2 SAMUELA 1:9 - Jinghpaw Common Language Bible 2009

⁹ Dai hpang shi gaw, ‘Nang de sa wa rit, ngai hpe sat kau e! Ngai gaw ningma kaba hte machyi hkrum nga nngai rai nna ngai ya si na sha rai nga ni ai,’ ngu nna tsun wu ai.

Jinghpaw Hanson Version Bible

⁹ Shaloi Shawlu gaw, ‘Nye makau e tsap nna, ngai e sat kau e; nye a nsa n hti hkraw nna, machyi chyum nga nngai,’ ngu nna ngai e tsun nngai.

2 SAMUELA 1:9 ပူးပေါင်းရင်းမြစ်များ

2 SAMUELA 1:10

Dai rai nna shi kadawng taw mat ai hte rau, shi si mat na chyalu sha rai nga ai hpe ngai chye ai majaw shi kaw ngai lung wa nhtawm sat kau da nngai. Dai hpang shi a baw na janmau hte shi a lahpum na lahkawn hpe ngai la nhtawm nang madu hpang de ya ngai la sa ring ngai,” ngu nna tsun wu ai.

2 SAMUELA 1:8

Shi gaw ngai hpe nang kadai rai nga n ta?, ngu nna san wu ai; ngai gaw Amalek masha rai nga nngai, ngu nna htan we ai.

1 HKAWHKAM LABAU 10:4

Shi gaw shi a laknak hpai ya ai shabrang wa hpe, “Na a nhtu shaw la nna ngai hpe sat kau e, shaloi ndai n kam n sham ai Hpilisti masha ni ngai hpe n yu roi ai hte n sat kau lu mu ga,” ngu nna tsun wu ai. Rai ti mung dai shabrang wa mahtang shing re ai amu galaw na matu gaw grai hkrit gari nga wu ai. Shaloi Shawlu gaw shi a nhtu shaw la nhtawm shi hkum nan dai hta abraw si mat wu ai.

SHINGRAN 9:6

Dai shata manga laman shanhte si nhpang tam na mara ai; rai ti mung shanhte dai hpe mu na mu ai n rai; shanhte si mayu na mara ai, rai tim si hkrung si htan gaw shanhte kaw na hprawng mat na ra ai.

TARA AGYI 9:54

Dai hpang shi gaw ri nhtu lang ai shabrang wa hpe alawan shaga la nna, “Anum e sha me ngai hpe sat kau ni ai, ngu kau na ngai n ra nngai majaw na a nhtu shaw nna ngai hpe sat kau e,” ngu nna hkang da wu ai. Dai majaw dai shabrang wa shi hpe galun htinggrang dat wu ai hte shi si mat nga sai.

1 SAMUELA 31:4

Shaloi shi gaw shi a laknak hpai ya ai shabrang wa hpe, “Na a nhtu shaw nna ngai hpe sat kau e, shaloi ndai n kam n sham ai Hpilisti masha ni ngai hpe n yu roi ai hte n sat kau lu mu ga,” ngu nna tsun wu ai. Rai ti mung, dai shabrang wa mahtang shing re ai amu galaw na matu nau wa hkrit gari da wu ai. Shawlu gaw shi a nhtu shaw la nhtawm shi hkum nan dai hta abraw si mat wu ai.