2 SAMUELA 11:4 - Jinghpaw Common Language Bible 2009

⁴ Dawi gaw shi hpe sa woi la na matu kasa ni hpe shangun dat wu ai; shanhte mung shi hpang de woi wa ya ma ai rai nna shi hte kanawn wu ai. (Shi mung htung hte maren num hking sa ngut ai hpang sha naw rai nna jasan jaseng da wu ai.) Dai hpang shi gaw nta de wa mat wa wu ai.

Jinghpaw Hanson Version Bible

⁴ Shaloi Dawi kasa shangun nna, num dai hpe shaga wu ai rai nna, num dai sa jang, shi hpe woi yup kau wu ai: num dai mung shi a n san n seng ai hkum jasan jaseng kau nna, shi a nta de wa mat ai.

2 SAMUELA 11:4 ပူးပေါင်းရင်းမြစ်များ

NINGPAWT NINGHPANG 34:2

Dai mung hpe up ai Hiwi amyu masha Hamura a kasha Shehkem gaw shi hpe mu nna, woi wa nhtawm roi kau wu ai.

NINGPAWT NINGHPANG 39:7

Kade n na yang, shi madu a madu jan mahtang Yosep hpe ra gasit hpang wa nna shi hte rau yup na matu saw lajin wu ai.

2 SAMUELA 12:12

Nang chyawm gaw dai amu hpe grai machyi shim ai hku shut kau nit dai, rai ti mung Israela masha ni yawng mu chye la lu mu ga, shani chyingtung aten hta dai amu hpe ngai shabyin dat na we ai,” ngu nna tsun wu ai.

SHAKAWN KUNGDAWN 50:18

Nang mu hkrup ai lagut shagu hte a manang nang tai nna; numshaw lashaw ai ni hte rau nang kanawn nga ndai.

GA SHAGAWP 30:20

Ndai gaw sadi n dung ai dinghku num a sat lawat ni rai nga ai; shi gaw la shaw ai amu hpe shut nna, hka shin ngut ai hpang, “Ngai hpa mung n shut nngai,” nga nna shi tsun nga ai.

JAW JAU 15:18

Lasha hte numsha kanawn ngut ai hpang shan lahkawng gaw hka shin kau na rai ma ai; dai gaw shana de du hkra n san n seng naw rai nga ai.

JAW JAU 18:19

Num hking lang ai num hte hkum kanawn, hpa majaw nga yang, shi gaw n san n seng nga ai.

TARA JAHPRANG 5:18

“ ‘La shaw num shaw amu hkum shut myit.