2 SAMUELA 13:22 - Jinghpaw Common Language Bible 2009

²² Absalom chyawm gaw shi a kajan Tama roi kau hkrum sai a majaw Amnon hpe grai yu n dawng mat ai rai nna shi hpe galoi mung ga n shaga mat wu ai.

Jinghpaw Hanson Version Bible

²² Absalom chyawm gaw, kahpu Amnon hpe ga kaja n kaja hpa mung n tsun ai nga nga ai, rai timung, kajan Tama hpe jahpoi ya ai majw, Amnon hpe n dawng n yawt da wu ai.

2 SAMUELA 13:22 ပူးပေါင်းရင်းမြစ်များ

NINGPAWT NINGHPANG 24:50

Laban hte Behtuela yan mung, “Ndai lam gaw dai Madu hpajang ai lam rai nga ai hte maren, dai amu hpe an n chye daw dan lu na ga ai.

NINGPAWT NINGHPANG 31:24

Karai Kasang mung dai shana e yup mang hta Laban kaw dan pru nhtawm, “Yaku hpe hpa lam hku mung n jahkrit shama ai sha, sadi nga u,” ngu nna tsun wu ai.

NINGPAWT NINGHPANG 31:29

Nang hta machyi hkrum mat hkra galaw lu na n-gun atsam ngai lu nngai, rai ti mung, mana e, na nwa a Karai Kasang gaw hpa lam hku nna mung nang hpe n jahkrit shama na lam ngai hpe sadi jaw da ni ai.

2 SAMUELA 13:21

Shing rai byin mat ai shiga hpe Hkawhkam Dawi na jang, shi ja ja masin pawt bu nga ai.

GA SHAGAWP 10:18

Tinang a n dawng n yawt ai myit hpe up da ai wa gaw masu ai masha rai nga ai. Shatan nhkan ga hpe tsun shabra ai wa kadai rai ti mung, angawk ai wa rai nga ai.

GA SHAGAWP 25:9

Nang hte na a htingbu wa a lapran e, hpai shai nga ai rai yang, dai hpe nan a lapran e, shawng htingrai nna, ip da mai ai lam hpa hpe mung, hkum shadan shadawng nga myit.

GA SHAGAWP 26:24

Sawt ai myit rawng ai wa chyawm gaw shalen abawk ai ga a shingdu hta shi a n ju n dawng ai myit hpe makoi da nga ai.

GA SHAGAWP 26:26

Shi gaw shi a n dawng n yawt ai myit hpe masu sun da mayu ti mung, shi galaw ai n hkru ai amu ni hpe masha shagu mu mada na mara ai.

HPAJI NINGLI 7:9

Na a myit hkang u; masin kahtet ai gaw angawk angak amu rai nga ai.

MAHTE 18:15

“Na nhpu nnau wa nang hpe shut hpyit kau yang gaw, shi hpang de sa nhtawm shi a mara hpe madun u. Rai ti mung nan lahkawng hkrai chyaw rai nna jahkrum kau u. Na a ga hpe madat la yang gaw na a nhpu nnau wa hpe nang mawai la lu nit dai.

EHPESU 4:26

Nanhte masin pawt yang dai pawt ai myit hpe yubak hkum galaw shangun myit; jan du hkra mung hkum pawt nga myit.

EHPESU 4:31

Dai majaw myit machyi ai, sindawng kahtet ai, masin pawt ai, marawn ahkre ai, n kaw n law di ai, n ju n dawng ai myit amyu myu hte kaga dai hte bung ai lam ni yawng mayawng hpe yeng seng kau mu.

1 YAWHAN 2:11

Rai ti mung shi a kahpu kanau wa hpe n ju n dawng ai wa chyawm gaw, dai nsin hta e nga nga ai rai nna, dai nsin hta hkawm sa nga ai majaw shi gara de sa wa nga ai hpe n chye wu ai, hpa majaw nga yang dai nsin gaw shi a myi hpe shakyaw kau ya wu ai.

1 YAWHAN 2:9

Kadai rai ti mung ngai gaw nhtoi hta nga nga nngai nga ninglen shi a kahpu kanau wa hpe n ju n dawng a yang gaw ya ndai ten du hkra nsin hta naw nga nga ai wa rai nga ai.

1 YAWHAN 3:10

Dai gaw Karai Kasang a kashu kasha ni hte, Nat a kashu kasha ni a adan aleng shai hkat ai lam rai nga ai. Kadai rai ti mung, ding hpring ai amu n galaw ai hte shing n rai, shi a kahpu kanau hpe n tsaw n ra ai wa gaw Karai Kasang a kashu kasha n rai nga ai.

1 YAWHAN 3:12

Anhte gaw Ka-in zawn n mai rai ga ai. Shi gaw Nat a maga na masha tai nna shi a kanau Abela hpe sat kau nu ai. Ka-in gaw Abela hpe hpa majaw sat kau a ta?. Shi nan galaw ai amu bungli ni shut nga ai. Shi a kanau galaw ai lam ni mahtang jaw nga ai majaw rai nga ai.

1 YAWHAN 3:15

Shi a kahpu kanau wa hpe n dawng n yawt ai wa kadai rai ti mung, masha hpe sat kau ai wa rai nga ai. Masha hpe sat kau ai wa gaw shi hta htani htana asak n lu la ai hpe nanhte chye nga myit dai.