2 PETRU 3:8 - Jinghpaw Common Language Bible 2009

⁸ Rai ti mung tsaw ra ai manang ni e, lam langai mi hpe hkum malap kau mu, Madu a man e lani mi hte shaning hkying mi gaw hpa n shai nga ai; shi a man e dai lahkawng gaw maren sha rai nga ai.

Jinghpaw Hanson Version Bible

⁸ Rai timung, tsawra ai ni e; dai Madu a man e nhtoi langai mi gaw shaning hkying mi hte, shaning hkying mi gaw nhtoi langai mi hte maren rai nga ai lam langai sha hpe, malap mali hkum rai nga myit.

2 PETRU 3:8 ပူးပေါင်းရင်းမြစ်များ

SHAKAWN KUNGDAWN 90:4

Na a matu shaning hkying mi gaw lani mi zawn rai nga nna; dai ni gaw lai mat wa sai mani na nhtoi hte kadun la ai shana na ahkying aten zawn rai nga ai.

ROMA 11:25

Hpu nau ni e, nanhte gaw tinang dai chye chyang la ni ai ngu nna n myit la na matu Karai Kasang a sung htum ai hte makoi magap da ai teng man ai lam langai mi nanhte hpe chye na shangun mayu nngai. Dai gaw Israela amyu masha ni tut nawng myit shaja kau nna nga na ma ai n rai, rai ti mung dai gaw hkye hkrang la hkrum nna Karai Kasang kaw du wa na kaga amyu masha ni a jahpan wa hkum ai ten du hkra sha rai na rai nga ai.

1 KORINHTU 10:1

Hpu nau ni e, Mawshe woi awn ai anhte a ji wa ni hta hpa byin lai wa sai lam nanhte hpe bai dum chye shangun mayu nngai. Shanhte yawng gaw sumwi e makawp maga ai a kata hta hkawm sa wa nna, Nawng Hkyeng hpe mung apyaw sha ga rap lai di kau da lu ma ai.

1 KORINHTU 12:1

Hpu nau ni e, nanhte laika hte ka san dat ai Wenyi a chyeju kumhpa ni hte seng nna, de a teng man ai lam nanhte hpe chye shangun mayu nngai.

2 PETRU 3:1

Nye a tsaw ra ai manang ni e, ndai gaw ngai nanhte hpang de lahkawng lang ngu na ka dat ai laika rai li ai. Ndai laika lahkawng yan hta nanhte a san seng ai myit ni hte chye na na matu lawu na lam ni hte seng nna shadum dat made ai.