2 SAMUELA 12:7 - Jinghpaw Common Language Bible 2009

⁷ Nahtan gaw Dawi hpe, “Dai wa gaw nang rai nga ndai. Da ndai gaw dai Madu Israela a Karai Kasang tsun ai ga rai nga ai: ‘Ya Shawlu a lata na nang hpe ngai hkye mawai la nhtawm Israela a hkawhkam ngai nang hpe shatai da ni ai.

Jinghpaw Hanson Version Bible

⁷ Dai rai nna Nahtan gaw Dawi hpe, “Nang nan rai nga ndai. Israela Karai Kasang Yehowa tsun ai gaw, ‘Israela masha ni a hkawhkam tai na, ngai nang hpe namman chya ya ni ai; Shawlu a lata na mung nang hpe hkye tawn sade ai:

2 SAMUELA 12:7 ပူးပေါင်းရင်းမြစ်များ

2 SAMUELA 14:13

Numsha gaw shi hpe, “Dai rai yang, Karai Kasang a amyu masha ni hpe hpa majaw dai zawn shut ai amu hpe nang galaw shut kau n ta? Kaga mung de hprawng mat wa ai na a kasha hpe nhtang wa na ahkang nang n jaw nga ndai; nang tsun nit dai hte maren nang nan daw dan kau nit dai.

2 SAMUELA 22:1

Dai Madu gaw Dawi hpe Shawlu hte kaga shi hpe gumlau ai hpyen ni a lata kaw nna hkye mawai la ai shaloi, Dawi gaw ndai mahkawn ga hte dai Madu hpe mahkawn mangoi wu ai:

2 SAMUELA 22:49

nye a gumlau ni a lata kaw nna ngai hpe hkye mawai la nga ai. O Madu e, nye a gumlau hpyen ni hpe dang kau lu na awng padang nang ngai hpe jaw ya nga ndai hte kashun kashe du daw sai hkaw amu galaw shapraw ai masha ni a lata kaw nna makawp maga la nga ai.

2 SAMUELA 7:8

“Dai re ai majaw Chyahtum Chyalai N-gun rawng ai Ngai Madu nan shi hpe tsun ai ga, nye a shangun ma Dawi hpe tsun su, ‘Nang gaw yi sun hkauna hkan sagu naw rem nga ai kaw na ngai nang hpe shaw la nhtawm, Israela amyu masha ni hpe up hkang ai du aya nang hpe jaw ni ai.

1 HKAWHKAM 14:7

Yeroboam hpe wa tsun su; ndai gaw dai Madu Israela a Karai Kasang shi hpe tsun ai ga rai nga ai: ‘Nye a amyu masha Israela hpe up hkang na matu amyu masha ni hta na ngai nang hpe lata la ni ai.

1 HKAWHKAM 18:18

Elia mahtang, “Ngai gaw ru yak tsin-yam tsindam jaw ai wa n rai nngai. Nang she-nang hte na nwa rai nga myit dai. Nang mahtang dai Madu a hkang da ai ga ni hpe n madat n mara ai sha, Bala hpara sumla ni hpe nawku nga ndai.

1 HKAWHKAM 20:40

Rai ti mung kaga amu ni hte ngai bungli kyin nga yang, dai wa lawt mat wa nu ai. Hkawhkam wa gaw, “Nang gaw na a daw dan ai lam hpe tsun nga nit dai majaw de a ari hpe nang jaw ra na ndai,” ngu nna htan wu ai.

1 HKAWHKAM 20:42

Myihtoi wa gaw hkawhkam wa hpe, “Da ndai gaw dai Madu a ga rai nga ai: ‘Sat kau na matu ngai hkang dat ai wa hpe shalawt kau dat na ahkang nang jaw kau nit dai majaw de a matu na a asak mung hprawng shalawt kau dat ai shi a hpyen luksuk a majaw na a luksuk jahten shaza kau hkrum na rai nga ai,’” ngu nna tsun wu ai.

SHAKAWN KUNGDAWN 18:1

Madu e, nang hpe ngai kade wa tsaw ra nga a hka! Nang gaw ngai hpe makawp maga ai wa rai nga ndai.

YEREMIA 34:6

Dai hpang, ngai gaw Yerusalem mare hta Hkawhkam Zedekia hpang de ndai mungga jaw nga yang,

Daniela 4:22

“Madu hkawhkam e, nang gaw tsaw nna n-gun ja ai hpun rai nga ndai. Nang gaw grai galu kaba nga nit dai rai nna lamu de dep nga ndai. Na a daru magam n-gun gaw mungkan ga ting hpe ka-up da nga ai.

MAHTE 14:14

Li hta na pru wa yang, masha wunawng wuwa kaba hpe mu hkrup nna, shanhte hpe matsan dum ai hte machyi makaw hkrum ai ni hpe shamai shatsai ya mu ai.

1 SAMUELA 13:13

Samuela gaw, “Dai gaw angawk ai bungli rai nga sai. Dai Madu na a Karai Kasang nang hpe jaw ai hkang da ai ga hpe n hkan nit hka. Nang lama madat mara nna hkan sa taw gaw, nang hpe mung, na a matu mara ni hpe mung Israela mung hpe htani htana up shangun na rai wu ai.

1 SAMUELA 15:17

Samuela gaw, “Na hkum nang ahkyak n rai nga ai ngu myit nawn la tim pyi, nang gaw Israela amyu bawsang ni a ningbaw wa rai nga ndai. Dai Madu mung nang hpe Israela hkawhkam shatai nhtawm namman jaw ya nit dai;

1 SAMUELA 16:13

Samuela gaw tsanlun sau la nhtawm kahpu ni a man e Dawi hpe namman jaw ya wu ai. Dai shaloi jang, dai Madu a wenyi gaw Dawi hpe up hkang wu ai; dai shani kaw nna shi hte rau arai nga sai. Dai hpang Samuela mung Rama mare de nhtang mat wa wu ai.

1 SAMUELA 18:11

“Ngai shi hpe shakum e jinghkyen shakap kau we ga,” ngu nna shi a kraw e tsun let, Dawi hpe lahkawng lang nri jinghkyen bun wu ai; rai ti mung lang shagu yen kau kau di wu ai.

1 SAMUELA 18:21

Shi gaw, “Mihkala hpe Dawi kaw ya sha na nngai; Dawi hpe mahkam hkam la na matu shayi sha hpe akyu jashawn na we ai. Shaloi shi gaw Hpilisti masha ni a lata hta sat kau ai hkrum na ra ai,” ngu nna shi kraw e myit da wu ai. Shawlu gaw Dawi hpe, “Nang gaw nye a kahkri tai na rai ndai,” ngu nna lahkawng lang ngu na tsun wu ai.

1 SAMUELA 23:14

Dawi chyawm gaw Zihpa makau na nam mali e nga ai bum ga hkan makoi hkawm nga wu ai. Shawlu gaw shi hpe tut e tam shakut ti mung, Karai Kasang gaw Dawi hpe shi a lata de n ap kau wu ai.

1 SAMUELA 23:7

Kila mare de Dawi sa mat wa sai lam Shawlu hpe tsun dan mu ai shaloi, shi gaw, “Bunghku kum nna htinggrang hte chyip rai nga ai mare chyinghka ni rawng ai mare kata de sa shang rawng nga let shi hkum shi mahkam hkam la nu ai gaw, Karai Kasang shi hpe nye a lata hta ap ya ai lam rai nga ai,” ngu nna tsun wu ai.