2 SAMUELA 11:17 - Jinghpaw Common Language Bible 2009

¹⁷ Gumlau hpyen hpung ni dai mare kaw nna pru sa wa nhtawm Yoab a hpung ni hpe gasat ma yang, Dawi a du salang nkau mi sat kau ai hkrum nga ma ai; Uria mung dai majan hta si lawm mat nga sai.

Jinghpaw Hanson Version Bible

¹⁷ Shaloi mare masha ni pru nna, Yoab hpe gasat mu yang, Dawi a ali ama masha ni nkau mi si ma ai: Hiti masha Uria mung si lawm mat ai.

2 SAMUELA 11:17 ပူးပေါင်းရင်းမြစ်များ

2 SAMUELA 11:16

Yoab gaw mare hpe wang da nga yang, shi chye da sai dai n-gun ja ai gumlau hpyen ni nga ai shara langai mi de Uria hpe shang gasat shangun dat wu ai.

2 SAMUELA 11:18

Dai hpang Yoab gaw Dawi hpang de majan shiga shana dat wu ai rai nna,

2 SAMUELA 11:21

Gidon a kasha Abimelek kaning rai sat kau hkrum nga ai hpe nanhte n dum manit ni? Dai gaw Htebeza mare hta num langai mi htumrin nlung langai la nhtawm bunghku ntsa kaw nna kabai jahkrat nna shi hpe sat kau nga ai. Dai rai yang, nanhte gaw hpa majaw bunghku de shade de wa kahtep sa myit ni?,’ ngu nna san mai nga ai. Dai re ai majaw hkawhkam wa nang hpe dai lam san wa ai rai yang, shi hpe, ‘Na a du Uria mung sat kau hkrum nga nu ai,’” ngu nna tsun dan u ngu wu ai.

2 SAMUELA 12:9

Dai rai yang, nye a hkang da ai ga ni hpe nang hpa majaw n madat kau n ta? Ndai zawn n hkru ai amu hpe nang hpa majaw galaw kau hkrup n ni? Nang gaw Uria hpe majan pa e sat kau nit dai; Amon masha ni a lata hte shi hpe sat kau shangun nit dai; dai hpang shi a madu jan hpe nang la kau nga nit dai!

SHAKAWN KUNGDAWN 51:14

Karai Kasang e, nye a asak hpe shalawt ya nna, ngai hpe hkye hkrang la e; na a ding man ai lam hpe ngai kabu gara htawn tsun nga na nngai.