2 SAMUELA 11:22 - Jinghpaw Common Language Bible 2009

²² Shing rai dai kasa wa mung Dawi kaw sa nhtawm Yoab shi hpe hkang dat ai ga hte maren tsun dan wu ai.

Jinghpaw Hanson Version Bible

²² Shing rai dai kasa wa sa nna, Yoab shi hpe tsun shangun ai ga mahkra Dawi hpe tsun dan wu ai.

2 SAMUELA 11:22 ပူးပေါင်းရင်းမြစ်များ

2 SAMUELA 11:21

Gidon a kasha Abimelek kaning rai sat kau hkrum nga ai hpe nanhte n dum manit ni? Dai gaw Htebeza mare hta num langai mi htumrin nlung langai la nhtawm bunghku ntsa kaw nna kabai jahkrat nna shi hpe sat kau nga ai. Dai rai yang, nanhte gaw hpa majaw bunghku de shade de wa kahtep sa myit ni?,’ ngu nna san mai nga ai. Dai re ai majaw hkawhkam wa nang hpe dai lam san wa ai rai yang, shi hpe, ‘Na a du Uria mung sat kau hkrum nga nu ai,’” ngu nna tsun dan u ngu wu ai.

2 SAMUELA 11:23

Shi gaw, “Anhte a gumlau hpyen ni mahtang anhte hta grau nna n-gun ja nga ma ai rai nna pa hta e anhte hpe htim gasat na nga, mare kaw na pru sa wa ma ai; rai ti mung shanhte hpe mare chyinghka du hkra bai gawt nhtang kau lu ga ai.