lakung lama na Nabala mying ai wa gaw Maon kahtawng na masha langai mi rai nna Hkarmela kahtawng makau e nga ai lamu ga madu da nga ai. Shi gaw grai sut su ai wa rai nna sagu hkying masum, bainam hkying mi madu da ai wa rai nga ai. Shi a madu jan Abigala gaw ahpraw tsawm nna hpaji rawng ti mung, madu wa mahtang n hkru ai hte myit ja ai masha rai nga ai. Nabala gaw Hkarmela mare e sagu mun rep nga yang,

1 SAMUELA 25:36

Abigala mung hkawhkam wa a matu lusha poi galaw ai zawn shi a nta e poi galaw nga ai Nabala hpang de nhtang wa wu ai. Shi gaw chyaru nang nna grai pyaw nga ai majaw, hpang jahpawt du hkra hpa n tsun ai sha nga nga wu ai.

1 SAMUELA 25:4

nam mali hkan nga hkawm nga ai Dawi gaw dai shiga na wu ai;

1 SAMUELA 25:7

Nang sagu mun rep nga ndai hpe mung shi na wu ai, na a sagu rem ai ni anhte hte rau nga nga yang, shanhte hpe anhte n sharu shatsang ga ai; shanhte Hkarmela e nga nga ma yang, shanhte a arai hpa mung n madu la ai hte hpa mung n lagu la ma ai lam shi nang hpe chye na shangun mayu nga ai.