2 SAMUELA 12:20 - Jinghpaw Common Language Bible 2009

²⁰ Dawi gaw dun kaw nna rawt nhtawm hka shin ai hte shi a kara masit kau nhtawm bu hpun palawng galai kau wu ai. Dai hpang dai Madu a nta hta nawku na nga, shi sa mat wa wu ai. Shi gaw shi a hkawhkam htingnu de bai nhtang wa yang, lusha hpyi wu ai rai nna shanhte daw jau ya ai hte rau shi sha nga ai.

Jinghpaw Hanson Version Bible

²⁰ Shaloi Dawi ga na rawt nna, hka shin ai hte sau chya let hpun palawng galai wu ai; shing rai Yehowa a nta de sa nawku nhtawm, hkaw de bai wa nna, lusha hpyi wu yang, shanhte shachyip ya nna, shi sha nga ai.

2 SAMUELA 12:20 ပူးပေါင်းရင်းမြစ်များ

2 SAMUELA 12:19

Shanhte shada da kahte hkat ai hpe Dawi chye wu ai shaloi, dai ma si mat sai hpe shi dum chye wu ai. Dai rai nna shi shanhte hpe, “Ma si mat sani?,” ngu nna san wu ai. Shaloi shanhte mung, “Rai sa, shi si mat sai,” ngu nna htan mu ai.

2 SAMUELA 12:21

Shi a du salang ni chyawm gaw shi hpe, “Ndai amu anhte n chye na ga ai; ma naw hkrung nga yang, shi a matu nang hkrap nna lusha n sha ndai; rai ti mung shi si mat ai hte rau nang rawt sha nga n hka!,” ngu nna tsun ma ai.

2 SAMUELA 14:2

Tekoa mare hta nga ai dai myit let ai numsha langai mi hpe shaga shangun dat wu ai. Numsha dai du jang, Yoab gaw shi hpe, “Na a kara n masit ai sha, ayawn hpun palawng bu hpun nhtawm sharung shayawt masu u. Shing rai aten na na sharung shayawt hkrum ai numsha langai zawn galaw u.

2 SAMUELA 19:24

Dai hpang Shawlu a kashu Mehpiboshet mung hkawhkam wa hpe tau la na nga yu sa wa ai. Shi gaw hkawhkam wa Yerusalem mare kaw nna pru mat wa ai aten kaw nna awng padang hte bai nhtang wa ai aten du hkra, lagaw n shin, nhka mun n ahkut, hpun palawng n hkrut ai sha nga nga wu ai.

2 SAMUELA 6:17

De a matu ngu nna Dawi gap tawn ai Sum kata shi a shara ngu na kaw dai Sumpu hpe shanhte la shang wa nna tawn da ma ai. Dai hpang dai Madu a matu shagu hkungga hte mahku hkungga ni nawng jau ya ma ai.

2 SAMUELA 7:18

Dai hpang Hkawhkam Dawi gaw dai Madu a hpung shingkang shanu nga ai Sum de shang dung nhtawm, “Tsaw Htum ai Madu e, nye a matu nang galaw ya sai amu ni hpe sawn yu yang, ngai gaw manu dan la ai wa n rai nga nngai; nye a dinghku mung hpa n rai nga ai law.

YOBA 1:20

Dai hpang Yoba gaw rawt tsap nna shi a hpun palawng ni hpe yawn hkyen ai hte gang je kau wu ai. Shi a baw shangun kau let ga de myi man yawng nhtawm gum dagup nga ai.

YOBA 2:10

Yoba gaw, “Nang gaw ga laban shaga nga n hka! Karai Kasang anhte hpe arai kaja lama ma jaw ai shaloi dai hpe anhte hkam la chye ga ai; shi anhte hpe ru tsang jahkrum ai shaloi anhte kaning rai aput angun lu na rai ga ta?,” ngu nna htan wu ai. Dai rai nna ndai nni nkri yawng mayawng hkrum sha tim pyi, Yoba gaw Karai Kasang hpe ninghkap na ga hpa mung n tsun nga ai.

SHAKAWN KUNGDAWN 103:1

Nye a wenyi e, dai Madu hpe shakawn u! Nye a hkum hkrang, myit masin mahkra hte e, shi a chyoi pra ai mying nsang hpe shakawn nga u!

SHAKAWN KUNGDAWN 103:8

Dai Madu gaw matsan dum ai, tsaw ra ai, myit galu kaba ai hte dinggrin tsaw ra myit hpring nga ai wa rai nga ai.

SHAKAWN KUNGDAWN 39:9

Nang ngai hpe ndai zawn re ai nni nkri hpe jahkrum ai wa rai nga ndai majaw, ngai ga hkaw mi mung n tsun ai sha, zim rai nga na nngai.

SHAKAWN KUNGDAWN 95:6

Sa marit, anhte shi hpe dingnyawm ai hte nawku daw jau ga; anhte a Madu Hpan Wa Ningsang Wa a man e, lahput hput di ga.

GA SHAGAWP 3:7

Nang chye ai madang hta jan nna, hpaji hkum rawng dum et; dai Madu hpe temsi rai nna madat mara nga let, shut hpyit ai amu galaw na matu, ningdang kau u.

HPAJI NINGLI 9:8

Tut nawng kabu gara ai hte kabu pyaw nga u.

MAHTE 6:17

Nang mahtang lusha gam n-yang gaw, na a myi man myit kau nna, na a kara sau chya nna masit kau u.

LUKA 7:46

Nye a baw hpe tsanlun sau n chya ya ndai; shi chyawm gaw nye a lagaw hpe mura chya ya ni ai.

RUHTA 3:3

Dai rai nna, nang hka shin, manam pyaw ai sau ni chya ai hte kaja reng ai bu hpun palawng ni hte sumli da u. Dai hpang shi mam kabye nga ai chyarang de sa wa su; rai ti mung, shi lu ngut, sha ngut ai aten du hkra nang dai shara hta du nga ai lam shi hpe hkum chye shangun et.

1 SAMUELA 15:25

Rai ti mung, ya chyawm gaw nye a yubak mara raw dat ya na ngai hpyi nem nngai; dai Madu hpe nawku lu n-ga, ngai hte rau nhtang wa ga,” ngu nna tsun htang wu ai.

1 SAMUELA 15:31

Dai rai nna Samuela gaw shi hte rau nhtang wa nhtawm Shawlu gaw dai Madu hpe nawku wu ai.