2 SAMUELA 10:12 - Jinghpaw Common Language Bible 2009

¹² N-gun dat nna nden shaja da ting u! Anhte a amyu masha ni hte anhte a Karai Kasang a mare ni a matu anhte ja ja gasat ga. Dai Madu a myit ra sharawng ai hku tai wa u ga!,” ngu nna tsun wu ai.

Jinghpaw Hanson Version Bible

¹² Nden ja da ting u; anhte a amyu hte, anhte Karai Kasang a mare ninghtawn ni a matu n-gun marai dat gasat ga: Yehowa gaw shi ra ai hku hte maren galaw u ga,” ngu wu ai.

2 SAMUELA 10:12 ပူးပေါင်းရင်းမြစ်များ

2 SAMUELA 10:11

Yoab gaw shi hpe, “Suri masha ni ngai hpe dang nga ma ai hpe nang mu jang ngai hpe sa karum la e; Amon masha ni nang hpe dang jang ngai nang hpe sa karum la na de ai.

2 SAMUELA 15:26

Rai ti mung shi ngai hpe n ra sharawng sai rai yang mung, hpa n ra ai, shi ra ai hku ngai hpe galaw nu ga,” ngu nna tsun wu ai.

1 HKAWHKAM LABAU 19:13

N-gun dakan nna nden shaja nga u! Anhte a amyu masha ni hte anhte a Karai Kasang a mare ni a matu ja ja gasat ga. Dai Madu gaw shi ra ai hku hte maren galaw u ga,” ngu nna tsun wu ai.

2 HKAWHKAM LABAU 32:7

“Myit jahkut daw dan ai hte kam sham nga mu. Asuri Hkawseng hte shi woi awn ai hpyen luksuk hpe hkum hkrit nga myit. Anhte a maga hta rawng ai daru magam n-gun gaw shi a maga hta rawng ai hta grau nna anhte lu nga ga ai.

NEHEMIA 4:14

Ngai gaw amyu masha ni myit ru myit tsang hkrum nga ma ai hpe mu ai rai nna, shanhte hpe, “Anhte a gumlau hpyen ni hpe hkum hkrit nga myit. Kade sha galu kaba nna hkrit mai nga ai dai Madu hpe dum nga mu; nanhte a kahpu kanau ni, ma kaji ni, madu jan ni hte nanhte a dum nta ni a matu gasat mu,” ngu nna tsun nngai.

NEHEMIA 4:8

Dai re ai majaw shanhte yawng Yerusalem de sa htim gasat nna kashuk kashak shabyin dat na nga, rau bawng jahkrum masai,

ESHTA 4:16

“Sa nna Susa mare hta nga ai Yuda masha ni yawng hpe jahpawng tawn u; lusha gam let nye a matu akyu hpyi ya mi. Masum ya tup shani shana hpa mung hkum lu hkum sha nga myit. Nye a shangun ma numsha ni hte ngai mung dai hte maren galaw na ga ai. Dai hpang tara tawt lai ti mung hkawhkam wa hpang de ngai shang na nngai. Ndai amu galaw ai a majaw ngai si lu na rai yang mung si na nngai.”

YOBA 1:21

Shi gaw, “Ngai gaw kaman hte shangai wa ai rai nna, kaman hte si wa na nngai. Dai Madu jaw nu ai, ya chyawm gaw shi bai la kau nu ai. Shi a mying ningsang shakawn kungdawn ai hkrum nga u ga law!,” ngu nna tsun wu ai.

BU HKAWM 13:20

Namhpun kaja ai, nam maling law ai mung yu wa mi. Dai mung hta tu ai namsi namsaw nkau mi hpe la wa na hkum malap kau myit,” ngu nna htet dat wu ai. (Dai aten gaw sabyi si myin hpang wa ai aten rai nga ai.)

1 KORINHTU 16:13

A maja nga mu, dai makam masham hta ngang ngang kang kang tsap nga mu, nden marai rawng nga mu, n-gun lapyin ja nga mu.

TARA JAHPRANG 31:6

Myit jahkut daw dan ai hte kam hpa nga mu. Shanhte hpe hkum hkrit myit. Dai Madu nanhte a Karai Kasang gaw nanhte hte rau anga nga ai; shi nanhte hpe kabai kau na n rai; nanhte hpe kau da na n rai,” ngu nna tsun wu ai.

