2 SAMUELA 1:2 - Jinghpaw Common Language Bible 2009

² Hpang shani e, shabrang langai mi gaw Shawlu a dap kaw na du wa nhtawm shi a bu hpun palawng ni gang je kau let shi a baw ntsa e ga nhpu hte bun nna yawn hkyen ai lam madun dan nga wu ai. Shaloi Dawi hpang de shi sa nna ga de dingnyawm dagup let hkungga jaw wu ai.

Jinghpaw Hanson Version Bible

² masum ya ngu na shani hta, masha langai wa mi tinang a palawng gang je kau let, shi a baw e ga nhpu hte bun let, Shawlu a dap na wa nna, Dawi hpang de du jang, ga e dingnyawm dagup nawku nga ai.

2 SAMUELA 1:2 ပူးပေါင်းရင်းမြစ်များ

NINGPAWT NINGHPANG 22:4

Masum ya sat hkawm ai hpang, Abraham gaw tsan tsan e nga ai dai shara hpe mu wu ai.

NINGPAWT NINGHPANG 37:29

Rubin dai hka htung de bai wa yu wu yang, dai shara hta Yosep n nga sai hpe mu wu ai; shi gaw yawn hkyen ai hte shi a palawng ni hpe gang je kau wu ai.

NINGPAWT NINGHPANG 37:34

Yaku gaw yawn hkyen ai hte shi a hpun palawng ni hpe gang je kau nhtawm lachyit nba lawai da wu ai. Shi gaw shing rai hkrum hkra sai kasha a matu nhtoi na na wa sharung shayawt nga wu ai.

NINGPAWT NINGHPANG 43:28

Shanhte mung, “Nang hpe hkungga ai shangun ma, anhte a kawa gaw naw hkrung nga nna hkam kaja nga ai,” ngu nna htan let shi a man e hput di nhtawm gum dagup ma ai.

2 SAMUELA 1:3

Dawi gaw shi hpe, “Nang kanang kaw nna sa wa n ta?,” ngu nna san wu ai. Shi gaw, “Israela dap kaw nna hprawng sa wa nngai,” ngu nna htan wu ai.

2 SAMUELA 13:19

Tama gaw shi a baw hta dap hte bun let shi a palawng galu gang je kau nhtawm myi man hpe lata hte magum nna hkrap let wa mat wa wu ai.

2 SAMUELA 14:4

Dai numsha mung hkawhkam wa kaw shang nna ga de dingnyawm dagup let hkungga jaw nna, “Nye a hkawhkam wa e, ngai hpe karum la e law!,” ngu nna tsun wu ai.

2 SAMUELA 15:32

Dawi gaw kawng pungding na nawku shara langai de du jang, Arhki shara na shi a kam ging ai manang Hushai mung shi a hpun palawng ni gang je kau nhtawm baw hta ga nhpu hte bun la let shi hpe sa hkrum wu ai.

2 SAMUELA 24:20

Ya Arauna mada yu wu yang, hkawhkam wa hte shi a du salang ni shi hpang de sa wa nga ma ai hpe mu wu ai. Shaloi shi gaw Dawi a man e ga de gum dagup nhtawm,

2 SAMUELA 4:10

Ziklag mare na kasa langai mi ngai kaw sa nhtawm kabu hpa shiga tsun dan na nga myit nna Shawlu si mat sai lam ngai hpe tsun dan yu ni ai. Shaloi ngai shi hpe rim la nna sat kau we ai. Dai gaw shi tsun dan ai kabu hpa shiga a matu ngai shi hpe jaw ai kumhpa rai nga ai!

ESHTA 4:16

“Sa nna Susa mare hta nga ai Yuda masha ni yawng hpe jahpawng tawn u; lusha gam let nye a matu akyu hpyi ya mi. Masum ya tup shani shana hpa mung hkum lu hkum sha nga myit. Nye a shangun ma numsha ni hte ngai mung dai hte maren galaw na ga ai. Dai hpang tara tawt lai ti mung hkawhkam wa hpang de ngai shang na nngai. Ndai amu galaw ai a majaw ngai si lu na rai yang mung si na nngai.”

ESHTA 5:1

Eshta gaw shi lusha gam ai masum ya ngu na shani hta hkawhkam hpun palawng ni hpe sumraw la nna, hkawhkam tingnyang gawk hte man chyaw re ai hkawhkam htingnu a kata wang hta tsap nga ai. Shaloi hkawhkam wa gaw shang wa chyinghka lam hte man chyaw na hkawhkam htingnu kata na shi a hkawhkam tingnyang hta dung nga ai.

