2 SAMUELA 10:10 - Jinghpaw Common Language Bible 2009

¹⁰ Naw ngam nga ai shi a hpyen hpung ni hpe shi a kanau Abishai up hkang ai npu hta tawn da nhtawm Amon masha ni hte myi man hkrum re ai hku shara la da shangun wu ai.

Jinghpaw Hanson Version Bible

¹⁰ ngam ai gale ni hpe gaw, Ammon masha ni hpang maga hkyen na lam, kanau Abishai hpe dat wu ai.

2 SAMUELA 10:10 ပူးပေါင်းရင်းမြစ်များ

2 SAMUELA 10:11

Yoab gaw shi hpe, “Suri masha ni ngai hpe dang nga ma ai hpe nang mu jang ngai hpe sa karum la e; Amon masha ni nang hpe dang jang ngai nang hpe sa karum la na de ai.

2 SAMUELA 10:9

Yoab gaw gumlau hpyen hpung ni shi hpe ashawng ahpang htim gasat na hkyen nga ai hpe mu jang, Israela hpyenla ni hta na kaja htum ai hpyenla ni lata la nhtawm Suri masha ni hte man hkrum rai shara la da shangun wu ai.

2 SAMUELA 18:2

Dai hpang hpung masum di garan nhtawm hpung mi hpe Yoab, hpung mi hpe Yoab a kanau Abishai, bai hpung mi hpe Gat mare na Itai ni up hkang let pru sa wa shangun wu ai. Dai hpang hkawhkam wa gaw shi a masha ni hpe, “Ngai hkum nan nanhte hte rau pru sa na nngai,” ngu nna tsun wu ai.

2 SAMUELA 23:18

Yoab a kanau Abishai (shan a kanu Zeruia) gaw dai gumhkawng ai share “Sumshi” a ningbaw rai nga ai. Shi gaw masha masum tsa hpe shi a nri hte sat kau lu ai wa re majaw, “Dai Sumshi” hta mying gumhkawng ai wa tai wa sai.

1 HKAWHKAM LABAU 18:12

Kanu Zeruia a kasha Abishai gaw Jum Kadit e Edom masha ni hpe gasat dang kau nhtawm shanhte hta na masha mun mi hkying matsat hpe sat kau wu ai.

1 HKAWHKAM LABAU 19:1

Ya aten ram ram na mat ai hpang, Amon Hkawhkam Nahat si mat nna, shi a kasha Hanun hkawhkam tai wa sai.