2 SAMUELA 10:6 - Jinghpaw Common Language Bible 2009

⁶ Amon masha ni gaw Dawi hpe shanhte a gumlau hpyen shatai kau nga masai hpe dum hprang wa ma yang, Berehoba hte Zoba mare na Suri hpyenla mun lahkawng, Toba mare na mun mi hkying lahkawng hte Mahka hkawhkam kaw na masha hkying mi saw la nga ma ai.

Jinghpaw Hanson Version Bible

⁶ Shing rai Ammon a kashu kasha ni gaw, Dawi a man e matsat shabat rai nga ai lam shanhte dum chye la yang shanhte masha shangun dat nna, Bet–rehoba mare na Suri masha ni hte, Zoba mare na Suri masha mun lahkawng, Mahka hkawhkam kaw na masha hkying mi Toba a mare na masha mun lahkawng e hkying lahkawng saw la ma ai.

2 SAMUELA 10:6 ပူးပေါင်းရင်းမြစ်များ

NINGPAWT NINGHPANG 34:30

Yaku gaw Simun yan Lewi hpe, “Nan gaw ngai hpe ru yak tsin-yam tsindam la wa ya manit dai. Ya chyawm gaw Hkanani hte Hperizi masha ni hte mungdan hta shanu nga ai masha shagu hte gaw ngai hpe n dawng na mara ai. Ngai hta masha n law nga ai majaw shanhte yawng rau jawm zup nna ngai hpe htim gasat ai rai yang, anhte a dinghku ting shamyit kau ai hkrum na raga ai,” ngu nna tsun wu ai.

2 SAMUELA 10:5

Shanhte gaw dum nta de nhtang wa na matu grai kaya mat ma ai. Dawi mung dai mabyin lam hpe na ai shaloi, nanhte a nhka mun ni bai tu galu wa ai aten du hkra n nhtang wa ai sha Yerihko mare hta nga nga mu ngu nna htet dat wu ai.

2 SAMUELA 10:7

Dawi gaw dai shiga hpe na jang, shanhte hpe ninghkap na nga Yoab hte hpyen luksuk mahkra hte hpe shangun dat wu ai.

2 SAMUELA 16:21

Ahihtohpela gaw, “Hkawhkam htingnu sin na matu na nwa tawn da ai lashi num ni hte sa kanawn su; shing rai jang na nwa nang hpe shi a gumlau hpyen zawn yu nna, na a hpang hkan ai ni mung myit nden kaba wa na mara ai gaw, dai Israela masha shagu chye wa na mara ai,” ngu nna htan wu ai.

2 SAMUELA 8:12

shi gasat dang da sai Edom, Moba, Amon, Hpilisti hte Amalek masha amyu baw ni kaw na shi la wa ai aja, gumhpraw hpe mung, Hadadeza kaw na lu la ai lanep kau chyen ni hpe mung nawng ya wu ai.

2 SAMUELA 8:3

Dai hpang Dawi gaw Uhprat a lahta daw na lamu ga hpe bai up hkang lu hkra nga, Zoba mungdaw hpe up ai Rehob a kasha Suri Hkawhkam Hadadeza hpe gasat dang kau wu ai.

2 SAMUELA 8:5

Damasku mare na Suri masha ni Hkawhkam Hadadeza hpe sa karum la na matu luksuk hpung mi hpe dat dat mu ai shaloi, Dawi gaw dai ni hpe htim gasat kau nhtawm masha mun lahkawng hkying lahkawng hte hpe sat kau wu ai.

1 HKAWHKAM 11:24

tara shinggan de male nga ai masha hpung mi a ningbaw tai nga ai. (Ndai gaw Dawi mahtang Hadadeza hpe gasat dang kau nna shi a jinghku hpyen hpung rai nga ai Suri masha ni hpe sat sharu kau ai hpang byin ai lam rai nga ai.) Rezon gaw shi a masha shi hpe Suri hkawhkam shatai ai Damasku mare de shi a masha ni hte rau sa nga nga wu ai.

