2 SAMUELA 1:23 - Jinghpaw Common Language Bible 2009

²³ “Shawlu hte Yonahtan grai mau na zawn hkrung nga dingsa tsaw ra nja; si wa ai mung ndaw nhka, galang ni hta grau laram, hkanghkyi ni hta grau ningtsam rawng nga ai.

Jinghpaw Hanson Version Bible

²³ Shawlu yan Yonahtan, hkrung nga dingsa tsawra nja, Si wa sai mung n daw n hka; Shan gaw, wa hpai kalang hta grau laram, Hkanghkyi hta n-gun grau ningtsam rai ma ai.

2 SAMUELA 1:23 ပူးပေါင်းရင်းမြစ်များ

2 SAMUELA 1:24

“Israela numsha ni e, Shawlu a matu sharung shayawt nga mu! Shi gaw nanhte hpe hkyeng mang ai hpun palawng jahpun nna, aja lungseng ni hte nanhte hpe mawn sumli da manit dai.

2 SAMUELA 2:18

Dai majan hta Zeruia a kasha masum rai nga ai Yoab, Abishai hte Asahela ni lawm nga ma ai. Asahela chyawm gaw chyahkyi zawn kagat chyang lu ai wa rai nna,

2 SAMUELA 23:20

Kabazela mare kaw na Yehoiada a kasha Benaia gaw kaga gumhkawng ai hpyenla langai mi rai nga ai; shi gaw magrau grang ai amu law law galaw nu ai, dai hta galu kaba ai Moba hpyenla lahkawng hpe mung sat kau wu ai. Lang mi mung hkyen htat ai shani e nhkun kata de shang nna hkanghkyi langai sat kau wu ai.

1 HKAWHKAM LABAU 12:8

Ndai gaw Dawi nga ai nam mali hpyen dap hta Dawi a hpyen hpung ni de shang mat wa ai Gad a amyu bawsang hta na gumhkawng nna mahkrum madup law ai hpyenla ni a mying rai nga ai. Shanhte gaw hpyen majan amu chye galaw nna ri ninggang chye lang nga ma ai; shanhte gaw hkanghkyi ni zawn myi dai nna bum ga na shan nga zawn gat laram chye nga ma ai.

YOBA 9:26

Nye a asak gaw lawan htum ai sanghpaw li zawn prangtai hpe htim magra ai galang zawn lawan lai mat wa nga ai.

GA SHAGAWP 30:30

Dai ni gaw, hkanghkyi: dusat yawng hta n-gun ja htum rai nna kadai hpe mung n hkrit nga ai,

Shawlumon A Mahkawn Ga 5:16

Shi a n-gup gaw pup yang dwi nga ai, shi hte seng ai lam magup gaw ngai hpe shalen la nga ai. Yerusalem numsha ni e, dai lam ni gaw nye a tsaw ra hte bung nga ai.

YEREMIA 4:13

Yu u, gumlau hpyen gaw sumwi ni zawn sa wa mara ai. Shanhte a majan hpyen leng ni gaw nbung bung hpoi zawn rai nga ai, shanhte a hpyen gumra ni gaw galang ni hta grau nna lawan nga ma ai. Anhte sum mat saga ai! Anhte daw dan ai hkrum saga ai!

SHARUNG SHAYAWT 4:19

Shanhte gaw lamu ntsa kaw nna htim yu wa ai galang ni hta pyi grau lawan nna anhte hpe htim shachyut ma ai. Shanhte gaw anhte hpe bum lang hkan e hkan tam ma ai, anhte hpe nam mali hkan e akajawng sha rim woi la ma ai.

TARA JAHPRANG 28:49

Dai Madu gaw nanhte hpe htim gasat na matu nanhte n chye na ai ga shaga ai masha amyu baw ni hpe mungkan ga htum kaw na shangun dat na ra ai. Shanhte mung galang zawn nanhte hpe htim na mara ai.

TARA AGYI 14:18

Dai rai nna sanit ya shani, Samson yup gawk de garai n shang yang, mare na lasha ni gaw shi hpe, “Lagat ntsin hta grau dwi ai gaw hpa rai lu na ta? Hkanghkyi langai hta grau n-gun rawng ai gaw hpa rai lu na ta?,” ngu nna tsun mu ai. Samson gaw, “Nye a dumsu kanu hte n shawt kau myit dai rai yang, dai mahtai hpe nanhte ya jang chye na myit dai n rai,” ngu nna bai htan dat wu ai.

1 SAMUELA 18:1

Shawlu hte ga tsun ngut ai hpang, Shawlu a kasha Yonahtan gaw Dawi hpe grai myit yu kap mat ai rai nna, shi hkum hte maren tsaw ra wu ai.

1 SAMUELA 20:2

Yonahtan chyawm gaw, “Karai Kasang gaw nang si na hpe n hkraw nga ai! Nye wa gaw shi galaw ai amu ahkyak ai rai ti mung, n ahkyak ai rai ti mung, dai amu ni hpe ngai n chye hkra ip da nhtawm lam magup hpe shi galaw wu ai n rai. Dai gaw n teng nga ai!,” ngu nna htan wu ai.