2 SAMUELA 11:16 - Jinghpaw Common Language Bible 2009

¹⁶ Yoab gaw mare hpe wang da nga yang, shi chye da sai dai n-gun ja ai gumlau hpyen ni nga ai shara langai mi de Uria hpe shang gasat shangun dat wu ai.

Jinghpaw Hanson Version Bible

¹⁶ Yoab mung, dai lam galaw nna mare hpe yaw yu yang, hpyen n-gun grau ja ai shara e Uria hpe dat wu ai.

2 SAMUELA 11:16 ပူးပေါင်းရင်းမြစ်များ

2 SAMUELA 11:15

Dawi gaw, “Gasat gala lam grau nna laja htum ai ai shara ngu na shawng lam de Uria hpe tawn da u; shing rai sat kau ai hkrum mat hkra shawng de shanang sa shangun nhtawm hpyen masha ni hpe chyawm gaw hpang de htingnut mat wa shangun u,” ngu nna ka dat wu ai.

2 SAMUELA 11:17

Gumlau hpyen hpung ni dai mare kaw nna pru sa wa nhtawm Yoab a hpung ni hpe gasat ma yang, Dawi a du salang nkau mi sat kau ai hkrum nga ma ai; Uria mung dai majan hta si lawm mat nga sai.

2 SAMUELA 11:21

Gidon a kasha Abimelek kaning rai sat kau hkrum nga ai hpe nanhte n dum manit ni? Dai gaw Htebeza mare hta num langai mi htumrin nlung langai la nhtawm bunghku ntsa kaw nna kabai jahkrat nna shi hpe sat kau nga ai. Dai rai yang, nanhte gaw hpa majaw bunghku de shade de wa kahtep sa myit ni?,’ ngu nna san mai nga ai. Dai re ai majaw hkawhkam wa nang hpe dai lam san wa ai rai yang, shi hpe, ‘Na a du Uria mung sat kau hkrum nga nu ai,’” ngu nna tsun dan u ngu wu ai.

2 SAMUELA 3:27

Abna gaw Hebron mare de bai du jang, shi hpe shaga mayu ai majaw dinghkrai la nna mare chyinghka lam makau de woi sa nhtawm dai yang e shi a kan hpe nhkyi hte galun ya wu ai. Abna gaw Yoab a kanau Asahela hpe sat kau wu ai majaw shi mung sat kau ai hkrum nga wu ai.

1 HKAWHKAM 2:5

“Dai hta kaga lama mi naw nga nga ai, dai gaw Israela a hpyen luksuk ni hpe up hkang ai du lahkawng ngu na Nera a kasha Abna hte Yehtera a kasha Amasa yan hpe sat kau nna Yoab ngai hpe galaw ai lam nang dum na ndai. Bai majan byin ai aten hta shanhte galaw shapraw dat ai si hkrung si htan amu a matu ngwi pyaw simsa ai aten hta matai dawp nna shan hpe shi kaning rai sat kau ai hpe mung adum nga u. Shi gaw mara n kap ai masha ni hpe sat kau nu ai rai nna shi galaw ai amu a matu ngai hta lit lu nga nngai a majaw dai mara a nni nkri hpe ngai hkam sha nga nngai.

2 HKAWHKAM 10:6

Yehu gaw shanhte hpe kaga laika hta mung ning ngu nna ka dat wu ai: “Nanhte gaw ngai hpang maga de rai nna, nye a hkang da ai ga ni hpe hkan sa na matu jin jin rai nga myit yang gaw hpawt de ndai aten hta Hkawhkam Ahab a amyu matu ni a baw ni hpe Yezrela mare, ngai hpang de la sa lu na rai myit dai.” Hkawhkam Ahab a amyu matu na marai sanit shi hte gaw Samari mare hpe woi hkang nga ai agyi salang ni a bau maka ai npu hta woi kaba tawn ai ni hta nga nga ma ai.

GA SHAGAWP 29:12

Mung du wa gaw n teng n man ai shiga hpe madat yang, shi a rap daw salang ni yawng masu magaw ai ni rai na mara ai.

HOSEA 5:11

Israela gaw dip gamyet sha hkrum ai nni nkri hkrum sha nga ma ai; shi gaw jaw ya na hpa n lu ai ni hpe karum na matu shadut nga ai majaw tara ai hku madu da ai shi a lamu ga hpe shamat kau nu ai.

KASA 5:29

Petru hte kaga kasa ni gaw, “Anhte gaw masha a ga madat na hta Karai Kasang a ga hpe mahtang madat lu na ga ai.