2 SAMUELA 13:20 - Jinghpaw Common Language Bible 2009

²⁰ Shi a kahpu Absalom gaw Tama hpe mu ai shaloi shi gaw, “Amnon nang hpe roi kau sani? Ngai jan e, chyeju hte dai lam a majaw nau wa myit hkum ru hkum kahtet nga et; shi gaw na a nhpu rai nga ai majaw dai lam kadai hpe mung hkum tsun dan et,” ngu nna tsun wu ai. Tama mung myit yawn ai hte shi chyu sha garen gari rai, Absalom a nta e nga nga wu ai.

Jinghpaw Hanson Version Bible

²⁰ Shi a kayung makyin Absalom chyawm gaw, “Nhpu wa Amnon, nang hpe roi kau a ni? Rai timung, ngai jan e, atsin sha she nga u; shi gaw na n-yung rai nga ai; dai lam hpe hpa hkum yawn et,” ngu nna tsun wu ai. Shing rai Tama gaw kayung Absalom a nta e atsin sha nga nga ai.

2 SAMUELA 13:20 ပူးပေါင်းရင်းမြစ်များ

NINGPAWT NINGHPANG 34:2

Dai mung hpe up ai Hiwi amyu masha Hamura a kasha Shehkem gaw shi hpe mu nna, woi wa nhtawm roi kau wu ai.

NINGPAWT NINGHPANG 46:15

Ndai ni gaw Mesopotamia mung hta Yaku a matu Lea shangai ya ai shadang sha ni rai nga ai, dai hta jan nna shi a shayi sha Dina mung rai nga ai. Shi a matu mara ni ngu na Lea kaw na ni yawng sumshi masum rai ma ai.

2 SAMUELA 13:19

Tama gaw shi a baw hta dap hte bun let shi a palawng galu gang je kau nhtawm myi man hpe lata hte magum nna hkrap let wa mat wa wu ai.

2 SAMUELA 13:21

Shing rai byin mat ai shiga hpe Hkawhkam Dawi na jang, shi ja ja masin pawt bu nga ai.

2 SAMUELA 14:24

Hkawhkam wa chyawm gaw kaning hku rai tim, Absalom gaw hkawhkam wang e n nga lu na lam hkang da wu ai. Hkawhkam wa gaw, “Ngai shi hpe n mu mayu nngai,” ngu nna tsun wu ai. Dai re ai majaw Absalom mung shi a nta hta sha nga nga ai hte hkawhkam wa a man de n pru hkawm wu ai.

GA SHAGAWP 26:24

Sawt ai myit rawng ai wa chyawm gaw shalen abawk ai ga a shingdu hta shi a n ju n dawng ai myit hpe makoi da nga ai.

ROMA 12:19

Tsaw ra ai ni e, galoi mung tinang nan matai hkum htang mu, Karai Kasang mahtang she dai matai htang ai lam galaw u ga. Hpa majaw nga yang Chyum Laika hta Karai Kasang gaw, “Ngai matai htang na nngai, mara hte maren ngai htang jaw na nngai,” nga nna ka da nga ai.