2 SAMUELA 12:13 - Jinghpaw Common Language Bible 2009

¹³ Dawi gaw, “Dai Madu hpe ngai shut kau ni ai,” ngu nna tsun wu ai. Nahtan mung, “Dai Madu nang hpe yubak raw ya nga sai; nang si lu na nit dai n rai.

Jinghpaw Hanson Version Bible

¹³ Shaloi Dawi gaw, “Yehowa hpe ngai shut se ai,” ngu nna Nahtan a man e yin la wu ai. Nahtan mung, “Nang galaw ai yubak Yehowa raw kau nu ai: nang hkum si na n rai.

2 SAMUELA 12:13 ပူးပေါင်းရင်းမြစ်များ

NINGPAWT NINGHPANG 39:9

Ndai nta hta shi lu ai daru magam ahkang aya zawn ngai mung lu nngai. Nang hta kaga hpa mung ngai hpe shi hkum shingdang da ai n rai; dai re ai mi, dai zawn n hkru ai amu hte Karai Kasang hpe ngai kaning di shut hpyit lu na rai nga a ta?,” ngu nna tsun wu ai.

2 SAMUELA 24:10

Rai ti mung Dawi gaw yuptung jahpan hta la ngut jang, shi a myit kangi kanga rai nna shi hpe sharu hpang wa nga ai. Shi gaw dai Madu hpe, “Ndai amu galaw let hkrit hpa yubak langai ngai galaw shut kau se ai! Chyeju hte nye a mara raw dat kau ya e; ngai wa angawk ai hku amu galaw kau se ai,” ngu nna tsun wu ai.

2 SAMUELA 24:17

Dawi gaw amyu masha ni hpe sat ai lamu kasa hpe mu jang, dai Madu hpe, “Ngai gaw mara lu ai wa rai nga nngai. Mara galaw shut kau ai wa mung rai nga nngai. Ndai matsan mayan re ai amyu masha ni mahtang hpa baw galaw shut kau nga ma ni? Ngai hte nye a dinghku masha ni hpe mahtang nang ari jaw ang nga ndai,” ngu nna tsun wu ai.

1 HKAWHKAM 13:4

Shing nga ai ga hpe Hkawhkam Yeroboam na jang, shi gaw dai wa hpe madi madun let, “Dai wa hpe rim la mu!,” ngu nna hkang dat wu ai. Shaloi hkawhkam wa a lata lahpum gaw kalang lata katsing si mat ai hte bai n dawm la lu mat wu ai.

1 HKAWHKAM 21:20

Ahab gaw Elia hpe mu jang shi hpe, “Nye a gumlau hpyen wa e, nang ngai hpe hkan dep nang nga n ni?,” ngu nna tsun wu ai. Elia gaw, “Rai sa, ngai dep nang nga nngai; nang gaw dai Madu a man e n kaja ai amu hpe nang hkum nan myit jung ai hte htum hkra galaw kau nit dai.

1 HKAWHKAM 22:8

Ahab chyawm gaw, “Imla a kasha Mihkaia langai mi naw nga nga ai. Rai ti mung shi chyawm gaw nye a matu mai kaja ai lam galoi mung myihtoi n htoi ya ai majaw ngai n dawng nngai. Lama mi hta ra ra sha arai nga ai,” ngu nna htan wu ai. Yehoshahpat mung, “Dai lam nang n tsun sanu ga law!,” ngu nna tsun htang wu ai.

2 HKAWHKAM 1:9

Dai hpang shi gaw Elia hpe shaga la na matu du langai mi hte masha manga shi hte hpe shangun dat wu ai. Ya dai du wa gaw kawng langai a ntsa e dung nga ai Elia hpe mu jang, “Karai Kasang a masha wa e, yu wa na matu, hkawhkam wa nang hpe hkang dat nga ai,” ngu nna tsun wu ai.

1 HKAWHKAM LABAU 21:8

Dawi gaw Karai Kasang hpe, “Ndai amu galaw ai majaw, ngai gaw hkrit hpa yubak hpe galaw shut kau ni ai! Chyeju hte ngai hpe mara dat ya e. Ngai gaw angawk ai amu hpe galaw kau se ai,” ngu nna tsun wu ai.

