2 SAMUELA 13:15 - Jinghpaw Common Language Bible 2009

¹⁵ Dai hpang Amnon a myit hta grai nan n ju n dawng mat ai myit hpring mat wa wu ai; shawng e shi hpe yu tsaw ra ai hta ya grau nna pyi shi hpe n dawng mat wu ai. Shi gaw Tama hpe, “Pru mat wa nu!,” ngu nna tsun wu ai.

Jinghpaw Hanson Version Bible

¹⁵ Shing rai nhtawm Amnon gaw kajan hpe grai bai n dawng mat wu ai: shawng na tsawra kaba ai hte shi hpe ya n dawng ai mahtang grau kaba mat nna, “Rawt u, pru wa nu,” nga nna shi hpe gawt wu ai.

2 SAMUELA 13:15 ပူးပေါင်းရင်းမြစ်များ

2 SAMUELA 13:14

Rai ti mung Tama tsun ai ga hpe shi n madat ya wu ai. Amnon mahtang shi hta grau n-gun ja ai rai nna shi hpe adip arip roi kau wu ai.

2 SAMUELA 13:16

Tama gaw, “N rai law, ngai hpe ning rai roi kau nit dai hta ngai hpe gawt shapraw kau dat ai ru hka amu gaw grau kaba nga salit dai!,” ngu nna tsun wu ai. Rai ti mung Amnon chyawm gaw shi tsun ai ga hpe n madat ya wu ai;

EZEKELA 23:17

Babelon masha ni mung shi hte kanawn na matu du sa ma ai. Shanhte gaw shi hpe lang ai hte shi hpe grai sawng hkra awu asin di kau ma ai, jahtum e, shi hpe shanhte matsat kau ma ai.