2 SAMUELA 1:21 - Jinghpaw Common Language Bible 2009

²¹ Gilaboa kawng ni hta marang mung numri mung n hkrat mat nu ga; De a yi hkauna ni gaw tut nawng e nsi naisi n shapraw ya nu ga! Magrau grang ai wa a ninggang ni gaw dai yang e n sawn nsang di kabai kau ai hkrum nga nu hka! Shawlu a ninggang gaw sau hte galoi mung n arut da lu na sai.

Jinghpaw Hanson Version Bible

²¹ Gilboa kawng ni e, nanhte a ntsa e, Mari hkum hkrat, marang hkum htu u ga: Jaw jau kumhpa nawng ai yi hkauna hkum tai u ga. Kaning rai nme law, dai yang e share ni a n-gang, Namman n chya ai rai hpe zawn, Shawlu a n-gang gaw, N sawn n sang di kabai kau ai hkrum nu hka.

2 SAMUELA 1:21 ပူးပေါင်းရင်းမြစ်များ

1 HKAWHKAM LABAU 10:1

Hpilisti masha ni gaw Israela masha ni hpe Gilaboa Bum ntsa e sa gasat ma ai. Dai yang e Israela masha ni law law sat kau ai hkrum ma ai; ngam nga ai shanhte hta na Hkawhkam Shawlu hte shi a kasha ni du hkra hprawng lawm mat ma ai.

1 HKAWHKAM LABAU 10:8

Hpilisti masha ni gaw majan a hpang shani e si mang ni hta na lanep hpyu la na nga, pru sa wa mu yang, Shawlu a moi mang hte shi a kasha masum hte gaw Gilaboa Bum ntsa e si taw nga ai hpe shanhte mu ma ai.

Shawlumon A Mahkawn Ga 4:4

Na a du gaw din din rai nna pri tsawm ai Dawi a langchyi zawn rai nna, ninggang hkying mi noi da ai zawn re ai kachyi hte shinggrup da nga ai.

ESAIA 21:5

Shingran hta lusha poi jin jin rai nga sai; manam ni dung na matu sagu panep ni hpe hpyan nep da nga sai. Shanhte gaw lu lu sha sha rai ma ai. Hpyen du langai mi gaw akajawng sha ning ngu sadi jaw dat wu ai: “Du salang ni e, nanhte a ninggang ni hpe hkyen da manu!”

ESAIA 5:6

Ngai gaw dai hpe tsing ni hte shalim kau shangun na we ai. Ngai gaw sabyi ru ni hpe tsan kau na n rai, aga hpe chye pawm ya na n rai; shing di na malai, ngai gaw dai shara hpe ju hpun ni hte ka-up da shangun na nngai. Ngai gaw de a ntsa e marang jahtu ya na matu, sumwi ni hpe hkum shadang da na nngai.”

EZEKELA 31:15

Ndai gaw Tsaw Htum ai dai Madu tsun ai mungga rai nga ai: “Dai hpun gaw katsan ga de yu wa ai shani e, sharung shayawt ai kumla hku nna mungkan kata tsang na hka ni hte dai hpun hpe kaput kau shangun na nngai. Ngai gaw hka nu ni hpe dim da nna hka shi law law hpe mung n lwi shangun na nngai. Dai hpun si mat sai majaw, ngai gaw Lebanon Bum ni a ntsa e nsin sin shangun nna maling htinggram na hpun ni yawng hpe mung nyui kau shangun na nngai.

YOELA 1:9

Nawku Htingnu kata nawng ya na nsi naisi hte sabyi ntsin n nga sai; dai Madu a matu hkungga n lu manu ai majaw, hkinjawng ni sharung shayawt nga ma ai.

YOELA 2:14

Dai Madu nanhte a Karai Kasang gaw shi a myit chye galai ai hte nanhte hpe ndaw nhta re ai nsi naisi ni shaman ya na ra a dawng. Dai hpang, nanhte shi hpe nsi naisi hte sabyi ntsin nawng ya lu na myit dai.

TARA AGYI 5:23

Dai Madu a lamu kasa gaw, “Meroza mare gaw dagam kau ai hkrum nu ga, dai yang e nga ai ni dagam dala, hkrum mu ga, Shanhte gaw shi a matu majan gasat na hpyenla ni hte rau dai Madu hpe n sa karum la ma ai,” ngu nna tsun ai.

1 SAMUELA 10:1

Dai hpang Samuela gaw tsanlun sau rawng ai di bu langai la nna Shawlu a baw ntsa e ru jaw nna shi hpe pup let, “Shi a amyu masha Israela hpe up hkang ai du tai na matu, dai Madu gaw nang hpe namman jaw ya nga ai. Dai rai nna shi a amyu masha ni hpe nang up hkang nna shanhte a gumlau hpyen ni yawng a lata kaw nna mung shanhte hpe makawp maga ya na rai ndai. Ndai gaw dai Madu nang hpe lata la nna shi a amyu masha ni hpe up hkang na du tai na matu nang hpe madun ai sakse rai nga ai.

1 SAMUELA 31:1

Hpilisti masha ni gaw Israela amyu masha ni hpe Gilaboa Bum ntsa e sa gasat ma ai. Dai yang e, Israela amyu masha ni law law sat kau ai hkrum nga ma ai; ngam nga ai ni hta Hkawhkam Shawlu hte shi a kasha ni du hkra hprawng mat wa ma ai.

1 SAMUELA 31:8

Majan a hpang shani e, si mang ni hta na lanep hpyu la na nga pru sa wa ma yang, Shawlu a moi mang hte shi a kasha masum Gilaboa Bum ntsa e si taw nga ai hpe shanhte mu ma ai.