2 SAMUELA 12:26 - Jinghpaw Common Language Bible 2009

²⁶ Yoab gaw Amon mare daju Raba mare hpe matut gasat wu yang, dai mare hpe gasat dang la na sha rai nga nu ai.

Jinghpaw Hanson Version Bible

²⁶ Ya Yoab Ammon a kashu kasha ni a mare Raba hpe gasat nna, shanhte a hkawhkam mare lu la wu ai.

2 SAMUELA 12:26 ပူးပေါင်းရင်းမြစ်များ

2 SAMUELA 11:1

Ya shaning galai nna hkawhkam ni majan gasat na ladu bai hkrum wa jang, Dawi gaw Yoab hte shi a du salang ni hte Israela hpyen luksuk ni hpe shangun dat wu ai rai nna Amon masha ni hpe dang kau nhtawm Raba mare hpe wang tawn da ma ai. Rai ti mung Dawi shi nan chyawm gaw Yerusalem mare e nga nga ai.

2 SAMUELA 11:25

Dawi gaw dai kasa wa hpe, “Yoab hpe n-gun shakang nhtawm myit gawng n run na lam shi hpe tsun u; majan e kadai si na hpe kadai mung n lu tsun nga ai. Mare dai hpe tsam mari di gasat anin nna dai hpe madu la na lam shi hpe tsun u,” ngu nna tsun wu ai.

2 SAMUELA 12:25

myihtoi Nahtan hpe hkang dat let, dai Madu ma hpe tsaw ra nga ai majaw ma dai hpe Jedidi ngu nna shamying ya nga ai.

2 SAMUELA 12:27

Shi gaw Dawi hpang de kasa ni hpe shangun dat nhtawm ning ngu nna tang madun wu ai: “Raba mare hpe ngai gasat nna dai mare a hka jaw ai lawng hpe lu la kau se ai.

2 SAMUELA 17:27

Dawi gaw Mahanim mare de du jang, Amon mung Raba mare kaw na Nahasha a kasha Shobi hte mung, Lodeba mare na Amiela a kasha Mahkira hte mung, Gilead mung Rogelim mare na Barazilai ni hte mung wa hkrum wu ai.

SHAKAWN KUNGDAWN 60:9

O Karai Kasang e, dai ngang kang ai mare de, ngai hpe kadai woi sa na rai nga a ta? Edom de ngai hpe kadai woi sa na rai nga a ta?

EZEKELA 25:5

Ngai gaw Raba mare hpe gawla-uk ulawng, Amon mungdan ting hpe sagu hpung ni a hpum shara ni shatai kau na nngai, shaloi ngai nan dai Madu rai nga nngai hpe nang chye lu na rin dai.

TARA JAHPRANG 3:11

(Hkawhkam Oga gaw Rehpim amyu a jahtum ngam nga ai hkawhkam rai nga ai. Shi a da-u gaw nlung hte galaw da wu ai rai nna shadawn shadang hte maren nga yang, galu de pe 14 daram, nda de pe 6 daram rai nga ai. Dai hpe Amon masha ni a mare Raba e dai ni du hkra naw mu lu nga ai.)