2 SAMUELA 13:18 - Jinghpaw Common Language Bible 2009

¹⁸ Dai shangun ma wa mung dai numsha hpe gawt shapraw kau nhtawm chyinghka htinggrang kau wu ai. Shaloi Tama gaw dai prat na num garai n wa ai hkawhkam shayi sha langai bu hpun ga ai dai maka ka shatsawm da ai hpun palawng galu hpun da nga ai.

Jinghpaw Hanson Version Bible

¹⁸ Shing rai hkawnsek rai nga ai hta, hkawhkam shayi sha ni bu hpun ga ai hte maren, lak lai nna ka sawm ai hpun palawng galu bu hpun ai Tama hpe, shangun ma e sha gawt shapraw nna, shi a hpang e chyinghka htinggrang kau wu ai.

2 SAMUELA 13:18 ပူးပေါင်းရင်းမြစ်များ

NINGPAWT NINGHPANG 37:23

Ya Yosep kahpu ni kaw du jang, shanhte gaw tsawm htap ai arai hte mawn sumli da ai shi a palawng ta galu hpe gang raw kau ya mu ai.

NINGPAWT NINGHPANG 37:3

Yaku mahtang shi asak kaba sayang she Yosep shangai wa wu ai majaw, shi a kasha kaga ni yawng hta shi hpe grau tsaw ra wu ai. Dai rai nna tsawm htap ai hte mawn sumli da ai palawng lawng ta galu langai mi chywi ya wu ai.

NINGPAWT NINGHPANG 37:32

Shanhte gaw dai palawng hpe shanhte a kawa hpang de la wa nhtawm, “Ndai hpe anhte mu ga ai; na nsha a palawng wa n rai a ni?,” ngu nna tsun mu ai.

2 SAMUELA 13:17

shaloi shi a shangun ma hpe shaga la nhtawm, “Ndai numsha hpe nye a man kaw na shapraw kau u! Shi hpe gawt shapraw kau nhtawm chyinghka htinggrang kau u!,” ngu nna tsun wu ai.

TARA AGYI 3:23

Shaloi Ehud gaw shinggan de pru mat wa nhtawm chyinghka ni hpe la nna htinggrang kau da wu ai hte

TARA AGYI 5:30

“Shanhte gaw lu la ai lanep arai ni hpe rim karan la na matu mung; hpyenla shagu a matu mahkawn langai shing n rai lahkawng hpra hpra, Sisera a matu jaw shatsawm da ai sumpan; hkawhkam jan a du hta mawn ya na matu maka ka ai hpun palawng ni hpe chyu sha tam nga ma ai.”