2 SAMUELA 12:11 - Jinghpaw Common Language Bible 2009

¹¹ Ngai gaw na a dinghku kaw na masha langai mi nang hpe ru yak tsin-yam tsindam tam jaw na lam shapraw dat na we ai gaw nang hpe dagam shaka nga nngai. Na a lata kaw nna na a madu jan ni hpe ngai la kau ya nhtawm kaga masha wa a lata de jaw kau na hpe mung nang mu lu na rin dai; shi gaw shani chyingtung e nan pyi na a madu jan ni hte nga sha dan na ra ai.

Jinghpaw Hanson Version Bible

¹¹ Yehowa tsun ai gaw, ‘Yu u, nang hpe hpyen na masha gaw, na a kashu kasha ni hta na ngai shapraw na we ai: na a man e na a madu jan ni hpe ngai la kau nna, na a htingbu wa hpe ap ya na se ai; shi gaw shani chyingtung e nan na madu jan ni hte nga sha dan na ra ai.

2 SAMUELA 12:11 ပူးပေါင်းရင်းမြစ်များ

2 SAMUELA 15:10

Rai ti mung shi gaw Israela amyu bawsang ni yawng hpang de kasa ni hpe shangun dat nhtawm, “Pahtau dum ai nsen hpe nanhte na jang, ‘Absalom gaw Hebron mare hta hkawhkam tai wa sanu ai law!,’” ngu nna jahtau tsun dat mu, nga nna tsun na rai myit dai.

2 SAMUELA 15:14

Dai rai nna Dawi gaw shi hte rau Yerusalem mare e nga ai shi a du salang ni yawng hpe, “Anhte Absalom a lata kaw nna lawt mayu ga ai rai yang, ya jang hprawng mat wa saga! Alawan rai manu law! Shing n rai yang, shi anhte hpe ndai yang dep rau nna anhte hpe gasat dang kau nhtawm mare hta nga ai masha shagu hte hpe sat kau na ra ai!,” ngu nna tsun wu ai.

2 SAMUELA 15:6

Teng man ai amu a matu hkawhkam wa kaw sa sa re ai Israela masha shagu hte hpe Absalom dai hku hkap galaw law di wu ai majaw shanhte a sadi dung madat mara ai lam hpe shi mayun hkam la lu nga wu ai.

2 SAMUELA 16:11

Dawi gaw Abishai hte shi a du salang ni yawng hpe, “Nye a kasha nan ngai hpe sat na tam shakut nga ai rai yang mung, ndai Benyamin masha ni hta nanhte hpa majaw mau kajawng shara naw nga a ni? Dai Madu shi hpe matsa shangun nga sai majaw shi hpe chyu sha tawn da nna, ra mi matsa jung nga shangun ga.

YOBA 31:10

nye a madu jan mahtang kaga la wa a matu lusha shadu ya nna; kaga la wa a yup ra hta sa yup u ga.

EZEKELA 14:9

“Myihtoi wa gaw n teng n man ai mahtai jaw nna htoi shut ai rai yang, dai gaw dai Madu ngai nan shi hpe shut shangun ai rai nga sai. Ngai gaw dai wa hpe Israela amyu masha ni a hpawng kaw nna yeng seng kau na we ai.

TARA JAHPRANG 17:17

Dai hkawhkam wa gaw num law law la tawn lu na n rai; dai gaw shi hpe dai Madu kaw na myi man kayin kau shangun na rai wu ai; aja gumhpraw hte shi hkum hpe sut su shangun lu na n rai.

TARA JAHPRANG 28:30

“Nanhte gaw num mahtan da ti mung marai langai ngai e hkungran la kau ya na ra ai. Nta gap tawn da ti mung dai hta galoi mung nga lu na myit dai n rai; sabyi sun hkai da ti mung de a asi hpe galoi mung sha lu na n rai.