2 HKAWHKAM 7:6

Dai Madu gaw luksuk kaba hta gumra ni, hpyen leng ni hte htim lung wa ai zawn nga ai nsen Suri masha ni hpe na shangun ai rai nna, Israela hkawhkam gaw shanhte hpe htim gasat na matu Hiti hte Egutu hkawhkam yan hte shanhte a hpyen luksuk ni hpe karum hpyi saw shaga nu ai, ngu nna myit nawn la mu ai.

SHAKAWN KUNGDAWN 48:4

Hkawhkam ni jawm hpawng nga nna, Ziun bum hpe htim gasat na matu, shanhte pru sa wa ma ai.

PRU MAT 5:21

Shanhte gaw Mawshe yan Arun hpe, “Hkawhkam wa hte shi a du salang ni anhte hpe n dawng shangun ai amu hpe nan galaw shapraw manit dai gaw, dai Madu mu ya nu ai hte nan hpe ari jaw na ra ai. Nan gaw anhte hpe sat kau na matu lawt ga mung shanhte hpe jaw kau manit dai,” ngu nna hkap deng ma ai.

GA SHAGAWP 25:8

Lama ma byin ai hpe nang mu hkrup yang tara rung de sa tang na hkum tin. Nang shut ai lam hpe hpang e kaga masha wa sakse hkam yang, nang kaning di na ngu n ta?

YEREMIA 40:8

Dai rai nna, Nehtania a kasha Ishmaela, Karea a kasha Yohanan hte Yonahtan, Tanhumet a kasha Seraia, Netohpa amyu Ehpai a shadang sha ni hte Mahka amyu Yezania ni gaw shanhte a masha ni hte rau Mizpa mare e nga ai Gedalia hpang de du ma ai.

YEREMIA 46:21

Shi saw shaga da ai hpyenla ni pyi dumsu kasha ni zawn karum la lam n lu nga ma ai. Shanhte gaw n tsap lu ai hte n gasat lu ma ai; shanhte yawng gaw kayin kagat mat wa ma ai. Shanhte hpe daw dan ai nhtoi hte shanhte hpe jahten shabyak na aten gaw du nga sai.

TARA JAHPRANG 3:14

Manashe amyu bawsang na Yaira gaw Bashan mung ngu ai Argoba ginwang ting hpe Geshuri hte Mahka masha ni a lamu ga jarit du hkra madu la wu ai. Shi up hkang ai shaloi dai kahtawng ni hpe shi a mying shamying ya wu ai majaw dai ni du hkra dai shara ni hpe Yaira kahtawng ni ngu ma ai hpe chye lu nga ai.)

TARA AGYI 11:3

Yephta gaw shi a kahpu kanau ni kaw na hprawng mat wa nhtawm Toba mung e sa nga nga wu ai. Dai yang na pagawn para rai nga hkawm ai masha hpung mi hpe shi yu sharawng wu ai rai nna shanhte mung shi hte rau brak hkawm nga ma ai.

TARA AGYI 11:5

Dai majan byin ai shaloi, Gilead mung na ningbaw ni mahtang Toba mung na Yephta hpe bai sa woi la ma ai.

1 SAMUELA 13:4

Shawlu gaw Hpilisti dap up wa hpe sat kau nu ai lam hpe mung, Hpilisti masha ni shanhte hpe n ju nga ai lam mung, Israela masha ni yawng na ma ai. Dai rai nna Gilgala e Shawlu hte matut mahkai let zup hpawng ga nga, amyu masha ni htan dat ma ai.

1 SAMUELA 27:12

Rai ti mung, Ahkisha mung Dawi hpe kam ai rai nna shi gaw, “Dawi gaw shi a Israela amyu masha majing ni a majaw grai n dawng ai hkrum sha nga sai rai nna, shi a prat tup ngai hpe sha daw jau na rai sanu ai,” ngu nna shi a kraw hta tsun nga ai.