2 SAMUELA 10:14 - Jinghpaw Common Language Bible 2009

¹⁴ Suri masha ni kagat hprawng htaw mat wa ai hpe Amon masha ni mu jang, shanhte mung Abishai kaw na hprawng mat wa nhtawm mare de htingnut mat wa ma ai. Shaloi Amon masha ni hpe gasat nga ai kaw na Yoab nhtang mat wa nhtawm Yerusalem mare de wa mat wa ma ai.

Jinghpaw Hanson Version Bible

¹⁴ Suri masha ni htaw mat wa ai hpe Ammon a kashu kasha ni mu jang, shanhte mung Abishai a man na hprawng mat wa nna mare de shang mat wa ma ai. Yoab mung, Ammon a kashu kasha ni hpe gasat ai kaw na, Yerusalem mare de nhtang wa ai.

2 SAMUELA 10:14 ပူးပေါင်းရင်းမြစ်များ

2 SAMUELA 10:15

Israela amyu masha ni Suri masha ni hpe gasat kau masai lam hpe shanhte dum chye wa jang, shanhte a hpyen hpung ni yawng hpe shaga hpawng da ma ai.

2 SAMUELA 11:1

Ya shaning galai nna hkawhkam ni majan gasat na ladu bai hkrum wa jang, Dawi gaw Yoab hte shi a du salang ni hte Israela hpyen luksuk ni hpe shangun dat wu ai rai nna Amon masha ni hpe dang kau nhtawm Raba mare hpe wang tawn da ma ai. Rai ti mung Dawi shi nan chyawm gaw Yerusalem mare e nga nga ai.

2 SAMUELA 20:6

Dai majaw hkawhkam wa gaw Abishai hpe, “Sheba gaw Absalom hta pyi grau nna anhte hpe sharu shatsang na ra ai. Nye a masha ni hpe woi nna shi a hpang hkan su; shing n rai jang, shi gaw bunghku ngang ai mare nkau mi gan madu la nhtawm anhte a lata kaw nna lawt mat wa na ra ai,” ngu nna tsun wu ai.

2 SAMUELA 22:38

Nye a gumlau hpyen ni hpe ngai hkan shachyut nna dang kau nngai; shanhte hpe shamyit kau lu ai aten du hkra ngai jahkring da nga nngai n rai.

2 SAMUELA 23:18

Yoab a kanau Abishai (shan a kanu Zeruia) gaw dai gumhkawng ai share “Sumshi” a ningbaw rai nga ai. Shi gaw masha masum tsa hpe shi a nri hte sat kau lu ai wa re majaw, “Dai Sumshi” hta mying gumhkawng ai wa tai wa sai.

2 SAMUELA 8:12

shi gasat dang da sai Edom, Moba, Amon, Hpilisti hte Amalek masha amyu baw ni kaw na shi la wa ai aja, gumhpraw hpe mung, Hadadeza kaw na lu la ai lanep kau chyen ni hpe mung nawng ya wu ai.

1 HKAWHKAM LABAU 18:12

Kanu Zeruia a kasha Abishai gaw Jum Kadit e Edom masha ni hpe gasat dang kau nhtawm shanhte hta na masha mun mi hkying matsat hpe sat kau wu ai.