2 SAMUELA 11:11 - Jinghpaw Common Language Bible 2009

¹¹ Uria mahtang, “Israela hte Yuda masha ni mahtang majan pa hkan e she nga nga ma ai. Shanhte hte rau Ga Shaka Sumpu mung nga nga ai; nye a up hkang du Yoab hte shi a du salang ni mung pa hkan e she dap jung tawn da nga ma ai mi, ngai kaning rai nta de wa nna lu lu sha sha rai let, nye a madu jan hte yup lu na rai ta? Dai zawn re ai amu hpe galoi mung ngai n galaw na rai nga nngai gaw chyoi pra ai mying hta dai lam yawng hpe ngai dagam nngai!,” ngu htan wu ai.

Jinghpaw Hanson Version Bible

¹¹ Uria chyawm gaw, “Karai Kasang a sumpu mung, Israela hte Yuda masha ni mung sum hta sha nga nga ma ai; nye du Yoab hte nye madu a mayam ni mung, pa hkan e she but nga ma ai; ngai wa mi tinang nta de wa nna lu let sha let, madu jan hte pyaw let nga mai na a ni? Nang madu hkrung nga ai hte, na wenyi hkrung nga ai hte maren, ngai shing n rai na nngai,” ngu nna Dawi hpe htan wu ai.

2 SAMUELA 11:11 ပူးပေါင်းရင်းမြစ်များ

2 SAMUELA 11:10

Uria nta de n wa ai shiga hpe Dawi na jang, shi gaw Uria hpe, “Nang gaw aten na na hkawm nhtawm ya she nhtang wa ai mi, nta de hpa majaw n wa mayu nga n ni?,” ngu nna san wu ai.

2 SAMUELA 14:19

Dawi gaw dai numsha hpe, “Ndai amu Yoab mahtang nang hpe galaw shangun ai n rai ni?,” ngu nna san dat wu ai. Dai numsha mung, “Nye a madu hkawhkam wa e, chyoi pra nga ai hte maren, ndai lam yawng hpe nga dagam nngai; nang san ai ga san hpe koi yen nna htai na lam hpa mi n nga nga ai. Dai gaw na a du Yoab mahtang ngai hpe kaning rai galaw na, kaning rai tsun na lam ngai hpe hkang dat ai hte maren kaja wa rai nga ai.

2 SAMUELA 20:6

Dai majaw hkawhkam wa gaw Abishai hpe, “Sheba gaw Absalom hta pyi grau nna anhte hpe sharu shatsang na ra ai. Nye a masha ni hpe woi nna shi a hpang hkan su; shing n rai jang, shi gaw bunghku ngang ai mare nkau mi gan madu la nhtawm anhte a lata kaw nna lawt mat wa na ra ai,” ngu nna tsun wu ai.

2 SAMUELA 7:2

Dai hpang hkawhkam wa gaw myihtoi Nahtan hpe, “Yu u, ngai chyawm gaw marau hpun hte galaw ai nta hta rawng nga nngai; rai ti mung Karai Kasang a Ga Shaka Sumpu mahtang sumpan sum kata e rawng nga ai le!,” ngu nna tsun wu ai.

2 SAMUELA 7:6

Israela amyu masha ni hpe Egutu mung kaw na ngai hkye mawai la ai shani kaw nna dai ni du hkra htingnu kata e ngai galoi mung n rawng yu nngai; sum kata e nga nga nna ngai kayin hkawm ni ai.

BU HKAWM 32:6

Mawshe chyawm gaw, “Nanhte a hpu nau Israela ni majan gasat sa wa nga ma yang, ndai yang e hkring nga na nanhte sharawng nga myit ni?

YAWHAN 13:14

Ngai nanhte a Madu mung, Sara mung rai da ninglen, ngai pyi nanhte a lagaw ni hpe kashin ya ni ai rai yang gaw, nanhte mung nanhte shada da a lagaw mai kashin ya myit dai.

2 TIMOHTI 2:12

Anhte matut nna hkam sharang nga ga yang gaw, anhte shi hte rau mung up nga lu na raga ai. Anhte shi hpe ningdang kau ga yang gaw, shi mung anhte hpe ningdang kau na ra ai.

1 SAMUELA 1:26

Hana gaw shi hpe, “Madu e, ngai hpe mara hkum shagun e, nang ngai hpe dum ai n rai ni? Dai Madu hpe akyu hpyi na ngu, ndai yang e ngai tsap nga yang, nang mu ai numsha rai nga nngai.

1 SAMUELA 14:18

Shawlu gaw hkinjawng Ahiya hpe, “Dai hkinjawng hpa hkai lawng ndai de la wa rit,” ngu nna tsun wu ai. (Dai shani e Ahiya gaw Israela amyu masha ni a shawng e dai hpe hpai da nga ai.)

1 SAMUELA 17:55

Dawi gaw Goliat hpe gasat na nga sa wa ai hpe Shawlu mu jang, shi a hpyen dap hpe up hkang ai Abna hpe, “Abna e, shi gaw kade a kasha rai nga a ta?,” ngu nna san wu ai. Shaloi Abna gaw, “Madu hkawhkam e, “Ngai n chye myit lu nngai,” ngu nna htan wu ai.

1 SAMUELA 20:3

Rai ti mung, Dawi mahtang, “Nang ngai hpe kade wa tsaw ra nga ndai gaw na nwa atsawm sha chye nga ai rai nna, nang hpe lai hkra n machyi shangun mayu ai majaw, shi kaning rai maw mawn na lam nang hpe n chye shangun mayu ai hku, shi daw dan da nga ai. Ngai gaw si hkrung si htan a lata kaw na lawt na lahkam mi dang sha rai nga sali ai ngu nna ahkrung nga ai dai Madu hta nang hpe dagam nngai,” ngu nna htan wu ai.

1 SAMUELA 25:26

Na a gumlau hpyen ni hpe sat na hte matai htang mayu nga ai kaw na, dai Madu nang hpe hkum da nga nit dai majaw, na a gumlau hpyen ni hte nang hpe machyi shangun mayu ai ni yawng gaw Nabala zawn ari jaw ai hkrum nga mu ga, ngu nna ahkrung nga ai dai Madu hta ngai dagam da nga nngai.

1 SAMUELA 4:4

Shanhte gaw Shilo de kasa ni hpe shangun dat nhtawm singkaw tu ai hkrung kanu ntsa e dung ai Chyahtum Chyalai N-gun rawng ai dai Madu a Ga Shaka Sumpu hpe la sa ma ai. Eli a kasha Hopni hte Hpineha yan mung dai Ga Shaka Sumpu hte rau hkan sa wa ma ai.