SHAKAWN KUNGDAWN 66:3

“Nang galaw ai amu ni gaw kade wa mauhpa rai nga a hka! Na a daru magam n-gun grai galu kaba nga ai majaw, na a gumlau hpyen ni gaw na a man e, hkrit ai hte gum dagup nga ma ai.

EZEKELA 27:30

Shanhte yawng gaw na a matu ahkup ahka nga hkra sharung shayawt nga ma ai, Shanhte a baw ni hta nhpu hte bun nna dap ni hta galu nga ma ai.

HOSEA 6:2

Lahkawng masum ya rai jang, shi anhte hpe shaprawn la na ra ai, anhte gaw shi a man e nga lu na ga ai.

YOELA 2:13

Nanhte a yawn hkyen ai hpe madun dan lu hkra nanhte a myit masin agrawp shadaw kau mu; hpun palawng gang je kau ai hte sha ram ai n rai,” ngu nna tsun wu ai. Dai Madu nanhte a Karai Kasang hpang de nhtang wa marit. Shi gaw matsan chye dum ai hte n-gaw n wai ai myit hpring hkra rawng nga ai; shi gaw myit galu kaba ai hte shi a ga sadi ni hpe shatup nga ai; shi gaw ari jaw na matu n rai, mara dat ya na matu, tut nawng jin jin rai nga ai wa rai nga ai.

MAHTE 12:40

Yona gaw shani masum ya hte shana masum na du hkra, dai nga kaba a kan kata e rawng nga ai hte maren, dai Masha Kasha mung, shani masum ya hte shana masum na du hkra ga a sung ai kata e rawng nga na ra ai.

MAHTE 16:21

Dai aten kaw nna Yesu gaw, sape ni hpe tsun dan magang mu ai gaw, “Ngai Yerusalem mare de sa nna agyi salang ni, hkinjawng agyi ni hte tara sara ni a lata hta e nni nkri law law hkrum nna, sat kau ai hkrum nhtawm, masum ya nhtoi hta ngai bai sharawt la ai hkrum na ring ngai,” ngu mu ai.

YAWSHU 7:6

Yawshu hte Israela ningbaw ni gaw lahpawt dum ai myit hte yawn hkyen let shanhte a hpun palawng ni hpe gang je kau nhtawm dai Madu a Ga Shaka Sumpu man e galeng nga nna, shanhte a baw hta nhpu hte bun nhtawm shana de du hkra yawn hkyen ai kumla madun nga ma ai.

SHINGRAN 3:9

Yu u! Tinang dai Yuda masha rai ga ai nga ti mung Yuda n teng ai sha, Satan a hpung hta lawm ai dai masu ai ni hpe na a lagaw nhpang e ngai shanhte hpe sa naw dingnyawm shangun na mawe ai rai nna, ngai nang hpe tsaw ra nga ai gaw, shanhte chye lu na mara ai.

1 SAMUELA 20:41

Dai ma pru mat wa ai hpang, Dawi gaw nlung sumpum a shingdu kaw nna rawt pru wa nhtawm ga de hput di di let masum lang gum dagup wu ai. Shi hte Yonahtan mahtang shan shada da pup let hkrap nga ma ai; Dawi mahtang Yonahtan hta grau nna yawn nga ai.

1 SAMUELA 25:23

Abigala gaw Dawi hpe mu ai shaloi, lawze kaw na tin tin yu nhtawm Dawi a lagaw nhpang e dingnyawm dagup ai hte

1 SAMUELA 4:12

Benyamin amyu bawsang hta na langai mi gaw hpyen ginra kaw nna Shilo mare de kagat wa ai rai nna, dai shani jang dai de du wa wu ai. Shaloi shi a yawn hkyen ai hpe madun dan na nga, shi a hpun palawng hpe gang je kau nhtawm shi a baw ntsa e ga hte bun dan wu ai.

1 SAMUELA 4:16

Dai masha wa gaw, “Ngai gaw majan gasat ai kaw na lawt wa nngai; dai ni ndai de lam dingyang kagat wa nngai,” ngu nna tsun dan wu ai, Eli gaw shi hpe, “Ngai sha e, hpa baw byin sata?,” ngu nna san wu ai.