2 SAMUELA 12:23 - Jinghpaw Common Language Bible 2009

²³ Rai ti mung ya chyawm gaw shi si mat sai rai nna ngai hpa majaw lusha gam shara naw nga na rai nga a ta? Ma a asak hpe bai hkan shabai la lu na a ni? Lani mi na aten hta shi nga ai shara de chyawm gaw ngai wa na rai nga nngai, rai ti mung shi mahtang ngai hpang de galoi mung nhtang sa wa lu na n rai,” ngu nna htan wu ai.

Jinghpaw Hanson Version Bible

²³ Ya ma si mat sayang me, hpa matu lusha gam na rai ta? Ma hpe hkan shabai la lu na a ni? Shi hpang de mahtang ngai hkan na rai nga nngai; shi chyawm gaw ngai hpang de nhtang sa na n rai,” ngu nna htan wu ai.

2 SAMUELA 12:23 ပူးပေါင်းရင်းမြစ်များ

NINGPAWT NINGHPANG 37:35

Shi a shadang sha ni hte shayi sha ni yawng mung shi hpe shalan shabran na nga, rawt sa wa ma timung, shi chyawm gaw shalan shabran hkrum na hpe n kam hkam la wu ai rai nna, “Ngai gaw nye kasha a matu sharung shayawt ai hte katsan ga de yu mat wa na ni ai,” ngu nna tsun wu ai. Dai rai nna shi a kasha Yosep a matu matut nna sharung shayawt nga wu ai.

1 HKAWHKAM 2:2

“Ngai si wa na aten gaw du wa nga sai, dai rai nna kam sham ai hte myit jahkut daw dan u;

YOBA 10:21

Ngai gaw kade n na yang sa mat wa nna galoi mung nhtang wa na n rai- dai shara gaw nsin hte myit kaji garen re ai ga,

YOBA 30:23

Nang gaw ngai hpe masha shagu a hpang jahtum na lam san da ya ai shara de mung, nye a si hkrung si htan lam de woi sa wa nga ndai hpe mung ngai chye nga nngai.

LUKA 23:43

Shaloi Yesu gaw, “Ngai nang hpe teng teng tsun de ga, dai ni jang, ngai hte rau Hparadisu e nga lu na ndai ngu nna ngai ga sadi jaw de ai,” ngu nna shi hpe htan wu ai.