TARA JAHPRANG 31:7

“Shaloi Mawshe gaw Yawshu hpe shaga la nhtawm Israela amyu masha ni yawng a man e shi hpe, “Myit jahkut daw dan nna kam hpa nga u; dai Madu shanhte a kaji kawa ni hpe ga sadi jaw da ai mungdan hpe madu la na matu, dai amyu masha ni hpe woi awn na gaw nang rai nga ndai.

HEBRE 11:33

Dai ni gaw kam sham ai hte masha mungdan ni hpe gasat nna dang kau lu ma ai, Shanhte gaw ding hpring ai lam hpe hkan sa galaw nna Karai Kasang ga sadi jaw da ai lam hpe hkam la ma ai. Hkanghkyi ni a n-gup ni hpe pat kau lu ma ai.

HEBRE 13:6

Dai re ai majaw, “Dai Madu gaw ngai hpe karum ai wa rai nga ai, ngai hpa hpe mung hkrit kang na n rai. Kadai wa ngai hpe hpa di lu na rai ta?,” nga nna nden ja ai myit hte anhte tsun nga ga.

YAWSHU 1:18

Na a daru magam ahkang aya hpe san nna na a hkang da ai ga hpe n madat n mara ai wa kadai rai ti mung, sat kau ai hkrum lu na rai nga ai. Dai rai nna myit jahkut daw dan ai hte kam hpa nga u!,” ngu nna tsun wu ai.

YAWSHU 1:9

Ngai nang hpe hkang da sade ai hte maren, myit jahkut daw dan nna kam hpa nga na hpe adum nga u! Hkum hkrit et; myit hkum daw hkum hten et. Dai Madu na a Karai Kasang ngai gaw nang hkawm sa ai shara shagu hta nang hte rau rai nga nngai,” ngu nna tsun wu ai.

TARA AGYI 10:15

Rai ti mung Israela amyu masha ni mahtang dai Madu hpe, “Anhte yubak galaw shut kau saga ai; nang ra ai hku anhte hpe galaw mi; rai ti mung ya e pyi chyeju hte anhte hpe hkye hkrang la mi,” ngu nna tsun ma ai.

1 SAMUELA 14:12

Dai hpang shanhte gaw Yonahtan hte shabrang wa hpe, “Ndai de sit lung wa mi! Nan hpe anhte lama mi tsun dan na lu ga ai!,” ngu nna tsun ma ai. Yonahtan gaw shabrang wa hpe, “Nye a hpang hkan nang rit. Shanhte hpe dang kau lu ai awng padang dai Madu gaw Israela hpe jaw nu ai,” ngu nna tsun wu ai.

1 SAMUELA 14:6

Yonahtan gaw shabrang wa hpe, “N kam n sham ai Hpilisti masha ni a dap de rap sa wa yu ga. Dai Madu an hpe karum la na ra ai; shi rai nna, an hpe awng padang jaw ya ai rai yang, an hta masha n law ti mung, an hpe hkum shadang lu ai lam hpa mung nga lu ai n rai.

1 SAMUELA 17:32

Dawi gaw Shawlu hpe, “Daru magam hpung shingkang hte hpring ai madu e, ndai Hpilisti masha wa hpe kadai mung n hkrit ra na ga ai! Ngai shi hpe sa gasat na we ai,” ngu nna tsun wu ai.

1 SAMUELA 3:18

Dai rai nna, Samuela gaw lama mi mung n ip da ai sha, shi hpe lam magup tsun dan wu ai. Eli chyawm gaw, “Shi gaw dai Madu rai nga ai; shi hta kaja htum ai hku shi galaw na ra ai,” ngu nna tsun ai.

1 SAMUELA 4:9

Hpilisti masha ni e, share shagan nga mu! Wa-ngan n-gun rawng ai masha ni zawn gasat mu! Shing n rai jang, shanhte gaw anhte a mayam ni rai yu manu ai zawn, anhte mung Hebre masha ni a mayam tai mat na raga ai. Dai majaw wa ngan n-gun rawng ai masha ni zawn htim gasat mu!,” ngu nna tsun mu ai.