2 SAMUELA 11:14 - Jinghpaw Common Language Bible 2009

¹⁴ Hpang jahpawt e, Dawi gaw Yoab hpang de laika langai ka dat nhtawm Uria a lata hta dai hpe shagun dat ya wu ai.

Jinghpaw Hanson Version Bible

¹⁴ Hpang jahpawt e Dawi gaw, Yoab hpang de laika ka dat nna, Uria lata hta shagun ya dat wu ai.

2 SAMUELA 11:14 ပူးပေါင်းရင်းမြစ်များ

2 SAMUELA 12:9

Dai rai yang, nye a hkang da ai ga ni hpe nang hpa majaw n madat kau n ta? Ndai zawn n hkru ai amu hpe nang hpa majaw galaw kau hkrup n ni? Nang gaw Uria hpe majan pa e sat kau nit dai; Amon masha ni a lata hte shi hpe sat kau shangun nit dai; dai hpang shi a madu jan hpe nang la kau nga nit dai!

SHAKAWN KUNGDAWN 19:13

Myit shadang ai yubak mara ni kaw na mung, ngai hpe shim hkra bau sin ya e; dai ni gaw ngai hpe n up lu mu ga. Shing rai, ngai gaw hkum tsup wa nna n hkru ai yubak kaw na mung lawt lu na nngai.

SHAKAWN KUNGDAWN 52:2

Na a shinglet gaw dai kara rep nhkyi zawn kaga ni hpe jahten sharun na, maw mawn nga ndai. Nang gaw masu magaw ga hpe tut nawng e, gyin shalat ai wa rai nga ndai.

SHAKAWN KUNGDAWN 62:9

Shinggyim masha yawng hte gaw nsa sa lai nbung kasha zawn sha rai nga ma ai; galu kaba ai wa hte kaji kadun ai wa mung, maren sha manu n dan nga ai. Shanhte hpe joi hta shen yu ai shaloi, shanhte a namnak hpa mung n rawng nga ma ai; shanhte gaw nsa sa lai nbung hta pyi grau nna tsang nga ai.

YEREMIA 17:9

“Masha a myit masin hpe kadai chye lu nga a ni? Grai masu magaw ai hta jan nna hpa mung n nga nga ai; dai gaw shamai shatsai la na matu nau wa machyi sawng mat nga ai.