2 SAMUELA 11:1 - Jinghpaw Common Language Bible 2009

¹ Ya shaning galai nna hkawhkam ni majan gasat na ladu bai hkrum wa jang, Dawi gaw Yoab hte shi a du salang ni hte Israela hpyen luksuk ni hpe shangun dat wu ai rai nna Amon masha ni hpe dang kau nhtawm Raba mare hpe wang tawn da ma ai. Rai ti mung Dawi shi nan chyawm gaw Yerusalem mare e nga nga ai.

Jinghpaw Hanson Version Bible

¹ Ya shaning galai nna, hkawhkam ni hpyen gasat na ladu bai hkrum jang, Dawi gaw Yoab hte shi a ali ama ni, Israela masha nlang hte hpe shangun dat nna, Ammon a kasha ni hpe gasat dang kau nhtawm, Raba mare hpe wang tawn da mu ai. Dawi chyawm gaw Yerusalem mare e anga nga ai.

2 SAMUELA 11:1 ပူးပေါင်းရင်းမြစ်များ

2 SAMUELA 10:14

Suri masha ni kagat hprawng htaw mat wa ai hpe Amon masha ni mu jang, shanhte mung Abishai kaw na hprawng mat wa nhtawm mare de htingnut mat wa ma ai. Shaloi Amon masha ni hpe gasat nga ai kaw na Yoab nhtang mat wa nhtawm Yerusalem mare de wa mat wa ma ai.

1 HKAWHKAM 20:22

Dai hpang myihtoi wa gaw Hkawhkam Ahab kaw sa nna, “Bai nhtang wa nhtawm na a hpyen n-gun hpe bai shalaw la nna n-gun ban la u: htaning na ndai ginhtawng aten Suri hkawhkam nang hpe bai sa gasat na ra ai majaw na a hpyen zai ladat hpe sadi sahka hte hkyen da u,” ngu nna tsun wu ai.

1 HKAWHKAM 20:26

Ya ginhtawng aten bai du jang, shi gaw shi a masha ni hpe shaga shapraw la nhtawm shanhte hte rau Israela masha ni hpe htim gasat na nga, Ahpek mare de rawt lung wa ma ai.

1 HKAWHKAM LABAU 20:1

Ya hkawhkam ni majan bai gasat na ladu bai wa hkrum ai aten hta, Yoab gaw hpyen luksuk hpe woi nna Amon mung hpe shang gasat wu ai; Hkawhkam Dawi chyawm gaw Yerusalem e nga nga ai. Shaloi shanhte gaw Raba mare hpe wang da nna htim gasat sharun kau ma ai.

2 HKAWHKAM LABAU 36:10

Ya ginhtawng ta bai du jang, Nebuhkadneza gaw Yehoiahkin hpe bawng rim la nna Nawku Htingnu na sut gan arung arai ni hte hpawn, Babelon mung de woi wa wu ai. Dai hpang Nebuhkadneza gaw Yehoiahkin a kawa toi rai nga ai Zedekia hpe Yuda mung hte Yerusalem a hkawhkam shatai da wu ai.

SHAKAWN KUNGDAWN 60:9

O Karai Kasang e, dai ngang kang ai mare de, ngai hpe kadai woi sa na rai nga a ta? Edom de ngai hpe kadai woi sa na rai nga a ta?

HPAJI NINGLI 3:8

Shi gaw tsaw ra ai aten hte n dawng ai aten hpe mung, majan gasat ai aten hte ngwi pyaw sim sa ai aten hpe mung masat da ya nga ai.

YEREMIA 49:2

Rai ti mung, dai Raba mare daju na mare masha ni hpe majan gasat ai nsen ngai na shangun ai aten du wa na ra ai; dai mare gaw hten run taw mat nhtawm de a kahtawng ningchyawng ni hkru sumpum taw nga na mara ai. Dai shaloi Israela masha ni gaw shanhte a lata kaw na tat kau dat ai dai mungdan hpe bai madu la lu na mara ai.

YEREMIA 49:3

Heshbon mare masha ni e, marawn jahtau nga mu! Ai mare gaw hten za mat sai! Raba shayi sha ni e, sharung shayawt nga mu! Lachyit nba bu hpun nna sharung shayawt nga mu! Waw de kagat, le de kagat rai kagat kahkrang hkawm nga mu. Nanhte a Molek hpara gaw shi a hkinjawng ni hte hkawhkam shadang sha ni hte rau bawng rim mat wa hkrum na mara ai.

EZEKELA 21:20

Lam langai mi gaw hkawhkam wa hpe Amon masha ni shanu ai Raba mare de sa wa ai lam hpe madun na ra ai; kaga lam langai mi gaw Yuda mung na ngang kang ai mare bunghku ni hte kum gawan da ai Yerusalem de hkrang ai lam hpe madun dan na ra ai.

AMO LAIKA (AMOS) 1:14

Dai rai nna, ngai gaw Raba a mare bunghku ni a ntsa de wan jahkrat dat nhtawm de a hpyen dap ni hpe jahkru kau na we ai. Dai hpang dai yang e hpyen majan shani jahtau garu ai lam nga nna dai gasat gala ai gaw nbung laru zawn n-yun bu na ra ai.

ZEHKARIA 14:3

Dai hpang, shi gaw lai sai aten ni hta majan gasat gala nga ai hte maren dai Madu pru sa nna masha amyu baw ni hpe gasat na mara ai.

TARA JAHPRANG 3:11

(Hkawhkam Oga gaw Rehpim amyu a jahtum ngam nga ai hkawhkam rai nga ai. Shi a da-u gaw nlung hte galaw da wu ai rai nna shadawn shadang hte maren nga yang, galu de pe 14 daram, nda de pe 6 daram rai nga ai. Dai hpe Amon masha ni a mare Raba e dai ni du hkra naw mu lu nga ai.)

1 SAMUELA 18:30

Hpilisti hpyen luksuk ni sa gasat ma ti mung, majan gasat shagu kaga Shawlu a du salang ni hta Dawi gaw grau nna awng padang lu la nga wu ai. Shing re ai lam a majaw, Dawi gaw grai kajai gumhkawng ai wa tai wa sai.