2 PETRU 3:5 - Jinghpaw Common Language Bible 2009

⁵ Karai Kasang gaw shawng npawt e sumsing lamu hte ginding aga hpe shi a hkang da ai ga hte hpan da sai hpe mung, ginding aga hpe hka kata kaw na hka hte shapraw da sai hpe mung,

Jinghpaw Hanson Version Bible

⁵ Rai timung, sumsing lamu ni gaw, moi chyaloi nhkoi kaw nna nga nga ai hte, hka hta na dawng pru nna, hka e gaw da ai ginding aga hpe mung, Karai Kasang a mungga a majaw agrin nga ai hte,

2 PETRU 3:5 ပူးပေါင်းရင်းမြစ်များ

NINGPAWT NINGHPANG 1:6

Dai hpang Karai Kasang gaw, “Hka hpungnung hpe karan nna hka hte hka lahkawng brang karan na matu lamu madin nga u ga,” ngu nna hkang dat wu yang dai mung byin nga sai. Dai rai nna Karai Kasang gaw lamu madin hpe galaw nna madin kata e nga ai hka hte madin ntsa e nga ai hka hpe karan da wu ai.

NINGPAWT NINGHPANG 1:9

Dai hpang Karai Kasang gaw, “Lamu kata e nga ai hka hpung ni shara mi hta shinggyin hpawng nga u ga, shaloi hkarang ga dawng pru wa na ra ai,” ngu nna hkang dat wu yang, dai mung byin nga sai.

SHAKAWN KUNGDAWN 136:6

Shi gaw sung ai hka ni a ntsa e, ginding aga hpe gaw da nga ai; shi a tsaw ra myit htani htana agrin nga ai.

SHAKAWN KUNGDAWN 24:2

Ginding aga a kata, sung ai hka ni a ntsa e, dai hpe shi gaw da nna de a npawt nhpang ni hpe nammukdara kata sung ai shara ni hta jahkrat tawn da nga sai.

SHAKAWN KUNGDAWN 33:6

Madu gaw shi a hkang da ai mungga hte sumsing lamu ni hpe hpan da nu ai; jan, shata hte shagan ni mung, shi tsun dat ai mungga hte byin wa sai.

GA SHAGAWP 17:16

Angawk ai wa a matu gumhpraw jai nna hpaji tam na gaw hpa akyu n nga nga ai, hpa majaw nga yang, shi hta chye chyang ai nyan n rawng nga ai majaw rai nga ai.

ROMA 1:28

Dai masha ni gaw Karai Kasang hte seng ai teng man ai machye machyang shanhte a myit hta bang da na ningdang kau ma ai majaw shanhte n galaw ang ai n hpru n mai re ai amu galaw mu ga, Karai Kasang gaw shanhte hpe n san n seng ai myit mang lam ni hta nawng kau mu ai.

KOLOSE 1:17

Shi gaw yawng mayawng a shawng e nga nga nna, nga manga hte gaw shi a jaw e shi a shara hte shara grin nga lu ma ai.

HEBRE 11:3

N mu lu ai arai ni kaw nna mu lu ai arai ni byin tai wa na matu Karai Kasang a mungga hte ndai nga yawng nga pra hpe hpan da sai lam anhte chye lu ai gaw dai makam masham a majaw rai nga ai.