2 SAMUELA 12:21 - Jinghpaw Common Language Bible 2009

²¹ Shi a du salang ni chyawm gaw shi hpe, “Ndai amu anhte n chye na ga ai; ma naw hkrung nga yang, shi a matu nang hkrap nna lusha n sha ndai; rai ti mung shi si mat ai hte rau nang rawt sha nga n hka!,” ngu nna tsun ma ai.

Jinghpaw Hanson Version Bible

²¹ Dai rai nna ali ama ni gaw shi hpe, “Ataw, hpa majaw shing rai n ta? Ma naw hkrung nga yang pyi, ma majaw lusha gam let hkrap ngu hkrap ngoi rai nhtawm, ma si mat yang chyawm e, shat rawt sha n hka i?” Ngu mu ai.

2 SAMUELA 12:21 ပူးပေါင်းရင်းမြစ်များ

2 SAMUELA 12:20

Dawi gaw dun kaw nna rawt nhtawm hka shin ai hte shi a kara masit kau nhtawm bu hpun palawng galai kau wu ai. Dai hpang dai Madu a nta hta nawku na nga, shi sa mat wa wu ai. Shi gaw shi a hkawhkam htingnu de bai nhtang wa yang, lusha hpyi wu ai rai nna shanhte daw jau ya ai hte rau shi sha nga ai.

2 SAMUELA 12:22

Dawi chyawm gaw, “Rai nga ai law, shi naw hkrung nga yang, ngai lusha gam let hkrap ngu hkrap ngoi rai ni ai. Dai Madu gaw ngai hpe matsan dum la nhtawm ma hpe n si shangun na rai wu ai ngu, ngai myit nawn la nngai.

2 HKAWHKAM 20:3

“Madu e, ngai gaw nang hpe kangka ai hte sadi dung let daw jau ni ai; nang ra sharawng ai hpa lam hta rai ti mung ngai tut nawng shakut shaja galaw ai amu ni hpe dum ya e law.” Shi gaw ahkup ahka nga mat hkra hkrap let hpyi nem wu ai.

1 KORINHTU 2:15

Wenyi rawng ai wa chyawm gaw arai yawng mayawng a manu rawng ai lam hpe daw dan lu nga ai; shi hpe mahtang gaw kadai e mung daw dan lu ai n rai.