2 HKAWHKAM LABAU 16:10

Dai ga gaw Asa hpe masin grai pawt shangun nga ai rai nna myihtoi wa hpe htawng hta sharen da ma ai. Dai aten hta nan Asa gaw amyu masha nkau mi hpe mazut ai hku zingri hpang wa nu ai.

2 HKAWHKAM LABAU 25:16

Dai lam tsun ai shaloi Amazia gaw, “Nang hpe hkawhkam wa a hpaji jaw hku anhte galoi aten kaw nna san da nga ga ni? Atsin zim rai nga u, shing n rai yang, ngai nang hpe sat kau na ra ai!,” ngu nna ginjang shawn wu ai.

YOBA 33:27

Masha shagu gaw shawa masha ni hpe, “Ngai shut kau ni ai. Ngai gaw jaw ai n galaw kau ni ai, rai ti mung Karai Kasang gaw ngai hpe ngam da nga ai.

SHAKAWN KUNGDAWN 103:12

Sinpraw gaw Sinna hte tsan gang nga ai zawn, shi anhte a yubak ni hpe anhte kaw nna shatsan kau ya mi ai.

SHAKAWN KUNGDAWN 51:16

Nang gaw shagu hkungga ni hpe n ra sharawng nga ndai, shing n rai yang, ngai sak jaw na de ai; nang gaw wan nat hkungga ni hpe mung n ra sharawng nga ndai.

SHAKAWN KUNGDAWN 51:4

Ngai nang hpe yubak galaw shut kau ni ai- nang hpe chyu sha shut kau ni ai. Nang myit yu ai n hkru n shawp ai lam hpe ngai galaw shut kau ni ai. Dai majaw, ngai hpe tara jeyang ai hta nang gaw teng man nga ndai; ngai hpe daw dan jeyang ai hta nang ding hpring nga ndai.

SHAKAWN KUNGDAWN 51:6

Nang gaw myit malang ai hte teng man ai lam hpe hpyi nga ndai majaw; nye a kraw lawang hta na a hpaji hte jahpring ya e.

PRU MAT 9:27

Hkawhkam wa gaw Mawshe yan Arun hpe shaga la nna, “Ndai lang chyawm gaw ngai shut kau ni ai. Dai Madu gaw ding hpring nga ai, nye a amyu masha ni hte ngai mahtang shut hpyit kau saga ai.

GA SHAGAWP 25:12

Madat mara hkam la mayu ai wa hpe, mahkrum madup nga ai wa hku nna shadum jahprang ga tsun dan ai gaw, ja lachyawp hte mung, ja jet hte galaw da ai ja lung seng rai hta grau nna manu dan nga ai.

GA SHAGAWP 28:13

Na a yubak mara ni hpe ip da na, nang shakut ai rai yang, asak hkrun lam hta, nang galoi mung awng dang na n rai; mara hpe yin la nna tawn kau jang, Karai Kasang nang hpe matsan dum ai myit madun dan na ra ai.

ESAIA 38:17

Nye a nchyi nmu re ai gaw ngwi pyaw sim sa wa na ra ai. Nang gaw nye a asak hpe hkrit hpa yawng kaw na hkye la nga ndai; Nang gaw nye a yubak mara yawng hpe raw ya nga ndai.

ESAIA 43:24

Nang gaw nye a matu manam pyaw ai baw n mari ndai, na a yam nga ni a sau hte ngai hpe myit shadik ya ai n rai. Shing rai na malai, nang gaw na a yubak ni hte ngai hpe lit shali nna; shut hpyit ai amu ni galaw let ngai hpe hki ba shangun nga ndai.

ESAIA 44:22

Ngai gaw sumwi zawn na yubak ni hpe ye kau ya ni ai. Ngai hpang de nhtang wa rit; ngai gaw nang hpe hkye la ai wa rai nga nngai,” ngu tsun ai.

