2 PETRU 3:7 - Jinghpaw Common Language Bible 2009

⁷ Rai ti mung Karai Kasang gaw ya nga nga ai sumsing lamu ni hte ginding aga hpe wan hte jahten kau na matu moi na mungga hte nan kyem mazing da nga wu ai. Shanhte hpe tara n hkungga ai masha ni hte rau tara daw dan nna jahten kau na nhtoi du hkra naw tawn da wu ai.

Jinghpaw Hanson Version Bible

⁷ Ya e nga ai sumsing lamu ni hte ginding aga hpe chyawm gaw, tara n lang ai ni a dawdan ai hte jahten shabya hkrum na nhtoi du hkra, wan jahkru na matu mara, moi na mungga hte nan a rem da nga nu ai.

2 PETRU 3:7 ပူးပေါင်းရင်းမြစ်များ

SHAKAWN KUNGDAWN 102:26

Dai ni hten run mat wa tim, nang agrin nga na ndai; dai ni yawng gaw hpun nba ni zawn, dingsa mat wa na ra ai, hpun palawng ni zawn nang dai ni hpe galai kau ai hte dai ni mung wai mat na mara ai.

SHAKAWN KUNGDAWN 50:3

Anhte a Karai Kasang sa wa nga ai rai tim, atsin sha du sa nga ai n rai; shi a man e wan shinglet ni hkru nga nna shi a makau mayang hkan e, laru kaba ru nga ai.

ESAIA 51:6

Sumsing lamu ni hpe mada yu mu; Ginding aga hpe yu mu! Sumsing lamu ni gaw wan hkut zawn hkoi mat nna; ginding aga gaw hpun nba dingsa zawn tsam mat na ra ai, dai hta nga ai amyu masha ni yawng gaw jinu ni zawn si mat na mara ai. Rai ti mung ngai la sa ai hkye mawai la ai amu gaw htani htana agrin nga na ra ai; nye a awng padang gaw hpang jahtum rai na ra ai.

ESAIA 66:15

Dai Madu gaw wan hte rau du sa wa na ra ai. Shi gaw shi pawt sindawng ai ni hpe ari jaw na matu nbung laru a singkaw ni a ntsa e jawn sa wa na ra ai.

Daniela 7:9

Ngai mada yu nga yang, tingnyang ni hpe shara hte shara tawn da nga ai. Htani htana ahkrung nga ai wa chyawm gaw tingnyang langai a ntsa e dung nga ai. Shi a hpun palawng ni gaw hkyen zawn hpraw nna kara gaw jet ai sagu mun hte bung nga ai. Shi a tingnyang gaw wan grung nga ai dingsen ni a ntsa e shadun da nna,

ZEHPANI 3:8

Dai Madu gaw, “Sha ala nga mu,” ngu nna tsun wu ai. Masha amyu baw ni hpe mara jaw na matu ngai rawt sa wa ai nhtoi du hkra ngai hpe ala nga mu; Masha amyu baw ni hte hkawhkam mungdan ni nye a masin kahtet ai hpe shanhte hkam sha lu na matu shanhte hpe zup hpawng shangun na nga, ngai shatawng shada da nngai. Nye a sindawng kahtet ai masin a majaw ginding aga ting jahten kau hkrum na ra ai.

MALAHKI 4:1

Chyahtum Chyalai N-gun rawng ai dai Madu gaw, “Dai nhtoi gaw gumrawng gumtawng ai ni hte n hkru ai masha ni yawng yihku zawn hkru mat ai shaloi du na ra ai. Dai shani e, shanhte hkru mat nna dai yang e shanhte kadai mung ngam nga na mara ai n rai.

MAHTE 10:15

Ngai nanhte hpe teng teng tsun made ai gaw, tara dara ai nhtoi hta e dai mare masha ni gaw Sodom hte Gomora mare hta grau nna yubak ari hkrum sha na mara ai.

MAHTE 11:22

Dai majaw, nan hpe ngai tsun nngai gaw, dai tara dara ai nhtoi hta e, Turu hte Sidon yan gaw, nan hta naw chyamai na mara ai.

MAHTE 11:24

Dai majaw ngai nanhte hpe tsun made ai gaw, tara dara ai nhtoi hta e, Sodom mung gaw, nang hta naw chyamai na ra ai.

MAHTE 12:36

Nanhte hpe ngai tsun made ga, Tara Dara ai Nhtoi hta e, masha ni gaw tinang a akyu n nga ai hku tsun kau yu ga sai ga ni a matu jahpan dan nna jeyang daw dan ai hkrum na mara ai, ngu mu ai.

MAHTE 24:35

Sumsing lamu hte ginding aga lai mat wa ti mung, nye a ga gaw n lai mat na li ai.

MAHTE 25:41

“Dai hpang, shi a pai maga de nga ai ni hpe, ‘Dagam dala hkrum ai ni e, ngai kaw na hka mat wa mu! Nat gumlau hte shi a salung sala ni a matu lajang da ai n htum n wai wan de shang wa mu!

MARKU 6:11

Nanhte mare langai ngai de du nna dai mare kaw na masha ni nanhte hpe n hkap la nna nanhte hpe n madat n mara nga ma yang gaw, nanhte a lagaw lahpan hta kap ai ga nhpu hpe ahpu sharun kau da nna dai shara kaw na pru mat wa mu. Dai gaw shanhte hpe sadi jaw ai lam tai na ra ai.’’ ngu nna kahtap tsun dat mu ai.

YAWHAN 12:48

Ngai hpe n hkap la ai hte nye a ga n hta la ai wa hpe jeyang na wa kaga mi nga ai; ngai tsun ai mungga e nan hpang jahtum na nhtoi hta dai wa hpe jeyang na ru ai.

