2 SAMUELA 11:27 - Jinghpaw Common Language Bible 2009

²⁷ Batsheba sharung shayawt ai ladaw lai jang, Dawi gaw masha shangun dat nna hkawhkam hkaw de shi hpe shaga la wu ai. Shi mung Dawi a madu jan tai ai hte shi a matu shadang sha langai shangai ya wu ai. Rai ti mung dai Madu chyawm gaw Dawi galaw kau nu ai amu hpe n yu sharawng nga wu ai.

Jinghpaw Hanson Version Bible

²⁷ Shi a sharung shayawt ai ladaw lai wa jang, Dawi masha shangun nna, num dai hpe hkaw de shaga la wu ai; shing rai shi gaw shi a madu jan tai nna, shadang sha shangai ya wu ai. Rai timung, Dawi galaw ai lam gaw, Yehowa a man e n shawp ai amu rai nga ai.

2 SAMUELA 11:27 ပူးပေါင်းရင်းမြစ်များ

NINGPAWT NINGHPANG 38:10

Shi galaw ai lam hpe dai Madu n ra sharawng wu ai majaw shi hpe mung sat kau wu ai.

2 SAMUELA 12:9

Dai rai yang, nye a hkang da ai ga ni hpe nang hpa majaw n madat kau n ta? Ndai zawn n hkru ai amu hpe nang hpa majaw galaw kau hkrup n ni? Nang gaw Uria hpe majan pa e sat kau nit dai; Amon masha ni a lata hte shi hpe sat kau shangun nit dai; dai hpang shi a madu jan hpe nang la kau nga nit dai!

2 SAMUELA 15:26

Rai ti mung shi ngai hpe n ra sharawng sai rai yang mung, hpa n ra ai, shi ra ai hku ngai hpe galaw nu ga,” ngu nna tsun wu ai.

1 HKAWHKAM 21:16

Ahab gaw dai hpe sa madu la na nga, sabyi sun de kalang lata rawt sa mat wa wu ai.

1 HKAWHKAM 21:20

Ahab gaw Elia hpe mu jang shi hpe, “Nye a gumlau hpyen wa e, nang ngai hpe hkan dep nang nga n ni?,” ngu nna tsun wu ai. Elia gaw, “Rai sa, ngai dep nang nga nngai; nang gaw dai Madu a man e n kaja ai amu hpe nang hkum nan myit jung ai hte htum hkra galaw kau nit dai.

1 HKAWHKAM LABAU 21:7

Dai zawn galaw kau manu ai lam hpe Karai Kasang n ra sharawng wu ai rai nna Israela amyu ni hpe ari jaw wu ai.

SHAKAWN KUNGDAWN 5:6

Masu magaw ga tsun ai ni yawng hte hpe nang jahten kau ndai; kashun kashe hte hkalem hkalau chye ai ni hpe nang matsat nga ndai.

GA SHAGAWP 6:29

Dai amu hpe galaw ai wa gaw masha jan shaw ai wa zawn hkrithpa rai nga ai hte; dai hpe galaw ai wa kadai mung nni nkri hkrum sha na ra ai.

ESAIA 29:15

Dai Madu n mu lu hkra nga, shanhte a maw mawn ai lam ni hpe makoi shakut ai ni gaw dingnye hkrum nga ma ai! Shanhte gaw shanhte a da da ai amu ni hpe mayun galaw ai hte dai amu hpe kadai mung n mu, shanhte hpa galaw nga ma ai hpe n chye ma ai ngu, myit nawn ma ai.

SHARUNG SHAYAWT 3:36

Tara rung hta teng man ai lam yit mat nga ai hpe shi chye nga ai.

MAHTE 1:6

Yese a kasha gaw Dawi Hkawhkam; Dawi hte Uria a madu jan kaw na shaprat ai kasha gaw Shawlumon:

TARA JAHPRANG 22:29

dai la wa gaw numsha a kawa hpe gumhpraw manga shi wa lu na rai wu ai; dai la wa mahtang numsha hte shut kau nu ai majaw numsha mung shi a madu jan tai na rai wu ai. Dai lasha ahkrung nga dingsa galoi mung hka lu na ma ai n rai.

HEBRE 13:4

Hkungran ai lam hpe masha yawng mayawng hkungga shagrau lu na rai myit dai hte madu wa madu jan shada da a ntsa e sadi dung nga lu na rai myit dai; Karai Kasang gaw arawn alai hten ai ni hte num shaw la shaw ai ni hpe jeyang na ra ai.