SHARUNG SHAYAWT 3:32

Shi gaw anhte hpe yawn hkyen ai amu shapraw dan ti mung, anhte a matu shi a tsaw ra myit gaw kam ram ai hte n-gun ja nga ai.

JAW JAU 20:10

Israela amyu masha hta na manang wa a madu jan hte num shaw amu shut hkat ai wa gaw shi shaw ai num hte rau sat kau ai hkrum na rai wu ai.

JAW JAU 24:17

“Masha sat ai wa kadai mung sat kau ai hkrum na rai wu ai;

ZEHKARIA 3:4

Dai lamu kasa gaw shi a sumsing lamu na ali ama ni hpe, “Ndai masha wa bu hpun nga ai agang chyalang re ai hpun palawng raw kau ya mu,” ngu nna tsun wu ai. Dai hpang, shi gaw Yawshu hpe, “Ngai na a yubak mara hpe la kau ya se ai rai nna hpun na hpun palawng nnan nang hpe jaw na nngai,” ngu nna tsun wu ai.

MAHTE 14:10

Shaloi shi shangun nna htawng hta e rawng nga ai Yawhan a du hpe htau dut wu ai.

LUKA 15:21

Shaloi kasha wa gaw, ‘Wa e, Karai Kasang hpe mung, nang hpe mung, ngai shut ni ai. Ya kaw nna na nsha ngu na ngai n ging n dan nngai,’ ngu nna kawa hpe tsun nem wu ai.

LUKA 18:13

“Rai ti mung kang hta ai wa gaw, tsawmra tsan ai kaw tsap nna, lamu de pyi n wam mada ai, shi a sinda adup let, ‘Karai Kasang e, ndai yubak kap ai wa langai mi rai nga ai ngai hpe matsan dum la rit law!,’ ngu nna hpyi wu ai.

KASA 2:37

Shawa masha ni dai ga hpe na ma yang, shanhte a myit hta hkra malu ai rai nna shanhte gaw Petru hte kaga Kasa ni hpe, “Hpu nau ni e, anhte kaning rai na rai ta?,” ngu nna tsun ma ai.

HEBRE 9:26

Shing rai nawng ya ra ai rai yang gaw, ginding aga nnan lat kaw nna law law lang si hkam hkam rai na nu ai; ya chyawm gaw, mungkan ga prat htum na ni wa ai ten hta kalang mi hte ngut hkra du sa nna shi hkum dai nawng ya kau ai hte yubak mara hpe yeng seng kau nu ai.

1 YAWHAN 1:7

Rai ti mung shi gaw nhtoi hta nga nga ai zawn, anhte mung Nhtoi hta asak hkrung hkawm sa nga ga yang gaw, anhte langai hte langai shada da kanawn mazum ai ni rai nga ga ai hte shi Kasha Yesu a asai gaw anhte hta na yubak nlang hte hpe jasan jaseng kau ya mi ai.

SHINGRAN 1:5

Kangka re ai sakse wa, si mat ai ni hta na shawng numshawn hkrung rawt wa ai wa, dinghta ga na hkawhkam ni hpe up ai Madu Yesu Hkristu kaw nna mung, chyeju hte ngwi pyaw ai gaw nanhte hta anga nga malit ga law. Anhte hpe tsaw ra nna, shi hkum nan hpe hkungga nawng si hkam ai hte anhte a yubak kaw na raw dat mi ai hte,

1 SAMUELA 15:20

Shawlu gaw, “Dai Madu a ga hpe ngai madat ni ai. Shi tsun ai hte maren, ngai sa nna Hkawhkam Agag hpe woi nhtang wa nna kaga Amalek masha ni yawng hpe sat kau da se ai.

1 SAMUELA 15:30

Shawlu gaw, “Ngai shut kau ni ai; rai ti mung, nye a amyu masha ni a ningbaw ni hte Israela yawng a man e, ngai hpe dik dik hkungga lara ai lam naw madun dan mi. Dai Madu na a Karai Kasang hpe ngai nawku lu n-ga, ngai hte rau nhtang wa ga,” ngu nna tsun htang wu ai.