2 SAMUELA 1:19 - Jinghpaw Common Language Bible 2009

¹⁹ “Israela a kawng ni hta anhte a ningbaw ni si taw nga ma ai! Share shagan htum ai anhte a hpyenla ni kadawng mat ma sahka!

Jinghpaw Hanson Version Bible

¹⁹ “Israela e, na a arawng, na a tsaw ai kawng ni hta, sat kau ai hkrum nga ai! Share ninghkrin ni kadawng si mat masahka!

2 SAMUELA 1:19 ပူးပေါင်းရင်းမြစ်များ

2 SAMUELA 1:23

“Shawlu hte Yonahtan grai mau na zawn hkrung nga dingsa tsaw ra nja; si wa ai mung ndaw nhka, galang ni hta grau laram, hkanghkyi ni hta grau ningtsam rawng nga ai.

2 SAMUELA 1:25

“Magrau grang ai hpyenla ni kadawng taw mat masai; shanhte gaw majan pa e sat kau ai hkrum nga masai. Kawng ni hta Yonahtan si taw mat sahka!

2 SAMUELA 1:27

“Magrau grang ai hpyenla ni kadawng taw mat sahka! Shanhte a laknak arai ni hpe kabai kau da masai, dai ni gaw hpa asung mi n shang mat sai.”

ESAIA 4:2

Dai Madu gaw hpun lawn hte hpun shagu hte hpe lamu ga hta tu kaba wa shangun ai hte tsawm htap shangun na ra ai. Asak naw hkrung nga ai Israela amyu masha ni gaw dai lamu ga na shapraw ya ai nsi naisi a majaw kabu awng sharawng ai hte gumrawng wa na mara ai.

ESAIA 53:2

Dai gaw dai Madu a myit ra ai hku galaw nga sai shi a shangun ma rai nna shi gaw hkun hkraw ai lamu ga hta ru ru ai hkai bawng zawn tu nga ai. Shi hta sari sadang n nga, tsawm htap ai mung n nga, shi hpe yu matsing na zawn re ai nsam n nga nga ai. Shi hpe yu tsaw ra na zawn re ai myi man ningchya hpa mung n nga nga ai, anhte a myit hpe gang la lu ai yu ra shingni shi hta hpa mung n nga nga ai.

SHARUNG SHAYAWT 2:1

Dai Madu gaw shi a masin kahtet ai majaw, Ziun hpe nsin hte ka-up da nga wu ai. Shi gaw sumsing lamu a hkik hkam ai hpung shingkang hpe jahten sharun kau nu ai. Shi a masin kahtet ai shani e, shi gaw shi a Nawku Htingnu hpe pyi kabai kau nga ai.

SHARUNG SHAYAWT 5:16

Anhte a gumrawng shara yawng hpa mung n nga sai. Anhte yubak galaw ga ai hte, ya chyawm gaw ari hkrum saga ai.

ZEHKARIA 11:10

Dai hpang, ngai gaw, “Masha amyu baw ni yawng hte dai Madu tawn da ai ga shaka hpe run kau na matu “Myi man pa lam” ngu shamying ai dawhkrawng hpe la nna shadaw kau nngai.

ZEHKARIA 11:7

Sagu ni hpe dut mari ai ni gaw ngai hpe saw shaga ma ai; dai rai nna ngai gaw sat na matu san da ai sagu ni hpe rem ai wa ngai tai nga nngai. Ngai gaw dawhkrawng lahkawng la nna langai mi hpe “Myi man pa lam” kaga langai mi hpe “Myit hkrum lam” ngu nna shamying nngai. Shaloi sagu hpung hpe ngai bau rem nngai.

1 SAMUELA 31:8

Majan a hpang shani e, si mang ni hta na lanep hpyu la na nga pru sa wa ma yang, Shawlu a moi mang hte shi a kasha masum Gilaboa Bum ntsa e si taw nga ai hpe shanhte mu ma ai.