2 SAMUELA 11:26 - Jinghpaw Common Language Bible 2009

²⁶ Batsheba gaw shi a madu wa sat kau hkrum sai lam hpe na jang, shi madu wa a majaw sharung shayawt nga wu ai.

Jinghpaw Hanson Version Bible

²⁶ Uria si mat ai lam shi a madu jan na wu yang, shi gaw shi a madu wa a majaw sharung sharawt rai nga ai.

2 SAMUELA 11:26 ပူးပေါင်းရင်းမြစ်များ

NINGPAWT NINGHPANG 27:41

Yaku hpe shi kawa jaw ya ai shaman chyeju a majaw Esaw mahtang Yaku hpe n dawng da wu ai. Esaw gaw, “Nye wa a si hkrung si htan hta yawn hkyen na aten gaw ni wa sai; shaloi Yaku hpe ngai sat kau na we ai,” ngu nna shi hkum hpe tsun wu ai.

NINGPAWT NINGHPANG 50:10

Yawdan hka a sinpraw hkran na Atad a chyarang pa e shanhte du shang wa ma yang, shanhte gaw aten galu wa mi ja ja sharung shayawt nga ma ai. Yosep mung yawn hkyen poi hpe sanit ya tup galaw wu ai.

2 SAMUELA 11:25

Dawi gaw dai kasa wa hpe, “Yoab hpe n-gun shakang nhtawm myit gawng n run na lam shi hpe tsun u; majan e kadai si na hpe kadai mung n lu tsun nga ai. Mare dai hpe tsam mari di gasat anin nna dai hpe madu la na lam shi hpe tsun u,” ngu nna tsun wu ai.

2 SAMUELA 14:2

Tekoa mare hta nga ai dai myit let ai numsha langai mi hpe shaga shangun dat wu ai. Numsha dai du jang, Yoab gaw shi hpe, “Na a kara n masit ai sha, ayawn hpun palawng bu hpun nhtawm sharung shayawt masu u. Shing rai aten na na sharung shayawt hkrum ai numsha langai zawn galaw u.

2 SAMUELA 3:31

Dawi gaw Yoab hte shi a masha ni hpe shanhte a bu hpun palawng ni gang je kau nhtawm lachyit nba lawai let Abna a matu sharung shayawt na lam hkang dat wu ai. Dai moi mang makoi mayang ai shaloi, Hkawhkam Dawi mung shi hkum nan moi mang shingdu kaw nna hkan sa nang wu ai.

1 HKAWHKAM 21:16

Ahab gaw dai hpe sa madu la na nga, sabyi sun de kalang lata rawt sa mat wa wu ai.

TARA JAHPRANG 34:8

Israela amyu masha ni mung shi a matu Moba pa e nhtoi sumshi ya tup sharung shayawt nga ma ai.

1 SAMUELA 31:13

Dai hpang, nrut nra ni hpe shanhte la nna mare na tsit ai ubyap hpun npu e, dai ni hpe lup makoi da let, sanit ya tup lusha gam nga ma ai.