ROMA 2:5

Rai ti mung nang gaw myit ja ai hte myit malai n lu ndai majaw, Karai Kasang a pawt bu nga ai hpe ding man ai hku tara dara ai lam dan pru ai nhtoi e nang gaw grau nna kaba ai ari hkrum lu na rin dai.

1 KORINHTU 3:13

Masha langai hkrai a gaw gap ai kaja ai n kaja ai marai ningja gaw Madu Yesu du sa ai shani e dan dawng wa na ra ai. Hpa majaw nga yang, dai shani e masha langai hte langai a galaw ai bungli hpe shadan dan na ra ai, dai wan gaw langai hte langai galaw ai bungli marai nsam hpe chyam ginhka na ru ai.

HPILIPI 1:28

Dai hta kaga nanhte gaw hpyen ni hpe; hkum hkrit nga myit, tut nawng e nden marai rawng nga mu. Dai gaw shanhte sum hkrum nna nanhte awng dang wa na sakse kumla tai na ra ai; hpa majaw nga yang nanhte hpe awng padang jaw ai gaw Karai Kasang shi nan rai nga ai.

2 HTESALONI 2:3

Gara hku rai ti mung, nanhte hpe gade e mung n hkalem kau myit ga. Hpa majaw nga yang, hpang jahtum Karai Kasang hpe gumlau ai lam garai n byin yang, ngarai mung de jahkrat kau hkrum na rai nga ai n hkru Ai Wa garai n paw pru yang dai nhtoi du na ra ai n rai.

1 TIMOHTI 6:9

Rai ti mung sut su mayu ai ni gaw, agung alau hkrum ma ai hte angawk angak hte tsin yam shabyin shangun lu ai marin marit ai lam ni law law a mahkam dawnggawng hta lup mat ma ai; dai gaw shanhte hpe hten byak ai hte sum hkrum ai hta dun bang kau manu ai.

HEBRE 12:29

Hpa majaw nga yang, anhte a Karai Kasang gaw hkru jahten kau chye ai wan nan rai nga ai.

2 PETRU 2:9

Dai re ai majaw Karai Kasang gaw tara hkung ga ai ni hpe shanhte hkrum hkra nga ai chyam dinglik ai lam ni a kata na gara hku mawai la na hte, n hkru n kaja ai ni hpe tara daw dan ai nhtoi du hkra gara hku ari jaw na hpe mung shi chye nga ai.

2 PETRU 3:10

Dai Madu a nhtoi chyawm gaw lagu lagut zawn du na ra ai; dai nhtoi hta e sumsing lamu gaw grai kyek kachyeng ai nsen ngoi nna mat mat wa na ra ai. Sumsing nhtoi hkum ni mung wan hkru nna hten bya mat na mara ai; ginding aga hte nga manga ni mung hkoi mat na mara ai.

2 PETRU 3:12

Nanhte gaw Karai Kasang a nhtoi hpe ala nga ai lam hta alawan du wa ru ga; kaja dik ai hku shakut sharang let ala nga mu. Dai nhtoi hta sumsing lamu ni gaw hkru mat nna hten za mat na mara ai; sumsing lamu na ahtoi hkum ni mung kahtet ai majaw byawng mat na mara ai.

1 YAWHAN 4:17

Anhte hta shi a tsaw ra ai myit kup tsup wa ai hte daw dan ai nhtoi hta e anhte gaw nden ja ai myit lu la na raga ai. Hpa majaw nga yang ndai mungkan hta anhte a asak hkrung ai lam gaw Hkristu a asak hkrung lam hte maren sha rai nga mali ai.

YUDA 1:7

Sodom hte Gomora mare yan hpe mung dai mare yan a grup yin na mare ni hpe mung myit dum nga mu. Dai mare ni kaw na mare masha ni gaw dai lamu kasa ni zawn, num la n se n sa lam hta pyaw daw kadaw nna shing ra maka hte nhtan shai ai hku nga sha ma ai majaw yawng a matu asan sha dan dan leng leng sadi jaw ai hku nna htani htana wan hta ari hkrum sha ma ai.

SHINGRAN 17:11

Shawng de kalang mi asak hkrung nga yu nna ya n hkrung sai matse labye gaw matsat ngu na hkawhkam wa rai nga ai, rai ti mung dai hkawhkam sanit hta lawm nga ai rai nna, shi mung hten byak si mat ai de sa wa na ra ai.

SHINGRAN 17:8

Nang mu ai matse labye gaw, moi shawng de asak hkrung nna nga yu sai rai tim ya asak n hkrung sai. Shi gaw dai sung htum ai nhkun kaw nna lung wa magang ra ai rai nna, jahten kau hkrum na shara de sa wa na ra ai. Ginding aga nnan lat kaw nna tinang a mying ni hpe asak laika hta n ka shalawm da ai, ga ntsa e nga ai masha ni gaw, dai matse labye hpe mu ai hte yawng mayawng mau mahka na mara ai. Shi gaw shawng de kalang mi asak hkrung nga yu sai, ya asak n hkrung sai, rai ti mung hpang e kalang mi bai asak hkrung pru wa na ra ai.

SHINGRAN 20:11

Dai hpang, galu kaba ai tingnyang ahpraw mung, dai hta e dung nga ai wa hpe mung ngai mu nngai. Dai Madu a man na aga hte lamu gaw hkoi mat wa nna, dai yan hpe n mu yu mat sai.

SHINGRAN 21:1

Dai hpang, sumsing lamu ningnan hte ginding aga ningnan hpe ngai mu nngai, Shawng na lamu hte shawng na aga gaw hkoi mat wa sai. Panglai mung dai kaw na n nga mat sai.