2 SAMUELA 13:19 - Jinghpaw Common Language Bible 2009

¹⁹ Tama gaw shi a baw hta dap hte bun let shi a palawng galu gang je kau nhtawm myi man hpe lata hte magum nna hkrap let wa mat wa wu ai.

Jinghpaw Hanson Version Bible

¹⁹ Tama mung, shi a baw hta wan dap hte bun let, shi a ka sawm ai hpun palawng gang je kau nhtawm, baw e lata mara nna hkrap let wa ai.

2 SAMUELA 13:19 ပူးပေါင်းရင်းမြစ်များ

NINGPAWT NINGHPANG 37:29

Rubin dai hka htung de bai wa yu wu yang, dai shara hta Yosep n nga sai hpe mu wu ai; shi gaw yawn hkyen ai hte shi a palawng ni hpe gang je kau wu ai.

2 SAMUELA 1:11

Dawi gaw yawn hkyen ai hte shi a palawng ni hpe gang je kau nga ai rai nna shi a masha ni yawng mung dai hte maren galaw ma ai.

2 SAMUELA 1:2

Hpang shani e, shabrang langai mi gaw Shawlu a dap kaw na du wa nhtawm shi a bu hpun palawng ni gang je kau let shi a baw ntsa e ga nhpu hte bun nna yawn hkyen ai lam madun dan nga wu ai. Shaloi Dawi hpang de shi sa nna ga de dingnyawm dagup let hkungga jaw wu ai.

2 SAMUELA 13:20

Shi a kahpu Absalom gaw Tama hpe mu ai shaloi shi gaw, “Amnon nang hpe roi kau sani? Ngai jan e, chyeju hte dai lam a majaw nau wa myit hkum ru hkum kahtet nga et; shi gaw na a nhpu rai nga ai majaw dai lam kadai hpe mung hkum tsun dan et,” ngu nna tsun wu ai. Tama mung myit yawn ai hte shi chyu sha garen gari rai, Absalom a nta e nga nga wu ai.

ESHTA 4:1

Shing rai byin ai lam yawng hpe Mordehkai chye ai shaloi, dai nni nkri a majaw shi a hpun palawng ni hpe gang je kau wu ai. Dai hpang lachyit sumpan hpe bu hpun nhtawm shi a baw hpe dap hte bun nna mare hku lai wa nhtawm nsen kaba hte ahkup ahka ngu hkam sha let,

YOBA 2:12

Shanhte gaw tsan tsan kaw nna Yoba hpe mu mada ti mung shi hpe n chye yu matsing nga ma ai. Shanhte mu ai shaloi, hkrap ngu hkrap ngoi hpang wa nhtawm yawn hkyen ai hte shanhte a hpun palawng ni hpe gang je kau nna, lamu de ga nhpu kabai shalun ai hte tinang a baw ntsa e hkrat bun shangun ma ai.

YOBA 42:6

Dai rai nna, ngai tsun kau sai lam yawng mayawng a majaw kaya hkrum nga nngai; shing rai ga nhpu hte wan dap hte bun nna myit malai lu nngai.

YEREMIA 2:37

Nang gaw kaya kahpa hte na a baw gum let, Egutu mung kaw na kayin mat wa na rai ndai. Dai Madu ngai nan nang kam hpa ai ni hpe ningdang kau ni ai; nang gaw shanhte kaw na hpa mung lu la na ndai n rai,” ngu nna tsun ai.

YAWSHU 7:6

Yawshu hte Israela ningbaw ni gaw lahpawt dum ai myit hte yawn hkyen let shanhte a hpun palawng ni hpe gang je kau nhtawm dai Madu a Ga Shaka Sumpu man e galeng nga nna, shanhte a baw hta nhpu hte bun nhtawm shana de du hkra yawn hkyen ai kumla madun nga ma ai.

1 SAMUELA 4:12

Benyamin amyu bawsang hta na langai mi gaw hpyen ginra kaw nna Shilo mare de kagat wa ai rai nna, dai shani jang dai de du wa wu ai. Shaloi shi a yawn hkyen ai hpe madun dan na nga, shi a hpun palawng hpe gang je kau nhtawm shi a baw ntsa e ga hte bun dan wu ai.