2 SAMUELA 12:27 - Jinghpaw Common Language Bible 2009

²⁷ Shi gaw Dawi hpang de kasa ni hpe shangun dat nhtawm ning ngu nna tang madun wu ai: “Raba mare hpe ngai gasat nna dai mare a hka jaw ai lawng hpe lu la kau se ai.

Jinghpaw Hanson Version Bible

²⁷ Yoab mung Dawi hpang de kasa shangun dat nna, “Ngai Raba mare gasat ni ai; gaja wa, dai hka lu mare lu la se ai.

2 SAMUELA 12:27 ပူးပေါင်းရင်းမြစ်များ

2 SAMUELA 11:1

Ya shaning galai nna hkawhkam ni majan gasat na ladu bai hkrum wa jang, Dawi gaw Yoab hte shi a du salang ni hte Israela hpyen luksuk ni hpe shangun dat wu ai rai nna Amon masha ni hpe dang kau nhtawm Raba mare hpe wang tawn da ma ai. Rai ti mung Dawi shi nan chyawm gaw Yerusalem mare e nga nga ai.

2 SAMUELA 12:26

Yoab gaw Amon mare daju Raba mare hpe matut gasat wu yang, dai mare hpe gasat dang la na sha rai nga nu ai.

2 SAMUELA 12:28

Ya gaw naw ngam nga ai hpyenla ni hpe shinggyin la nhtawm htim gasat nna nang nan dai hpe madu la sanu. Dai mare hpe ngai bai gasat la ai majaw arawng sadang n kam la mayu nngai.”

EZEKELA 21:20

Lam langai mi gaw hkawhkam wa hpe Amon masha ni shanu ai Raba mare de sa wa ai lam hpe madun na ra ai; kaga lam langai mi gaw Yuda mung na ngang kang ai mare bunghku ni hte kum gawan da ai Yerusalem de hkrang ai lam hpe madun dan na ra ai.

TARA JAHPRANG 3:11

(Hkawhkam Oga gaw Rehpim amyu a jahtum ngam nga ai hkawhkam rai nga ai. Shi a da-u gaw nlung hte galaw da wu ai rai nna shadawn shadang hte maren nga yang, galu de pe 14 daram, nda de pe 6 daram rai nga ai. Dai hpe Amon masha ni a mare Raba e dai ni du hkra naw mu lu nga ai.)