2 SAMUELA 1:6 - Jinghpaw Common Language Bible 2009

⁶ Dai shabrang wa chyawm gaw, “Gilaboa Bum ntsa e hpa baw mi byin sai kun, ngu du hkawm yu yang, Shawlu gaw shi a nri hta shanat nga ai shaloi hpyen maga de na hpyen leng ni hte gumra jawn ai ni shi hpang de shani sa wa nga ma ai hpe ngai mu nngai.

Jinghpaw Hanson Version Bible

⁶ Shaloi ashi sa tsun ai shabrang wa gaw, “Ngai dai Gilboa bum de majoi mi a hkawm du yu yang, yu u, Shawlu gaw shi a ri hta shadaw nna nga nga la ai; hpyen leng ni hte gumra hpyen ni mung gasat chyi rai nga ma ai.

2 SAMUELA 1:6 ပူးပေါင်းရင်းမြစ်များ

2 SAMUELA 1:21

Gilaboa kawng ni hta marang mung numri mung n hkrat mat nu ga; De a yi hkauna ni gaw tut nawng e nsi naisi n shapraw ya nu ga! Magrau grang ai wa a ninggang ni gaw dai yang e n sawn nsang di kabai kau ai hkrum nga nu hka! Shawlu a ninggang gaw sau hte galoi mung n arut da lu na sai.

2 SAMUELA 1:5

Dawi gaw shi hpe, “Shawlu hte Yonahtan si mat sai hpe nang kaning rai chye n ta?,” ngu nna san wu ai.

2 SAMUELA 1:7

Dai hpang grup grup de kayin mada dat yu wu yang, shi gaw ngai hpe mu nna shaga dat wu ai. Shaloi ngai mung, ‘Madu e, nga nga nngai!,’ ngu nna htan we ai.

LUKA 10:31

Shaloi hkinjawng langai mi dai lam hku lai yu wa hkrup nna, dai wa hpe mu jang, koi kau da wu ai.

RUHTA 2:3

Dai rai nna, Ruhta gaw yi de sa nhtawm, mam dan ai ni a hpang e shanhte ngam da ai nlim ni hpe hkan hta, gut la lu nga ai. Shi gaw n dum shami Bua a yi de sa ang nga wu ai.

1 SAMUELA 28:4

Hpilisti hpyen hpung ni hpawng nna Shunem mare makau e dap jung tawn ma ai; Shawlu mung Israela masha ni hpe shinggyin la nna Gilaboa Bum e dap jung tawn wu ai.

1 SAMUELA 6:9

Dai hpang, dai hkawm mat wa ai hpe azi yu mu; leng dai Bet Sheme mare maga de yawng sa mat wa ai rai yang gaw anhte a ntsa e Israela a Karai Kasang gaw ndai hkrit hpa ru yak tsin-yam tsindam shangun dat nu ai, dai gaw dai hku lachyum pru nga ai. Rai ti mung, dai hku n rai ai rai yang chyawm gaw, ana zinli hpe shi n shangun dat nga ai hpe anhte chye na ga ai; dai gaw majoi byin wa nna hkrum sha ai lam chyu rai nga ai,” ngu nna htan ma ai.